Di rạp chiếu phim Cinestar jalan Nguyễn Trãi, phường Nguyễn Cư Trinh, quận 1, ban raya  Hồ Chí Minh mesup harei car jeng hu menuac yau yaok harei, min thei jeng mboh tatuak drei anak bruk hu mbaok di 200 urang lac dom anek saih sup meta di sang bac phổ thông đặc biệt Nguyễn Đình Chiểu. Dom adei xếp hàng tapal gauk, nao tame balik chiếu piah iek  bộ phim hoạt hình "Zootopia - Phi vụ động trời" lac phim phiêu lưu – hài kịch. Hu chiếu song chất lượng âm thanh biak siam, gam song panuac thuyết minh meng gah langiu,  nan ye yaom lac oh mong mboh min dom adei meda thau hu bruk di bộ phim. Bộ phim tamat bloh min không khí yau chreih chrai tagok dalam sap ndom klau, ginum biai ka âm nhạc song dom bruk bui sambai di  bộ phim. Lê Minh Hoàng, anek saih sang bac phổ thông đặc biệt Nguyễn Đình Chiểu ban raya Hồ Chí Minh lac:

 (Băng – 20s: Ni lac mbang camereip adei hu iek phim di rạp  chất lượng âm thanh biak siam. Adei biak takre nhạc phim. Adei jeng cong khin tuk vak anak tal adei song dom ayuh karei hu iek dom bộ phim karei di rạp, gam hu pato megru  gam hu bui sambai)   

Jeng hu hatai sahneng yau Hoàng, Trần Thanh Lâm bui sambai brei thau, hu iek phim di rạp nyu ngak ka adei var nao dom kurang lihik di rup drei, mboh tự tin jang. Meng livik mai sahaneng lac drei oh hu iek phim, min urak ni cong khin nan hu jeng biak,  hu sap di urang lồng tiếng, hu caik hatai pang saong meng akaok sahneng hu dong ka adei  yau hu mboh, hu thau dom bruk di bộ phim, di dom   nhân vật. Thanh Lâm lac

 (Băng- 5s: Adei mboh biak gheih song sambai lo, sahneng mboh drei yau  anek cagauk dalam phim nan) 

Piah lagaih song dom  urang iek đặc biệt ni, langiu di bruk palih ruah bộ phim lagaih song umo thunsong hu  lồng  sapViệt, Mban peih ngak dự án jeng hu daa urang thuyết minh dong pak di labik, brei thau bối cảnh, khan ao nhân vật, bruk di dom đoạn phim piah ka dom adei yau mboh hu siam jang. Dalam dom mbang chiếu phim ni, bruk chreih chrai song caik hatai tui pang di  khán giả ngak ka dom adei saai thuyết minh jeng mboh bui sambai, kayua hu rik hasit pren yava di drei piah ba mai bui sambai ka dom adei sup meta. Saai Hải Đạt, thuyết minh phim brei thau, piah meda truyền tải abih bruk di phim, saai kuhria caga biak tani tanat dahlau di yaok mbang chiếu 

(Băng 15s: Bhian di nyu hulin duah thau dom khau tin karei angaok mạng, iek dahlau bộ phim sa mbang, hadei di nan ramik pataom veik song khan tal dom adei)

Ndom ka makna peih ngak ngak dự án ni, amuk  Nguyễn Thị Lan Hạnh, sa urang dalam Hội đồng quản trị Công ty Cinestar, Chủ nhiệm dự án brei thau: urang sup meta biak nhạy cảm song âm thanh, nan ye meyah hu jalan pathau khan siam lagaih meda dong ka urang hu giải trí yau dom urang karei, abih di nyu nan lac dom adei dalam umo nao bac, bhian cong duah thau bruk vil val drei. Yau nan ye, yaok adit 2 harei, , Cinestar hu caik ka dom mbang chiếu phim brei saoh ka anek saih sup meta di sang bac phổ thông đặc biệt Nguyễn Đình Chiểu ban raya, sang bac chuyên biệt Bình Minh di quận Tân Phú song pasak rong ba uranaih  Gò Vấp, yaok mbang hu labaih 200 adei hu mbaok. Dom mbang chiếu song tuk vak chiếu iek tui lịch bac da-a song ngak bruk di dom khán giả đặc biệt ni. Piah ka dom adei iek phim hu mbuan lagaih, bui sambai, dom rạp Cinestar brei menuac di drei tacei ba bruk nao mai  song brei saoh ia menyum , pandap mbang. Amuk Nguyễn Thị Lan Hạnh brei thau

(Băng -30s: Anak meta dự án peih tabiak di ban raya Hồ Chí Minh song dom tỉnh jiak tapen, pabak panuac caong di dom sang bac song  labik khik ramik urang sup meta. Ni jeng lac bruk khol hulin brei mboh trách nhiệm xã hội. Khol hulin cong khin dự án ni hu siam lagaih jang, tuk bhap bini mboh hu makna di nyu ye rik daong tame piah dự án patagok jang oh lac peih ngak dalam ban raya HCM saoh

Ngan song dom urang peih ngak dự án ni, bruk bui sambai prong di abih lac bộ phim tamat dalam sap klau song sap pah tangin khang. Hadei di tuk iek phim bloh nao sang, dom adei dok vak harak thu song dom cảm nhận biak siam, payua ka dom anai, cei di rạp chiếu phim, brei mboh hatai thau dar phol tuk hu iek sa bộ phim gheih. Bloh meng bruk giải trí hu makna ni, urang sup meta mboh bruk sangka dong ba meng bhap bini, xã hội, meng nan , khang hatai hu mbaok tame dom bruk main sambai, giải trí  piah patagok dom kỹ năng di drei./.