Rilo sang bac hu padang ngak siam mekre pak di labik 

Yaok biar harei, salih ka bruk daok dalam sang sit sot, katil giniuk, uraniah di Labik sang daok xã hội Định Hòa hu bui sambai me-in dom kadha yau:cầu trượt,bập bênh, xích đu…. Meng harei hu labik ka uranaih me-in,labik sang daok mboh chreih chrai jang, dom amaik ame jeng sahanang hatai tuk anek hu labik me-in siam mekre.

Amuk Dương Thị Ngọc Quý, 1 dalam dom urang ba tabiak bruk padang labik me-in, brei thau,dalam labik ini hu jaik 500 uranaih min kurang labik me-in.Tuk mban khik ramik peih bruk padang ngak labik me-in sambai, ngak bui ka uraniah,yaok urang dalam labik daok jeng pachreih tui, hu menuac daong jien, hu menuac daong prein:

“Dom adei sa-ai ba tagok blah web di bhap bini Định Hòa bruk caong padang labik me-in ka uraniah ye taduan hu bruk pachreih tui, daong prein di bhap bini.Taong abih dom amaik ame bui sambai, pok meyaom. Urang caong khin hu labik ka urang taha saong peih praong jang ka rilo uranaih”

Hacih sa-at labik daok tuk halei jeng lac bruk kan kandah dalam rilo thun tapa. Min hadei di tuk hu mBan khik ramik taom gaok mikva piah pachreih ba, ieu kakei ye bruk nan hu siam tagok. Yaok urang dalam labik sang daok xã hội jeng thau hu bruk njauk khik hacih sa-at labik daok, nan ye oh daok hu bruk yau Yuan lac “cha chung không ai khóc” yau dahlau daih.

Lac 1 dalam dom menuac camereip mai daok di Định Hòa, ong Nguyễn Hữu Vũ khan lac, hadei di 4 thun, urak ini meng mboh bruk sa hatai haong gauk di menuac sia pak ini dalam yaok bruk. Labik ini daok jeng labik njauk daok ka dom urang meng labik karei mai:

“Meng jien takik, hu ngak po sa baoh sang lac bruk yau ndih lapei, tani tanat labik daok meng tani tanat bruk ngak mbang. Hadei di 4 thun tame ini, dom menuac tame daok dak harei dak rilo,caong khin tame daok rilo jang ngak brei cakrok patagok jang”.  

Labik sang daok xã hội Định Hòa urak ini hu 1.700 baoh sang gam saong 4.200 menuac. Taphia dom bruk hu siam tagok ye bruk co klaik jeng daok rah tabiak ngak ka bhap bini duh hatai. Tuk ini, mBan khik ramik njauk hu panuac caong Công an phường Định Hòa daong saong peih dom mbang pathau khan paglaong hatai sangka di rahra.

Ong Vũ Đăng Khuê, Yam ndok Cty Vũ Long Dương, akaok mban ba pandar sang daok xã hội Định Hòa brei thau, bruk padang labik sang daok kiểu mẫu ba mai kein laba ka abih 2 gah: menuac sia hu daok dalam labik siam mekre salamat, saong angan je di Cty hu pok glaong nan ye abih 2 gah njauk kham merat abih drei:

“Mek bruk njauk hatai di rahra piah taong yaom bruk ngak di Cty, meng nan hu jak ba abih rahra ba gauk tame daong prein ngak brei chung cư jeng labik siam mekre, jum pataom. Kham merat piah jeng chung cư hadah krah saong lac labik njauk daok di urang ngak tuk mai daok saong ngak bruk di Bình Dương”

Bình Dương tuk halei jeng caik hatai sangka saong pasiam raidiuk ka urang ngak mai tal ini daok saong ngak bruk. Bruk ngak hu makna ini hu pambak praong meda daong ngak jeng labik daok siam, meng nan daong ka urang ngak sahanang hatai ngak bruk, kak kajap haong doanh nghiep, ngak jeng mbaok meta bahrau ka  Bình Dương./.

Urang lang: Mousaphuong -30/1