Thaot binguk cariak hu parang main di mblang main 

Angaok taneh ia  Lào hu sa palei Việt hu phun  đa tapen  ia  mblang baha hu mbaok meng labaih sa rituh thun ni mai . Nan lac palei Xiêng Vang dok di  huyện Noong Bok, tỉnh Khăm Muộn, jiak taphia negar Thái Lan. Yaom lac rah tapa rilo tuk trun tagok dalam sajarah , bhap bini pak ni jeng dok khik hu sap ndom, jalan duik rai song ilamu meng kan di urang Việt. Dom boh sang sit hu padang tagok meng kayau  tạ. Taom dar sang lac bein tược, lac puh, lac hamu hu dom phun gạo taha prong nde 3 urang kua, tabiak bingu meriah bhong dalam dom harei bilan 3 tui saka ia bilan ni. Rah tui takai kong  Mê Công lac dom phun darang, phun pa aok song mbu kreim praong. Urang  Việt pak ni  langiu di bruk ngak nong dok khik hu bruk ngak meng kan di muk kei hu ba meng  Việt Nam tapa  yau bruk ngak bánh gai, phở thu di  Quảng Bình. Tui  ong  Đặng Văn Hồng, jiak 90 thun, urang Việt tari tareing sahneng duah, oh kadung likuk anak kan kandah. Meng bruk jum pataom gauk, dong ba gauk nan hu dong ka bhap bini dalam palei duik rai tani tanat, patagok bo dok khik hu tamo ilamu  meng kan luac  100 thun tapa:

Urang ndom lac  phun đa tapen ia mblang baha, hadar palei, hadar puk  nan ye thei nao jeng mai veik palei . Palei hu urang metai ye abih menuac dalam palei mai daong kubo dom urang taha hu angan je di pak ni. Urang nao ngak mbang atah di dom  tỉnh ban  atau di negar  Thái Lan jeng mai. Kadua lac lingiu di bruk jum pataom dalam bhap bini, daok hu jum pataom song urang Lào, Thei jeng slut mbut . Yau nan ye, talei jum pataom di urang  VN song Lào biak khang kajap.

Urang  Việt  dok atah palei oh lac khik tamo ilamu bangsa dalam boh hatai drei bo dok pambak prong jang  piah ka rilo menuac hu thau tal  yau  Thạc sỹ âm nhạc ranaih umo Trần Tuấn An dok di i Mỹ. Meng bruk  rilo mbang mek hu  giải Nhất, Nhì dalam dom mbang pakacah  âm nhạc prong di dunya, Trần Tuấn An hu parang iek me in capi di rilo negar angaok dunya. Song labik halei saai nao tal, saai jeng parang main meng  1 tal 2 kadha doh Việt Nam.

Cong khin hu ndom brei dunya thau: Dahlak lac urang Việt Nam song piah ka urang negar langiu thau hu habar lac ilamu  Việt, lac bruk kham merat, lac hadah mbaok meta di urang urang Việt atah palei. Bruk nan hu brei mboh meng blah aow tah meng kan hu TS Thái Kim Lan cuk tagok rup yaok mbang dang pato di Đức, lac jalan anai hadah mbaok meta tuk khan saong doh dom lagu bhap bini bhian randap di  Việt Nam, lac kham merat anai roh duah yaok pluh blah khan aow  meng kan di dom patao bia công hầu triều Nguyễn:

Dalam tuk  pato meda lac  sinh viên di hulin anit ranam hulin di abih kayua tuk halei jeng cuk aow tah, kayua urang mboh hadah mbaok meta lac hu dok dalam balik bac hu gru pato urang negar langiu song biak  lịch sự dalam ilamu di drei .

Meng abih hatai  anit ranam di drei, nhà thiết kế Minh Hạnh  batabiak hu ba khan bai  tame dom thiết kế, parang iek di  trụ sở Liên Hiệp Quốc Giơ - ne - vơ song rilo sàn diễn khan aow di dunya. Bruk nan nyu ngak ka urang caik hatai tal khan ao thời trang song dom  urang ilamu dunya. Kayua nan oh lac  thời trang saoh , bruk phá cách, sahjneng duah bahrau bo lac dom makna ilamu gheih mekre dauk dalam dom khan bai, dreih yau yaom glaong biak karei abih di dom yaok bangsa adei saai 

           Hulin oh meda mek hu abih  chất liệu di 54 bangsa  min dom bangsa đặc trưng di abih, dom  chất liệu song sambo màu siam di abih , lagaih song jalan  thời trang urak ni di abih, ye hulin ba tame dalam mbang parang iek ni

Ba tui hatai anit ranam, cong hu buh prein yava song brei mboh pren ranaih di tong abih gah, jalan nao grauk labik  di dunya, song dom tuk kan kandah di abih, srau kadau di abih, urang tuk halei jeng duah jalan mai veik palei negar  piah hu khik pacang, hu siam mekre salamad. Dalam tuk halei  yaom lac kan kandah di abih, negar drei jeng lac urang amaik slut mbut peih praong tangin tabiak  pacang caga ka anek. Pren ranaih harei ini dok kham merat yaok harei, yam tui jalan di ong muk piah vak tagok dom blah sajarah hadah hadai di bangsa, piah tuk kan kandah, gleih glar tapa nao, tong abih dok veik jeng bruk jum pataom, tau khin ngak, khin ndua nong, taduan bruk ngak di drei song hatai anit ranam gauk./. 

Urang lang: Hanipha- 2/4