Tui kuhria mboh di gah chức năng huyện Tân Thành, meng akok thun tal ini, hareik kayua bhap bini klak tabiak dak harei dak rilo jang. Dalam bilan 1 thun 2017, hareik tok hu jaik 2 ribau tấn, tal bilan 6 tagok tal 2 ribau 500 tấn, dalam nan ban sit Phú Mỹ hu labaih 20 tấn hareik yaok harei, min kayua kurang radaih pajeng nan ye yaok harei tok pajeng nao hu 15 tấn hareik.

Hareik tagok rilo, bruk pataom mek hareik gaok kan kandah gam saong mikva oh thau sahaneng tal bruk khik hacih alam moi truong ba tal hareik pambuk rilo, mbau bruk , mboh ralo di dom xã, ban sit rah tui jalan raya 51.

Ong Đỗ Tấn Hòa, daok palei Ông Trịnh, xã Tân Phước brei thau: Xã hu  pambuak bruk saong dom đơn vị pataom hareik yaok harei, min đơn vị nan tok mek hareik di dom baoh sang daok taphia jalan raya, daok dom baoh sang daok gah dalam radaih oh tame hu nan ye hareik pataom pambuk  grauk labik ngak nerak tachrauk alam moi truong, abih di nyu lac bilan hajan nyu mbau bruk, ong Đỗ Tấn Hòa lac:“ Ngak oh sumu, suai damuai, dua tra dom labik dalam palei oh pataom hareik ngak ka dom urang dalam nan ba tabiak klak di langiu jalan, mbau bruk kan  si daok”.

Ong Nguyễn Văn Lầu, Akok jabat Kinh te – ha tang huyen Tan Thanh brei thau, dahlau diah, bruk pataom hareik dalam huyệnkayua Cty cổ phần dich vụ đô thị huyện ngak, min kayua huyen praong, cty ini tok hu 4 sruh radaih pajeng hareik nan ye pataom suai, ba tal hareik pataom jeng mbuk:“ Lac đô thị cak rok ye hareik dak harei dak rilo, ka dua lac mikva daok klak hareik oh njauk labik, mboh ralo di dom xa daok taphia jalan raya 51, bruk pajeng mek hareik daok suai ba tal harei pambuk. Urak ini, bilan hajan, pajeng oh abih hareik pambuk mbau bruk, mikva biak duh hatai”

Piah langyah ka nyu abih bruk hareik pambuk rah tui jalan raya 51, dalam danak dak pataom mek, pajeng ba hareik, huyen Tân Thành tacei dom xã, ban sit brei padang kapul pataom mek hareik  di  sang bhap bini saong padang ngak dom labik caik pataom hareik piah radaih di Cty pajeng nao, min bruk padang ngak dom  labik pataom hareik nan jeng gaok kan kandah.

Ong Bùi Văn Bình, Phó Akok UB bhap bini xã Tân Phước, huyện Tân Thành brei thau, tui quy hoach dalam xã brei hu meng 6 tal 7 labik pataom mek hareik , min xa oh daok taneh atah labik daok di bhap bini, meyah padang bo ngak kan kandah ka bhap bini jeng oh hu:“ Mboh di anak meta lac kan ngak, kayua dom labik pataom mek hareik dalam palei mbaun ngak nerak tachrauk, bhap bini preo eiw. Yau nan ye brei palih ruak taneh atah labik daok di bhap bini. Uralk ini, labik pataom hareik  hu ngak bloh, daok di labik kreh jalan brong khí saong ar pacang ia mbak.”

Langiu di nan, bruk jak ba bhap bini tut angan tame brei pataom mek hareik di yaok baoh sang lac bruk oh pacap ngak hu, bo lac bruk halan hatian yau nan ye dom xã, ban sit jeng gaok rilo kan kandah dalam bruk pathau khan, jak ba mikva paglaong akok sahaneng khik ramik alam moi truong. Ong Le Thanh Lâm, Phó akok UB bhap bini xa Chau Pha, huyen Tan Thành lac:

 “ Urak ini, anak meta oh pacap ngak, brei jak ba, dahalau di abih dom baoh sang daok tapen jalan praong saong jalan dalam palei. Urak ini, jeng hu 40% sang bhap bini dalam palei  ngak tui.”

Dom kan kandah dalam bruk pataom mek hareik tapen jalan raya 51 bo huyen  Tân Thành, tỉnh Bà Rịa – Vũng Tàu daok gaok meda lac paga pacang praong dalam bruk pamaong tal sa ban salih birau, ilamo saong alam moi truong hacih sa-at./.