-Dự án sang mac ngak asar nhựa Polypropylene (PP) saong kho ngầm padang khí dầu mỏ hóa lỏng kayua tập đoàn Hyosung Chemical (Hàn Quốc) ngak di Khu Công nghiệp Cái Mép,  saong yaom jien buh tame ngak abih tih 1,2 tỷ đô la Mỹ barau hu tỉnh BRVT brei harak chứng nhận đầu tư. Tui lambaok gah Hàn Quốc, tỉnh BRVT hu ba mbuan lagaih biak siam piah gah đầu tư ngak dom thủ tục, tacei pato cambaih daong doanh nghiệp, gah đầu tư hu sahanang hatai jang tuk buh jien tame ngak mbang. Ông Choi Young Gyo, Chủ tịch Tập đoàn Hyosung Chemical lac:  Tuk taduan mek hu harak brei đầu tư kol dahlak biak bui sambai, kol dahlak buh jien tame ngak mbang di Việt Nam hu 10 thun, daok dự án asar nhựa PP kol dahlak hu kuhria caga meng 4 thun dahlau, dalam tukvak kuhria caga, kol dahlak taduan hu bruk daong di karja tỉnh BRVT. Min, di tukvak ini jeng gaok kan kandah, min tuk taduan mek hu harak ini kol dahlak sanya ngak njauk tukvak jeng ye ngak tabiak pandap panda di tukvak drah samal di abih.

-Bahrau ini, tỉnh BR-VT hu rilo harak văn bản tacei pato dom sở, ngành saong puk palei peih bruk cakak trun tukvak langyah thủ tục hành chính, padang quy chế pambuak bruk dalam langyah thủ tục đầu tư…piah ba mbuan lagaih di abih ka gah đầu tư, doanh nghiệp. 6 bilan akaok thun ini, tỉnh Bà Rịa – Vũng Tàu hu pachreih barau 61 dự án ngan saong yaom phun jien jaik 1,9 tỷ USD saong 16 rabau tỷ đồng, 798 doanh nghiệp padang barau ngan saong yaom phun jien jaik 7.345 tỷ đồng. Min, tui ông Nguyễn Hồng Lĩnh, Bí thư tỉnh ủy BR-VT, bruk langyah dom thủ tục hành chính di dom gah, dom bruk cambaih jeng daok tavak tavaiy, ngak kan kandah tal bruk ngak di doanh nghiệp saong gah đầu tư: “ Dahlak caong ndom tal bruk trách nhiệm haong gauk di doanh nghiệp saong karja – karja saong doanh nghiệp, yau nan ye, urang dang akaok tỉnh pachreih dom doanh nghiệp  tagok sap. Dom doanh nghiệp njauk hu trách nhiệm haong bruk patagok di tỉnh meng bruk tagok sap tacei tabiak dom bruk hagait bo tỉnh oh ka ngak siam, dom bruk hagait daok oh ka lagaih piah ngak habal kol drei ngak jeng sa labik patagok ka dom doanh nghiệp saong doanh nhân”.

 -Meng bruk pachreih nan di urang dang akaok tỉnh, rilo  doanh nghiệp gah thép tagok sap ka bruk pandap panda blei tame meng taneh ia lingiu daok pambuk di cửa khẩu saong hadei di nan hu Cục Hải quan tỉnh BRVT langyah. Oh padheih di nan, thủ tục thông quan rilo janih pandap karei jeng hu cakak trun, dui katut tukvak thông quan. Ông Bùi Sĩ Đức, Phó Cục trưởng Cục Hải quan BR-VT lac:“Cục Hải quan tỉnh BRVT jeng daok taduan mek panuac brei thau, tavak tave di doanh nghiệp ngak thủ tục hải quan dalam tỉnh, kol dahlak halan hatian klah rabha dom kan kandah ini. Meyah caong khin njauk ngak lac kol dahlak halan hatian ba urang jakar hu nghiệp vụ trun tal libik tacei pato dom doanh nghiệp”.

       -Gah taneh riya hu maong lac kan kandah ka doanh nghiep jeng hu tỉnh ini pataom tame langyah. Meng akaok thun tal ini, dalam abih tih  34 caong khin di 17 doanh nghiệp pambuak tal quy hoạch pandar taneh, khoáng sản, alam môi trường…, tỉnh hu langyah salah blaoh 19 caong khin di 12 doanh nghiệp saong gah đầu tư. Dom bruk oh ka langlah hu kayua dom quy định di dom mintri, ngành oh ka cambaih, daok kateik angaok gauk ye gah chức năng di tỉnh daok ba tagok trung ương javap calei ka doanh nghiệp.

-Meda ndom lac, bruk nao gam jalan di urang dang akaok tỉnh saong dom gah chức năng gam haong doanh nghiep lang talaih kan kandah, tavak tave biak njauk saong bruk patagok kinh te di puk palei. Tỉnh BR-VT jeng daok duah tabiak dom jalan ngak siam lagaih jang piah daong doanh nghiep, lang talaih bruk kan kandah di dom thủ tục hành chính, ngak jeng labik đầu tư siam lagaih jang ka doanh nghiệp saong gah đầu tư./.