Tỉnh BR-VT peih ứng dụng thông minh piah khik ramik taneh riya

Tui danak dak cak rok patagok ban thông minh Bà Rịa -Vũng Tàu vaktu 2019-2025, pamaong tal thun 2030, BR-VT meda jeng ban thông minh tapa bruk pandar dom jak jeng di Công nghệ thông tin (CNTT) - truyền thông tame abih dom gah kinh tế xã hội. Tui ong Trần Đình Khoa, Bí thư Thành ủy Vũng Tàu, piah ngak hu bruk ni, meda hu dom takai yam tame bruk ba tabiak dom ứng dụng CNTT tame khik ramik, tacei ba. Meng bruk ứng dụng khik ramik ban thông minh di ban Đà Lạt, tỉnh Lâm Đồng, ban Vũng Tàu meda buh tabiak labaih 70 tỷ đồng piah ngak dom ứng dụng hu ba tame ngak iek dalam 3 bilan anak tal: “Ban Vũng Tàu meda ngak tui jalan di drei, tuk peih ngak salah meda ba tame ngak. Khol dalak ngak ka ban tui prein di drei nan ye oh cang gac, peih ngak ka nyu cambaih laih. Dalam tuk bhap bini daok biak caong, mayah oh ngak, ban mbuan mai veiok bruk ramik tui jalan klak”.

Tukvak 2023-2025 tỉnh BR-VT meda padang ngak saong peih tabiak dom ứng dụng thông minh dalam dom gah pabak ka bhap bini saong doanh nghiệp. Vaktu hadei 2025, tỉnh brei peih praong ứng dụng dalam tỉnh, dom gah daok viek.

Rilo chuyên gia khik ramik Công nghệ thông tin mboh lac, piah padang ngak hu bruk ni, tỉnh BR-VT daok rilo bruk njauk ngak. Anak meta, meng dom siam lagaih daok hu gah hạ tầng, tỉnh meda pandar dom pandap daong công nghệ thông tin truyền thông saong dom pandap karei piah jhul patagok bruk meriak gauk; salih bahrau, pataom veik bruk khik ramik di karja ban.

Ong Đỗ Ngọc Vĩnh, Phó Giám đốc pasak tacei jalan ngak saong taong yaom  bruk buh jien tame công nghệ thông tin, Mintri Thông tin – Truyền thông mboh lac, BR- VT njauk ngak pasiam saong paglaong chất lượng radiuk, pachrieh patagok saong cak rok kinh tế - xã hội; mek bhap bini ngak pasak, pamaong tal bruk abih rahra dalam xã hội jeng hu mbang tui dom kein laba, meng nan hu mbaok tame buh jien padang ngak saong pasang iek, khik ramik ban thông minh: “Piah ngak hu brei hu dua bruk, nan lac dui pachrieh bruk rik tame di bhap bini tuk hu mbaok tame padang ban thông minh. Pagap yau di Vũng Tàu daok hu prein khang gah halei ye drei peih ứng dụng thông minh ka bruk nan dahlau, saong taduan taong yaom di bhap bini piah ngak pasiam danak dak, yaok danak dak saong bruk padang ban thông minh”.

Daok tui ong Nguyễn Trường Thắng, akaok Viện Công nghệ thông tin- Viện Hàn lâm saong Khoa học công nghệ Việt Nam, jeng ban thông minh lac bruk cak rok patagok suai lavik, oh lac ngak dalam tukvak katut panak. Piah ngak hu bruk ni, meda jak ba phun jien meng rahra piah pabak viek dom kein laba ka bhap bini: “Mada pandar kadung jien kanja atau meda meng doanh nghiệp, doanh nghiệp meda pandar phun jien di drei piah pabak ka dom dịch vụ Điện, ia, y tế, hariek nerak, pato magru … Dom doanh nghiệp tư nhân saong doanh nghiệp kanja jeng meda ngak hu, piah ka bhap bini mbang hu dom dịch vụ siam lagaih”.

Meng dom ilamo hu blaoh,  công nghệ daok dak harei daok hu ngak siam, gam haong anek manuac saong prein khang jien padai hu buh tame njauk bruk, BR-VT hu ginup kadha piah padang ban thông minh piah ba mai siam lagaih, salamat, siam mekre ka bhap bini saong tuai damuai./.

Urang lang: Thu Thảo - 30/07