Tuk thau lac drei oh daok mbang tui sarak daong pachreih bac Đại học yau dahlau mai, sa-ai Lê Thị Hoàng Yến, Phó bí thư Đoàn di phường pasak ban sit Vũng Tàu biak haduh hatai. Sa-ai Yến lac, meng tuk kaoh trun bruk daong pachreih bac Đại học, Cao đẳng, jien bilan daok labaih 2 trieu dong sa bilan oh ginup mbang yau nan ye ngak harak likau padeih bruk meng bilan 3 thun 2018. Bac tamat đại học gah tài chính kế toán hệ chính quy, hadei di tuk padeih bruk phường, urak ini sa-ai Yến daok likau bruk ngak di sa C.Ty tài chính saong dua gilang pariak di Vũng Tàu. Sa-ai Yến lac:“Jien bilan biar lo oh ginup mbang yau nan likau padeih, dahlau diah hu chế độ sumu Đại học sa bilan hu labaih 4 trieu dong ginup mbang cai, urak ini kaoh jien daong bằng cấp yau nan ye jian bilan daok 2,2 triệu đồng sa bilan ye oh ginup mbang cai ka  sa urang daok di labik. Urak ini duah hu bruk ngak karei jien bilan glaong jang.” 

Tui duah thau di urang vak di VOV, urak ini hu dom xã, phường di Bà Rịa -Vũng Tàu hu rilo urang jakar oh chuyen trach likau padeih bruk hadei di tuk tỉnh cakak chế độ pachreih trình độ Cao đẳng, Đại học yau: xã Sơn Bình ( huyen Châu Đức), xã Tam Phước, huyện Long Điền, UBND phường 4, Thắng Nhất (TP.Vũng Tàu) saong dom urang pambuak bruk di dom xã lac labaih 100 urang. Langiu di nan, rilo urang oh chuyen trach jeng khin padeih bruk.

Lac urang jakar oh chuyen trach hu 9 thun ngak bruk di UB bhap bini phường 4, Ban Vung Tau, sa-ai Nguyễn Ngọc Nga brei thau, bruk ngak di phương biak ralo yau nan ye sa-ai brei ngak gam dom bruk yau : urang jakar thuế, bruk tổ chức Đảng ủy, urang jakar thi đua khen thưởng. Urak ini quy định di tỉnh yau nan, ye drei brei ngak tui saong daok cang hu jalan salih birau di jabat chức năng. Sa-ai Nga lac: “ Dahlak ngak bruk lavik thun ye, min urak ini njauk likau padeih bruk, caong hu salih birau piah dom urang daok veik ngak bruk hu siam jang, raidiuk tani tanat jang piah sahanang hatai ngak bruk.”

Jien bilan takik oh ginup mbang ba tal rilo urang jakar oh chuyen trách pakat xã di rilo huyen dalam tỉnh BR-VT oh daok mbak carak haong bruk di jabat hành chính karja. Yaom lac dom phường, xã hu brei thau bruk palih ruak urang jakar oh chuyen trach min oh thei mai likau bruk. Dom đơn vị brei paraba bruk tui jalan lac sa urang brei ngak gam rilo bruk. Amuk Giang Phương Thảo, Akok UBND phường Thắng Nhất, TP Vũng Tàu lac:  “ Urak ini, jien bilan biar yau nan, tuk palih ruah brei thau jien bilan yau nan  oh thei tame ngak bruk. Dom urang ngak bruk một cửa lac urang jakar daok ngak bruk sa labik min urak ini oh ka ginup ye brei parabah bruk ka dom adei sa-ai ngak. . Daok parabah bruk ka công chức saong dom kapol nyaom jeng lac jaln ngak min jeng kan kayua brei hu ilamu, daok ranaih umo. Tapon nyaom dom urang umo taha urak ini oh brei ngak bruk ini hu”

Ong Hoàng Đình Kê, Phó Akok UBND phường 4 (TP.Vũng Tàu) lac: Langiu urang jakar oh chuyen trach padeih bruk, UB bhap bini phường daok kurang biên chế dut saong quy định yau nan ye dalam bruk ngak chuyen mon UB bhap bini dom phường daok gaok rilo glaih glan. Dom urang jakar oh chuyen trach padeih bruk  ye UB bhap bini phường brei paraba bruk ka urang kiem nhiệm, yau ye urang jakar truyen thanh kayua Phó Akok Pasak Ilamu bac megru cộng đồng kiêm nhiệm; urang jakar Văn thư – Lưu trữ kayua urang Bảo vệ ngak. Ong lac:“ Meng blaoh tỉnh kaoh jien phụ cấp kol dahlak ba tal rilo adei sa-ai phường 4 padeih bruk, tal urak ini urang jakar oh chuyen trach padeih bruk 4 urang saong anak tal daok rilo urang khin padeih gac, dalam nan hu 1 urang chuyen trach saong 6 urang oh chuyen trach. Urang akok phường hu jak ba dom adei sa-ai daok veik ngak bruk cang dom sarak salih bahrau veik min njauk brei hu jien bilan ginup diuk urang meng ngak bruk hu”

Piah patui jalan paglaong chất lượng, sahanang hatai ngak bruk, pachreih dom urang ngak bruk oh chuyen trach saong dom chuc danh karei di pakat xã, tỉnh BRVT hu peih rilo mbang ginum biai saong dom sở, dom gah hu pambak tal bruk ini piah daong ka dom urang ngak bruk.

Tui ong Trương Thanh Phong, Akok Sở Nội vụ tỉnh Bà Rịa – Vũng Tàu, quy định di hukum kadung jien karja dom phụ cấp ka urang jakar, công chức, viên chức, urang ngak brei tapa dom Mentri, dom gah yau ye Mentri nội vụ, Tài chính, Lao động thương binh xã hội…Urak ini, tỉnh jeng daok cang dom Mentri, dom gah brei panuac piah patui veik bruk ngak tui sarak pachreih daong bằng Cao đẳng, Đại học.

Jeng tui ong Phong, tỉnh BRVT daok tui bruk khoán kinh phí kadung jien bilan saong bruk ngak ka dom xã, phường. Piah ramik pasiam bộ máy, tỉnh BRVT jeng hu pachreih brei kiem nhiem ka urang oh chuyen trach piah paglaong jien mek tame.

Rilo urang jakar oh chuyen trach di xã, phường di tỉnh BRVT caong khin, tỉnh brei hu cơ chế daong đặc thù ka dom urang oh chuyen trach, langiu di nan, samar  ngak tui bruk khoán bruk ka yaok urang di xa, phuong, meng nan UB bhap bini dom phường, xã kuhri kuhria jien padai eng, palih ruah menuac lagaih saong bruk ngak, yau nan bruk ramik pasaim bộ máy, ba urang jakar ranaih umo tame ngak bruk hu mbuan lagaih./.