Urang nao taong gilai jak gauk sap pagap tabiak sik

Hadei di rilo harei kandang jua kayua urang nao tasik padeih mbang Tết, meng harei 5 bingun Tết, pabah lamnge  Incomap, phường 5, Ban Vũng Tàu urang nao taong gilai jak gauk sap pagap tabiak sik. Dom urang nao tasik biak thuvi thuvar ba ia khan ia patau tagok gilai. Dom urang karei jak gauk pajeng ba dom pandap mbang tagok gilai piah caga ka mbang nao tasik anak tal lavik harei.

Ong Nguyễn Lanh, po kapal gilai prein khang 800CV daok caga tabiak tasik lac, thun blaoh, gilai ikan di ong chap mek hu biak rilo. Tui kuhria rah tapa, yaok gilai hu parabha 150 -170 trieu dong dalam sa thun. Yau nan ye, akok thun ini, ong tabiak tasik dalam chreih chrai. Page 6 bingun Tết, gilai ikan di ong hu tabiak tasik. Ong Lanh lac: “ Caong khin tabiak tasik mbang ini mek hu rilo ikan hadang saong hu sa thun nao tasik hu lagiah”

  Daok ong Lê Văn Ngọc, po kapal gilai  praong 700CV saong 800CV, jeng daok di phường 5, TP. Vũng Tàu khan lac, thun blaoh, gilai di ong gaok biak rilo kan kandah, gaok tuk mai meng tasik mai veik saoh oh hu ikan. Jien duah tame luac thun oh yau hatai caong khin. Yau nan min, akok thun ini, ong kham noa tasik aval, hadei Tết  caong khin taong chap ba mai hu rilo kaya ikan tasik, saong dom adei sa-ai nao gilai saong gauk duah hu rilo jien ndo hadei tuk kan kandah tapa.

 Gam saong dom gilai taong chap ikan, dom gilai duh ka bruk taong chap ikan jeng hu tabiak tasik aval piah daong duh ka dom ayut nao tasik luac dom harei Tết. Ong  Trần Ngọc Lãm, po gilai taong chap ikan brei thau, urak ini, hu yaok rituh kapal gilai di tỉnh BR-VT saong dom palei karei nao tasik saong gauk. Yaom lac, birau akok thun min ong sami samar sap pagap dom pandap panda piah nao tasik pabak ka urang. Tui ong Lãm, dom thun ini mai, rilo urang nao tasik atah brei salih jalan  taong chap, harei daok langiu tasik tagok meng 1 bilan tal 2-3 bilan yau nan ye gilai brei pajeng ba pandap panda tabiak tasik, blei kaya ikan tasik pajeng tame baoh taneh  piah pablei.

  Daok di dom palei hu nao tasik yau xã Phước Tỉnh (huyện Long Điền), xã Bình Châu (huyện Xuyên Mộc), mikva daok kham ramik caga ka mbang tabiak tasik akaok thun. Ong Trịnh Hoàng Tâm daok di xã Bình Châu, huyện Xuyên Mộc khan lac, Bình Châu nan lac sa dalam dom xã di BR-VT bhian hu dom kapal gilai nao tasik tapa Tết. Mbang tabiak tasik akaok thun bhian nao ngak tuk abih tết. Ong Tâm  khan lac: “Yau nan, dom harei ini, khol dahlak jeng hu caga  pandap, blei halam njol ka mbang nao tasik ngak mbang akaok thun. Caong khin thun birau hu hangin siam, hajan lagaih bruk taong chap ikan hu rilo jien tame tani tanat. Caong hu sa thun birau ikan hadang bak gilai."

 Tui ong Lê Tòng Văn, Akok Chi cục Kaya ikan dalam ia tỉnh Bà Rịa-Vũng Tàu, dalam thun tapa, gah kaya ikan dalam ia tỉnh hu peih ngak rilo jalan  piah pacang caga bruk taong chap ikan suan hukum, oh khan brei thau saong oh tui quy định; bruk peih ngak Hukum Thủy sản jeng mek hu rilo kein laba. Bruk praong abih lac jalan sahaneng di mikva urang nao tasik hu paglaong ralo.

  Dalam tukvak anak tal, gah thủy sản tỉnh brei peih ngak dom jalan piah cak rok patagok kahng kajap bruk taong chap ikan di tasik atah BR-VT, yau bruk brei takik gilai min tagok gilai chat luong taong chap ikan tasik atah; jeng yau, ramik pakajap, pasiam dom labik tapen tasik di tỉnh piah sumu pabak tavak tame nhật ký taong chap, khan brei thau bruk chap mek saong thẩm định, brei harak kaya ia nan meng halei mai, khik hacih pandap tamo njuak tui quy định châu Âu; patui veik bruk pandar dom sarak daong ka urang nao tasik tui quy định di Rajaei, jak ba urang nao tasik salih bruk katung halam njol saong chap ikan jaik ar tasik; patagok dom labik raong kaya ikan dalam pandar cong nghe glaong./.

Urang lang: Aí Nghiêm -31/1