Urak ini lac bilan taong mek kaya ikan di tỉnh Bà Rịa - Vũng Tàu. Dalam tuk ralo gilai daok tabiak tasik taong ikan ye ralo sruh gilai jeng daok ndih cang phê duyệt piah hu mesre phun jien tui Nghị định 67 di Raja-ei. Kadha ini ngak ka ralo urang taong ikan mboh suh sah dalam hatai, mbang ndih oh bingi.

Puac bilan 5 thun ini, sruh gilai akaok meti di tỉnh Bà Rịa – Vũng Tàu tui Nghị định 67 hu tabiak tasik. Kadha ini ba mai bui sambai saong pabak hatai caong ka urang taong ikan dalam bruk mesre phun jien ngak gilai công suất prong piah tabiak tasik livik harei. Yau nan min, ini jeng lac  sruh gilai duy nhất di tỉnh ini hu  ngak meng jien mesre tui Nghị định 67. Ralo urang taong ikan daok suh sah kayua hồ sơ cang mboh tangin brei mesre jien meng lavik mai min jeng oh ka hu peih jien brei mesraiy. Dalam tuk nan, meng bilan 9 saka aia bulan tal bilan sa nan lac tukvak hu ralo ikan dalam thun. Ralo urang taong ikan daok damen lac: Klaak sa bilan taong ikan gaok mai lac klaak yaok rituh triệu đồng. Pagap yau urang taong ikan angan Nguyễn Đình Ngọc daok di phường 2, bal sit Vũng Tàu. Yaom lac hu tut angan mesre jien piah  ngak gilai composite taong ikan hu công suất 800 CV meng bilan 10 thun 2014 min mbiah tal harei ini, hadei di labaih sa thun, sa-ai jeng oh ka hu gilang pariak peih jien brei mesraiy. Caong tabiak tasik atah, urang taong ikan ini suak jien kadung drei tạm ứng ka labik ngak gilai yaom lac gilang pariak jeng daok dalam tukvak pasang iek hồ sơ: “Gilai ngak hu 3 adit min gilang pariak oh ka peih jien brei. Bahrau tạm ứng ka labik ngak gialai. Njauk ngak ka nyu samar jang ngak yau nan biak suai. Meda kayua lac drei mbang akaok mereip jeng yau nan. Kuhria ta-eng tỉnh Bà Rịa - Vũng Tàu hu labaih 121 sruh gilai meyah ngak yau nan habiar meng blaoh. Meda lac kayua akaok mereip nan ye dom jabat khin ngak ka nyu njauk saong tantu. Caong khin hadei ini meda ngak samar jang.”

Dreih yau nan, sruh gilai dịch vụ hậu cần taong cap kaya ikan kreh tasik di Công ty Phú Hưng Phát daok pak phường 7, bal sit Vũng Tàu tui kuhria atah tal 60m, công suất 2.500 CV yaom lac tapa hu pabah mbang phê duyệt di Tổng cục Thủy sản hu 6 bilan min jeng oh ka ngak gilai hu kayua gilang pariak oh ka thẩm định blaoh. Ini lac sa dalam dua sruh gilai dịch vụ hậu cần taong cap kaya ikan di tasik atah hu công suất prong abih pak tỉnh Bà Rịa – Vũng Tàu. Meyah dom sruh gilai ini hu ngak blaoh saong ba tame pandar, meda ba mai ralo kein laba prong gah kinh tế. Sa-ai Nguyễn Văn Tiền, Akaok phòng Kinh doanh Công ty Phú Hưng Phát brei thau: “Urak ini trun aia lac samu thời vụ. Meyah dui atah ralo lahik abih tukvak. Yau dahlak nao taong ikan di Trường Sa prong urak ini lac njauk tukvak. Pandap panda biak ralo. Dahlak biak suh sah. Urak ini pandap panda langiu nan caong khin biak ralo, tabiak nan pabak pandap panda ka gilai saong ba ikan mai ngak ka samu haong Tết ini.”

Dalam tỉnh Bà Rịa – Vũng Tàu hu 121 chỉ tiêu mesre phun jien  ngak bahrau gilai công suất prong tui Nghị định 67. Min tal harei ini hadei di labaih sa thun peih tabiak, langiu di sa gilai kanduh thép hu ba tame pandar blaoh, dalam tỉnh hu 5 sruh gilai tra hu peih brei jien mesraiy saong daok ngak jaik salah. Min dut haong abih tih 51 hồ sơ hu mboh tangin tame blaoh, jeng mboh lac daok takik. Kayua habar bruk peih brei jien ka dom hồ sơ mesre phun jien tui Nghị định 67 jeng daok suai damuai yau nan? Sa dalam dom makna nan lac hồ sơ, thủ tục, harak gar ngak ka ralo urang taong ikan having akaok. Randap haong bruk taong ikan angaok tasik jang dom bản vẽ thiết kế atau dom blah khai brei thau ka drap ar, urang taong ikan abih ralo tukvak piah pabak hồ sơ. Pagap yau urang taong ikan Nguyễn Đình Ngọc, yaom lac tut angan tame meng bilan 10 thun 2014 min 6 bilan hadei hồ sơ di sa-ai meng hu ngak blaoh piah pok tagok Ủy ban bhap bani tỉnh mboh tangin. Langiu di nan, kayua lac mbang akaok meti hu mesre sa yaom jien biak prong tal yaok pluh tỉ đồng piah ngak gilai nan ye urang taong ikan gaok ralo kan kandah dalam bruk nao duah labik ngak gilai chất lượng saong njauk hatai caong khin. Piah peih talaih kan kandah ka urang taong kin, bal sit Vũng Tàu hu peih bruk brei ka urang taong ikan nao mong iek dom labik ngak gilai hu angan je piah ka urang taong kan palih ruah. Ong Nguyễn Ngọc Trường, Akaok phòng Kinh tế bal sit Vũng Tàu brei thau: Hồ sơ mesre jien tui Nghị định 67 daok tavak di labik: ka sa lac hồ sơ hu mbaoh tangin blaoh min lahik tukvak palih ruah mẫu gilai halei ka nyu lagaih, ka dua lac labik ngak gilai, klau tra lac palih ruah gilang pariak halei piah mesre. Ban sit V.Tàu saong Sở Ngak nong saong patagok palei pala daok ba dom urang taong ikan tal labik ngak gilai yau di Khánh Hòa saong Bal raya Hồ Chí Minh piah ka urang taong ikan palih ruah.

Langiu dom kadha nan, kan kandah tra di urang taong ikan mesre phun jien tui Nghị định 67 daok kayua tukvak cang mboh tangin tame bản vẽ thiết kế saong thẩm định di gilang pariak biak suai. Kuhria rah tapa sa bộ hồ sơ abih jaik 3 bilan piah cang mboh tangin tame bản vẽ thiết kế saong abih 3 bilan tra piah gilang pariak thẩm định. Hadei di tuk hu brei mesre, urang taong ikan njauk cang meng 6 tal 10 bilan meng salah hu bruk ngak gilai. Yau nan, kuhria rah tapa sa bộ hồ sơ njauk dui atah tal luac thun. Kayua yau nan ye, Bà Rịa – Vũng Tàu lac sa dalam dom tỉnh hu hồ sơ hu peih brei jien mesraiy biak suai dut haong dom tỉnh bal karei dalam negar. Ong Nguyễn Hữu Thành, Phaok akaok Chi cục Khai thác saong khik caga kaya ikan dalam ia tỉnh Bà Rịa - Vũng Tàu brei thau: “Dalam tukvak peih ngak Nghị định 67 kayua Bà Rịa – Vũng tàu brei ngak dahlau gilai kanduh thép saong vật liệu bahrau (composite) nan ye số lượng saong tiến độ dut haong dom tỉnh ban karei nyu suai jang. Yau nan min meyah kuhria yaom phun jien buh tame ye biak prong. Ta-eng gilai kayau  meng bilan 10 meng peih ngak.”

Nghị định 67 tabiak rai saong bahrau di abih lac Nghị định 89 hu ba tame pandar meng harei 25/11 hu caong lac meda daong ka urang taong ikan dalam bruk mesre phun jien ngak gilai công suất prong. Saong piah hu dom sruh gilai prong tabiak tasik taong ikan livik harei, biak caong hu bruk ba drei tame di dom gah pambuak tal piah ka phun jien di Raja-ei samar mai tal tangin mikva urang taong ikan./.