Palei bè tổ 13, jaik Suối Đục (ấp 5, xã Thanh Sơn, huyện Định Quán, tỉnh Đồng Nai) bilan aia ndik, dom baoh bè ndong angaok mbaok aia. Pak ini tok hu sap angin yuk, lavik lavik meng hu sap sa sruh ghe mac nduac tapa ngak megei mbaok ia.

Raok khaol dahlak lac sa adei sit umo jaik 10 thun, kalik juk, mbuk kanjik katam kayua nao pandiak, min meta mong, sap ndom mboh biah sami samar. Tuk  “tuai” daok la bloh, biak samar drah, adei nyu pa-yeng sruh ghe rồ ga nduac nao, tapa dom mbuk phun mai dương xám xịt. Jaik 5 minit hadei, sruh ghe mai tal sa baoh bè hu daning ngak meng tôn, jeng sit sot yau dom baoh bè karei, min tuk ini, hu gam sap ranaih sit nyu tapaoh akhar ê a meblak tame sap ghe mac dak sit nao.

  Sư thầy Thích Chơn Nguyên (hu biak lac Đặng Hậu Trinh, 39 thun) katung pabah mbang meng khung pasei raok tuai. Dalam bè, labaih 10 uranaih ginup umo thun karei di gauk, ralo uranaih jeng hu mbuk kanyik katam kayua nao di pandiak, daok pathram tapaoh akhar, pathram puac, pathram vak, baoh akhar daok mblenh mblang. Mboh urang lạ, khaol nyu lik meta mong ngan haong vẻ tò mò, hu urang khim klao, dom urang karei “tranh thủ” ndom menyai haong gauk.  “Urang gru” taih thước tagok bảng, taong abih kaol nyu pamaong veik tame siphau. Jeng lac bảng juk, jeng lac phấn mbong, dom blah siphau mbong, dom mbaik bút chì, dom baoh katap gheih mekre…, labik ini oh karei hagait sa tal bac vỡ lòng, min lac sa tal bac hu ralo kadha biak karei.

  Umo 18 thun, adei Nguyễn Thị Huệ bahrau tok tapaoh hu akhar. Lac “anek saih” prong abih dalam tal bac nan ye anai jeng bac hu samar jang “dom ayut” lac dom cei sit umo 6, 7 thun. Huệ chreih chrai brei thau: Adei mboh biak bui sambai tuk hu bac veik sa mbang tra. Pak ini adei hu bac biak ralo, bac akhar,  dahlau diah mbang menyum hareik harem adei klah abih trun hồ, daok urak ini hu gru pato ye hareik njauk ba caik sa labik, oh klaak trun hồ tra.

Langiu di bac akhar, Huệ haong dom ayut daok hu sư thầy pato jalan diuk rai, ndom puac daok dang, pato khik iek vệ sinh, dom kadha bo taong abih palei bè dahlau diah, meng urang prong tal uranaih jeng daok ngak tui jalan “tự nhiên” saong ngak tui “bản năng”. Lavik nao, uranaih di palei bè oh daok ndom puac tục, oh daok taong paoh gauk, kaol nyu thau vệ sinh njauk labik, oh prah hareik, thau crah tagei tapai mbaok yaok harei… Daok pak tal bac, dom adei oh lac tok hu bac, bo daok hu gru brei mbang 3 van, hu menyum ia tasau yaok harei.

Akaok mereip tal bac tok hu 5 uranaih nao bac, min lavik harei, mboh hu kein laba di bruk nao bac saong meng hatung hatai siam di gru pato, tal bac tagok tal 30 adei hu likei hu kumei, ginup abih umo, hu urang umo labaih 50, 60 thun oh ka thau akhar jeng nao bac. Bhap bani palei bè jak gauk rik pataom jien padai gam haong bruk daong di dom urang ngak pahla, blei sa baoh bè, pasiam veik piah brei ka tal bac. Amuk Nguyễn Thị Nga (umo 60 thun), urang palei bè drut droi khan lac: Gru ranam anek saih, anek anek naih nan ye gru pato ka kaol nyu bac. Uan ralo, caong khin gru pato ka dom adei samar samar thau akhar, paguh hadiah kaol nyu prong tagok, nao ngak bruk ini bruk diah.

Sư thầy Thích Chơn Nguyên khan lac, 8 thun dahlau, ong meng bal raya Hồ Chí Minh mai taduan mek baha di ấp 5, xã Thanh Sơn, huyện Định Quán. Ini lac bhum taneh njauk cô lập kayua binek Trị An pacang cakak, caong khin nao tal dom bal sit meng radaih patuh jeng abih yaok tuk. Rai diuk mikva, bruk nao bac daa di dom uranaih pak ini gaok ralo kan kandah. Min urak ini, thiệt thòi di abih nan lac dom uranaih di palei bè.

Khaol nyu lac dom uranaih urang Việt mai veik meng Campuchia. Tuk daok di gah diah kaol nyu daok haong amaik ame di bhum Biển Hồ bak aia, mai veik palei negar, amaik ame kol nyu palih ruah labik lòng hồ thủy điện Trị An piah daok ngak mbang. Min kayua ralo makna, oh hu ginup harak gar tùy thân, kaol nyu oh nao bac  hu. Yau nan ye sư thầy Thích Chơn Nguyên saneng tal bruk peih tal bac pato akhar, pato jalan diuk rai ka kaol ranaih  ngan haong hatai caong khin lac, baoh akhar huroh meda daong ka kaol nyu duah hu sa harei hadei hadah hadai jang: Pato dom adei thau akhar huroh min, gru oh brei bằng cấp hu, blaoh pato tacei jalan diuk rai, ndom puac daok dang. Blaoh gru meda nao taom dom labik caong duah urang ngak, ba dom adei tame ngak dalam dom công ty, brei ka dom adei hu nao ngak yau dom urang ngak karei. Yaom lac mboh biak kan kandah min njauk kham merat ngak kayua meyah oh ngak yau nan oh thau harei hadei di dom adei yau habar.

Tamat van bac, dalam sap ndom klao sambai, sap iew gauk ý ới, dom adei sit ba gauk trun ghe, urang prong mong iek urang sit, tui nan, yaok adei hu ba nao tal sang piah harei paguh chreih chai mai veik tal bac.

Angaok mbaok hồ oh hu bè halei tani tanat, tal bac angaok bè jeng mai meng nan bo tuk jaik, tuk atah tui mbaok aia hồ tuk glaong atau tuk biar, Min oh thei pandar thei, tal bac tuk halei jeng daok dalam kreh “palei” 34 baoh sang bè. Hu sa kadha njauk ndom lac, tal bac di ư thầy ranaih umo ini daok lac rak talei pambuak pagam mikva daok pak palei bè meng hatai ranam, meng hatai caong khin hu sa harei hadei hadah hadai jang ka dom adai sit mbuk katam kanyik kayua pandiak, naih jioy njuk aia yau anek rái cá, thau luai ia dahlau jang thau tapaoh akhar./.