Yaok thun, tuk dom mblang padai tame bilan tasak, mik va  Raglay, K’Ho daok di dom xã bhum ceik, bhum glong huyện Bắc Bình, tỉnh Bình Thuận chreih chrai yam tame bilan yuak song peih ngak adat uan padai bahrau. Tết akaok padai  dok ieu lac adat mbang padai bahrau hu meng kan mai, kak kajap song adat ngak padai puh di mik va Rắc Lây, K’ho trong huyện Bắc Bình. Tết akaok padai brei mboh bruk iek prong song hatai jia di mik va ngan song phun padai amaik angaok puh, tapa nan likau ka hajan siam, hangin lagaih, ngak tangei hu tangei, ngak padai hu padai, rai duki trei sir 

Urak ni, mik va  K’Ho di  xã bhum glong  Phan Tiến yuak salah bloh bilan padai song tangei. Năng suất tangei lai bilan ni  di mik va pak ni, hu rilo jang dut song  dom  xã bhum ceik, bhum glong karei  yau : Phan Điền, Phan Sơn song Phan Lâm. Mik va  K’ho dok chreih chrai cang raok Tết akaok padai  dalam bui sambai pala drak hu. Saai Mang Nam, xã Phan Tiến, huyện Bắc Bình, t.Bình Thuận, lac:

“Urak ni, mik va pak ni dok kham merat paik tangei  lai, bilan tangei thun ni  năng suất jeng hu, yaom kaom jeng tagok jang yaok thun, nan ye mik va biak bui sambai dalam dom harei  tết anak tal.”

Saai  Mang Giải, Phó Chủ tịch UBND xã Phan Tiến, huyện Bắc Bình, Bình Thuận brei thau:

 “Urak ni, tong abih taneh pala tangei lai di mik va dok yam tame bilan paik. Mik va kham merat paik tangei piah pablei  mek jien blei pandap panda dalam sang piah raok tết akaok padai  bui sambai, haniem phol”

Thun ni, gam song dom bruk peih ngak adat cambat meng kan, xã Phan Tiến dok hu dang tabiak peih harei pataom ilamu 4 xã  bhum glong di  huyện Bắc Bình. Di labik ni, dom diễn viên, vận động viên, nghệ nhân di 5  xã hu parang main doh tamia, pakacah dom janih thể thao, hu mbaok tame main dom kadha meng kan di bhap bini song pakacah ngak sang tual, pakacah ngak dom janih pandap meng kan di bangsa drei.

Piah ba mai ka harei pataom ilamu dom kadha gheih, mekre, dom harei ni dom  urang tamia, doh song kapul alat ragam di  xã Phan Điền, huyện Bắc Bình dok kham merat pasram doh, tamia habar ka nyu biak gheih. Saai Bá Văn Hương, xã Phan Điền, huyện Bắc Bình, Bình Thuận, khan lac: “Tal urak ni, xã Phan Điền khol hulin hu padang danak dak doh tamia, pasram  bóng chuyền piah me-in siam dom kadha ba tabiak di mban peih bruk  dalam harei pataom ilamu anak tal..”

Harei pataom ilamu – thể thao 4 xã bhum ceik, bhum glong  huyện Bắc Bình, hu rah tabiak dalam 2 harei, lac harei  14 saong 15 bilan mat. Tapa harei pataom ilamu piah yaih khan saong patagok, duah pataom dom ilamu, nghệ thuật song dom janih thể thao meng kan di dom bangsa takik  dok dalam tỉnh ./.

NaUy

\