Urak ni bruk ngak nong pandar công nghệ glong  di  huyện Bắc Bình dok hu sangka tacei pato song ba tabiak ngak. abih di nyu nan lac dom  bruk ngak nong tui jalan công nghệ glaong dalam pala drak, rong glang song rong pala kaya ikan tuk camereip ba mai kein laba. Dalam nan hu dom bruk yau pala dưa lưới di  HTX ngak nong Công nghệ glong  Bình Minh song mblang taneh praong labaih  10 ha; pala njam patam baoh kraoh di  Công ty Thái Vân; pala  tía tô mek hala di  Công ty Hồng Ân pambuak bruk song  Công ty Nhật) di angaok mblang taneh praong labaih 3 ha. Pala phun bạc hà mek menyek di Công ty Châu Giang Hưng Yên 36 ha… Dom bruk ni hu siam lagaih kayua langik pandiak tui kuhria dalam thun pak ni glong  , lac bruk mbuan lagaih piah patagok dom phun pala pandar ilamu kỹ thuật, công nghệ glong dalam gah ngak nong di  huyện Bắc Bình tuk vak 2018 - 2020.

Ong Huỳnh Duy Khôi – Akaok jabat ngak nong song patagok palei pala  huyện Bắc Bình brei thau: langiu dom bruk ngak prong, dalam bhap bini urak ni hu bruk salih bahrau khang dalam bruk  pandar jalan pruh ia patak pataom ngan song taneh pala phun mbang boh yau pa-ok 800 ha/2.200 ha; thanh long 360 ha/4.060 ha. Tagok khang bruk rong glang mô hình khép kín, đệm sinh học, patrun bruk nerak môi trường. Urak ni dalam  huyện hu  12 trang trại rong menuk da hu  abih tih 132.400 drei; 5 trang trại rong bapui  hu abih tih  24.000 drei. Taphia di nan, huyện dok biak sangka peih ngak dom bruk pambuak haong taduan blei dom pandap  yau sấy đậu phộng, phun lange, phun tỏi… Tapa nan, hu dom phun pala bahrau, piah hu rilo janih pandap pabak ka drak pasa.

Gam song dom bruk ngak nan, gah ngak nong  huyện jeng mboh lac, bruk patagok dom  mô hình ngak nong pandar công nghệ glong  lagaih song Bruk di huyện dalam tuk vak tapa dok gaok rilo kan kandah. Bruk pandar ilamu công nghệ tame sản xuất, abih di nyu nan lac pandar pajaih bahrau, ilamu pala drak khang kajap , hữu cơ…oh ka hu pandar rilo. Sản xuất pambuak song drak pasa, padang bruk pambuak gauk, asar pandap song padang angan je ka pandap panda oh ka khang, siam. Công nghiệp ngak  kaya nong, kaya glai , kaya ikan, chế biến menuk da , athur rong, abih di nyu lac  công nghệ thu hoạch, khik ramik, chế biến hadei di tuk thu hoạch oh KA hu sangka pachreih dui urang buh jien tame ngak. Bruk brei thau, pathua khan, pato pakai pasram  ilamu ngak nong công nghệ glong ka bhap bini  song dong ka urang nong dalam bruk pablei  kaya nong oh ka hu caik hatai sangka  rilo.

Daok Bruk ba tabiak jalan ngak song jalan patagok dom  mô hình ngak nong  pandar  công nghệ glong dalam tuk vak anak tal, huyện Bắc Bình pataom tame ngak dom janih phun pala praong di  huyện lac padai, thanh long song phun mbang boh dom janih . Pataom tame jhul khang bruk ngak nong tui jalan ngak nong  siam (GAP). Pambuak gauk peih bruk padang ngak bhum taneh ngak nong công nghệ glong  2.000 ha piah peih ngak dom danak dak ngak nong tui jalan bahrau. Dui Pachreih dom urang ilamu khoa học, doanh nghiệp ba brei ilamu kỹ thuật ngak nong  công nghệ glong  lagaih song  taneh riya di  huyện. Ngak brei salih bahrau akaok sahaneng di bhap bini dalam bruk ngak nong dalam dom thun anak tal./.