Gia
Tết daok mai jaik tal, bhap bini grap labik dalam taneh ia daok cang rok sa thun barau bui sambai trel sil. Di tỉnh Bắc Kạn, karja palei daok peih ngak dom danak dak piah daong ka urang kan kathaot, urang kan kandah daok di bhum glaong, dom baoh sang sarak karja hu sa thun barau trel sil, tui jalan ngak lac “sang halei jeng hu tết”. Kadha vak di urang vak Phạm Phong brei thau ka bruk iek glang tết ka urang kan kathaot di tỉnh Bắc Kạn:
Dalam dom harei ini, urang jakar, urang hội, urang halan hatian hội chữ thập đỏ tỉnh Bắc Kạn daok jan var kuhria caga dom pandap tết piah nao rivang, alin hadiah ka dom baoh sang kan kathaot. Oh lac pakat ủy, karja dom pakat, bo yaok rituh donah nghiệp, dom kapul nyaom, menuac urang jeng daok kham merat rik daong mikva kan kathaot rok tết. Dom bruk ngak hu makna ini hu bhap bini saong karja palei dom xã bhum glaong daok gaok kan kandah biak druc drui. Ong Lường Văn Quận, bí thư Đảng uỷ xã Cổ Linh, huyện Pắc Nặm, tỉnh Bắc Kạn lac: “Bruk iek glang ka urang kan kathaot, dom kamuan anek saih dalam tukvak jaik tết ye karja pakat ủy hu ieu dom urang ngak pahala, dom pakat, dom gah daong ka dom baoh sang di xã bhum glaong daok kurang mbang, kurang cuk biak caong dom kapul nyaom, menuac urang daong”.
Piah peih ngak dom bruk iek glang tết ka urang kan kathaot, urang njauk jru mek klik kruoc, urang gaok kan kandah. Meng dom bilan puac thun 2016, dom urang jakar di hội chữ thập đỏ tỉnh hu ieu dom doanh nghiệp, klup kapul thiện nguyện di dom ban praong dalam taneh ia daong ka urang kan kathaot di Bắc Kạn. Ong Nguyễn Văn Cường, akaok Hội chữ thập đỏ tỉnh Bắc Kạn brei thau, tal tukvak ini, hội hu peih ralo danak dak alin jaik 2000 paok pandap tết, ba xuân mai avar ka mikva bhum glaong, urang kan kathaot dalam tỉnh.“Urang kan kandah dalam tỉnh daok biak ralo. Kol dahlak kham merat ngak yau habar piah ngak hu bruk TƯ jao, taphia di nan jeng hu peih ralo bruk jak ba meng ralo gah piah hu meng 5000 tal 7000 paok pandap daong ka mikva meng ini tal tết nguyên đán”.
Urak ini, dalam tỉnh Bắc Kạn hu jaik 32.000 baoh sang kan kathaot tui chuẩn baoh sang kan kathaot barau. Dalam nan hu rilo sang biak kan kandah, urang taha daok sa drei, uranaih metui medhua oh hu thei raong. UBMT negar tỉnh Bắc Kạn daok ieu dom nguồn tài trợ piah daong ka rilo urang gaok kan kandah.
Tết daok mai grap puk palei di tỉnh Bắc Kạn. Di labik bhum glaong atah bayah, bhap bini kan kathaot hu bui hatian, sambai hatai tuk taduan hu bruk sangka di dom pakat, dom ngành saong dom urang ngak pahala. Meng bruk samar iek glang ka urang kan kathaot saong dom baoh sang sarak karja, bhap bini Bắc Kạn daok chreih chrai caga raok tết dalam bui sambai, trei sil./.
Viết bình luận