Brei dua urang anek nao bac khóa kỹ năng hè hu jaik meteh bilan ini mai, sa-ai Phạm Thị Hải Anh, daok di quận Gò Vấp mboh biak njauk hatai haong dom salih bahrau di anek drei. Salih ka bruk glaih glar yau dalam thun bac, mai sang hadei di tuk bac blaoh dom tuk bac kỹ năng, 2 urang anek di sa-ai biak bui sambai saong thau daong amaik ngak ralo bruk sang. Sa-ai Phạm Thị Hải Anh lac:“Biak di nyu, dahlak tok caong khin anek dahlak meda hu mbang padeih hè gam bac gam ma-in. Kadua, anek meda hu pabak dom ilamu diuk rai. Dahlak oh caong khin ralo pak anek di drei lac anek njauk ngak yau ini, njauk ngak yau diah hadei di sa – dua bilan kayua lac ranaih caong hu ralo tukvak jang”.

     Min oh njauk lac amaik ame halei jeng saneng yau sa-ai Hải Anh. Ralo amaik ame  oh ka mboh njauk hatai haong chất lượng di dom khóa pathram kỹ năng tuk pasak pato peih tabiak dak harei dak ralo saong danak dak pato pakai nyu dreih yau gauk. Jeng hu amaik ame brei thau, tuk pang tư vấn, urang saneng lac anek drei salih karei taong abih nan ye tut angan tame bac. Yaom jien bayar ka sa khóa bac kỹ năng oh lac takik, hu labik jaik 10 triệu đồng. Njauk buh tabiak yaom jien prong, yau nan maik ame caong khin biak ralo. Min tuk tamat khóa bac, oh takik amaik ame luai suan atah kayua mboh lac, anek drei oh karei hagait rilo dut haong tuk oh ka brei nao bac.

       Dalam tuk ralo amaik ame tuh ka chất lượng dom khóa bac kỹ năng, Thạc sĩ tâm lý Tô Nhi A, gru pato Sang bac Cao đẳng Sư phạm Trung ương Bal raya Hồ Chí Minh mboh lac, bruk nan meda kayua makna karei: “Khaol drei juai samar lac dom khóa mac nan hu chất lượng kém. Bruk daok pak labik, khaol drei njauk thau cambaih thau njauk ka bruk hình thành kỹ năng ka anek ranaih. Dom anek tok hu dom kỹ năng tuk dom hành vi bo dom anek hu pabak brei njauk ngak nao ngak mai ralo mbang ka nyu jeng bhian randap, hadei di nan jeng năng lực langyah bruk. Kadha nan hu makna lac bruk ini njauk hu sa tukvak atah dua.”.

     Jeng hu hatai saneng yau nan, amuk Nguyễn Thị Thanh Thúy, Akaok kapul dom urang ngak amaik ame brei thau, ngan haong sa tukvak katut panak di sa danak dak pato pathram kỹ năng hè, kan si ngak salih hu taong abih janih di sa anek naih yau jalan bo ralo urang ngak amaik ame daok caong khin: “Dalam sa khóa bac katut panak yau ini, piah ka ranaih thau sahneng kuhria nan lac siam paje. Daok veik, bruk pathram kỹ năng njauk hu bruk pabak tame, daong ba jeng yau bruk ngak jeng labik ka ranaih patui veik raong ba saong hu jalan peih ngak ye kein laba meng glaong.”.

     Hadei di ralo thun hu mbaok tame dom khóa pato pathram ilamu ka anek naih, tui amuk Kiều Thùy Linh, Quản lý giáo vụ, Sang bac langiu khóa Tomato, makna ba tal bruk oh njauk hatai di dom urang ngak amaik ngak ame tuk oh ka mboh cambaih dom salih bahrau di anek naih kayua lac urang oh ka dua hu sap ndom haong labik pato pakai: “Meda lac hatai caong khin di amaik ame saong pasak pato bac karei di guak. Kayua yau nan ye, tuk khin payua anek di drei tame sa labik halei nan piah pato pakai, pathram ka anek drei ilamu diuk rai, dom amaik ame khin njauk hu bruk ginum biai haong gru pato, haong pasak pato. Amaik ame, pasak saong gru pato njuak hu jalan salih bahrau ngan haong anek naih tui bac.”.

    Kayua yau nan ye, amuk Kiều Thùy Linh mboh lac, piah padang hu angan je ngan haong amaik ame saong khik hu chất lượng ka dom tal kỹ năng, yaok pasak njauk kuhri kuhria biak cambaih laih dalam bruk pato pakai jeng yau palih ruah jalan peih pato. Danak dak pato pakai di yaok pasak njauk ngak habar ka nyu laghaih haong dom jalan saneng, glo akaok karei di gauk di ranaih piah ngak pachreih kol nyu. Kadha praong di abih nan lac njauk bhian tui pang panuac brei thau di dom amaik ame piah samar ramik veik ka nyu lagaih.

     Tui dom chuyên gia pato megru, bruk ba anek naih tame dom khóa bac kỹ năng nan lac bruk njauk ngak min oh lac abih mbong. Piah ka bruk bac kỹ năng mek hu siam mekre yau hatai caong khin, taphia dom ilamu meng dom khóa pato, uranaih njauk hu dom pachreih ba meng bruk pato pakai di amaik ame pak sang. Tuk eng drei langyah kadha tui jalan tacei pato tantu, tacei ba saong pasang iek di amaik ame, anek naih meng salih hu hatai saneng saong ngak jeng bhian randap siam./.