Urang halei mai tal Bạc Liêu dalam tukvak jaik di ini jeng mboh Bạc Liêu salih barau biak samar, dalam saong taong abih gah. Meda lac labik dang di Bạc Lêu urak ini oh padeih patagok. Amuk Phạm Phương Thảo- dahlau daih ngak phaok  Bí thư Thành ủy ban raya Hồ Chí Minh, jeng lac urang dahlau daih  daok saong ngak bruk cách mạng di bhum taneh ini ndom lac:

“Bạc Liêu patagok khang kajap di taong abih gah, dalam nan hu dom gah praong yau yau bruk patagok điện ngin, raong hadang công nghiệp năng suất biak glaong saong patagok gah DL, Ban Bạc Liêu peih praong jang 3 – 4 mbang, môi trường, ilamu siam mekre, bhap bini diuk rai biak jum pataom”.

Lac tỉnh ngak nong meng kan mai saong kan kandah di abih dalam bhum taneran kraong Cửu Long hadei di tuk neh rabha. Meng kham merat di Đảng bộ, karja saong bhap bini, tỉnh Bạc Liêu dak harei dak ba drei patagok di taong abih dom gah. Tal urak ini, jalan mbak palei pala, thủy lợi, điện, sang bac, blai y tế, bưu điện…. di dom xã hu padang ngak; jalan điện negar hu nao tal grap dom bhum, baoh sang pandar điện labaih 98%. Urak ini dalam tỉnh hu 09/49 xã mek hu 19/19 tanut palei pala barau, 14 xã mek hu meng 15-18 tanut, 24 xã mek hu meng 10-14 tanut, oh daok xã xã mek hu ala 5 tanut.

Rilo dự án công nghiệp hu padang tabiak saong patagok hu kein lagaih yau sang máy điện ngin Bạc Liêu ngan saong công suất abih tih 99,2 MW; sang máy bia Sài Gòn - Bạc Liêu hu công suất jaik 50 triệu lít/thun… Dom sang máy ngak kaya nong, kaya ikan ngak bruk hu kein laba, rik daong paglaong yaom pandap xuất khẩu di tỉnh. Abih tih yaom pandap ngak công di tỉnh dalam thun bloh mek hu labaih 15.000 tỷ đồng, ralo jang 24 mbang duk saong 20 thun dahlau.

Hadah hadai di abih lac gah ngak nông duk saong tukvak ini 20 thun dahlau, sản lượng taong cap saong raong pala kaya ikan tagok jang 6 mbang; taneh ngak padai, yaom lac takik jang min sản lượng mek hu labaih 1 triệu tấn sa thun, tagok jang dua mbang. Bruk njauk biai nan lac, meng pandar dom ilamu kỹ thuật bahrau, pala dom phun pala, janih raong chất lượng glaong nan ye pandap di tỉnh oh lac hu năng suất bo daok paglaong hu chất lượng lagaih saong darak pasar dalam taneh ia saong xuất khẩu. Ong Trần Văn Út daok di xã Châu Hưng A, huyện Vĩnh Lợi brei thau:

 “Padai Tài nguyên ini ngak hu laba jang dom pajaih padai 150 harei kayua yaom nyu glaong saong brah nyu bingi lisei nan ye urang nông bo ngak pajaih padai ini hu laba ralo jang”.

Tui ong Dương Thành Trung- akaok UB bhap bini tỉnh Bạc Liêu: anak tal tỉnh kham merat mek hu tốc độ tăng trưởng kinh tế meng 6,5 - 7% sa thun; salih samar cơ cấu kinh tế, tal thun 2020 patrun tỷ trọng kinh tế nông – lâm- thủy sản, tagok tỷ trọng khu vực dịch vụ saong khu vực công nghiệp – xây dựng; jien mek tame tui akaok menuac thun 2020 lac labaih 54 triệu đồng; taong abih dom xã hu jalan ô tô nao tal pasak; hu 50% dom xã mek hu 19/19 tanut palei pala barau; urang ngak tapa pato pakai, bac megru bruk ngak lac labaih 60%; patrun baoh sang kan kathaot yaok thun 2%. Tỉnh Bạc Liêu meda yam tagok khang kajap, kham merat jeng tỉnh patagok khá dalam khu vực, trung bình khá dalam taneh ia yau bruk di nyaom roya Đảng bộ tỉnh mbang ka XV hu ba tabiak.  

 “Biak di nyu Bạc Liêu jeng daok lac sa tỉnh ngak nông saong pren khang jeng lac ngak nông. Yau nan ngak nong lac ngak hagait? Dom thun bilan camereip di nghị quyết nhiệm kỳ ini, Bạc Liêu  patagok khang gah hadang, hadang lac bruk praong dang akaok di tỉnh Bạc Liêu dalam anak meta saong dom thun hadei. Ka dua lac padai, urak ini Bạc Liêu hu labaih 1 triệu tấn padai sa thun. Urak ini kol dahlak daok pataom tame langyah dom kan kandah saong padang dom HTX kiểu barau piah salih meng sản xuất độc canh, sit sot tapa sản xuất praong bloh ba jamriah tame. Kol dahlak jia lac  meng kham merat saong daong ba di rajaei saong dalam nan hu pambuak bruk bhum ye caong lac sản xuất di mikva Bạc Liêu saong bhum taneran kraong Cửu Long hu labik pablei tani tanat”.

20 thun lac tukvak oh atah min brei mboh bruk patagok khang di tỉnh Bạc Liêu. Meng dom jalan ngak piah patagok, gam saong bruk kham merat di Đảng bộ, karja saong bhap bini,  hu daong pren ba Bạc Liêu khang takai yam angaok jalan CNH – HD-H dalam tukvak anak./.