Thạc sĩ Phạm Văn Tác, Vụ trưởng Vụ Tổ chức cán bộ  (Mentri Y Tế)

          Mentri Y tế bahrau pambuak bruk haong sang bac Đại học Y Dược Huế peih bruk pok brei bằng ka 27 bác sĩ chuyên khoa I hu pato pathram ka bhum kreh negar saong Tây Nguyên. Ini lac bruk ngak daok dalam dự án “Ngak iek bác sĩ ranaih halar hatian mai ngak bruk di bhum kan kandah”. Tui nan, 27 bác sĩ ranaih hu mbaok dalam khóa bac ini, hu pato pathram chuyên khoa I dalam 8 chuyên ngành lac: Nội, Ngoại, Sản, Nhi, Hồi sức cấp cứu, Gây mê hồi sức, Chẩn đoán hình ảnh saong Y học cổ truyền di sang bac Đại học Y Dược Huế. Dalam nan hu 21 bác sĩ lac urang bangsa Ba Na, Hre, Jrai, Pa Cô, Vân Kiều. Dom bác sĩ hu pato pathram “pal tangin tacei bruk”. Sa-ai Rờ Com Thét, bác sĩ halar hatian dalam mbang ini bui sambai saong jia tame rup drei tuk mai taduan bruk ngak di huyện Krông Pa, tỉnh Gia Lai - sa huyện daok rilo kan kandah, kurang rilo janih:  Mai ngak bruk di puk palei hu daong ka mikva dalam bruk mong iek pren yava dak harei dak siam jang. Dahlak jeng oh padeih pathram megru dom ilamu gah lâm sàng saong thủ thuật gah cận lâm sàng, dang anak sa urang ruak drei thau cambaih ruak saong iek ruak ka nyu siam jang.)

          Hu mbaok tame dự án ini nan lac dom bác sĩ ranaih bahrau tabiak truh sang bac, halar hatian nao ngak bruk di bhum atah bayah, bhum kan kandah . Dom urang ini daok hu brei nao bac megru chuyên sâu 24 bilan, hu cấp bằng chuyên khoa I saong chứng chỉ ngak bruk. Dalam mbang ini, dom bác sĩ ranaih mai taduan bruk ngak di 14 huyện kathaot, dalam 6 tỉnh Điện Biên, Gia Lai, Quảng Bình, Quảng Trị, Quảng Nam, Quảng Ngãi, tukvak 3 thun ngan haong urang likei saong 2 thun ngan haong urang kamei. Tal urak ini, meng 6 khóa bác sỹ ranaih hu tốt nghiệp, dự án pato hu 104 bác sỹ ba mai ngak bruk di 48 huyện kathaot dalam 17 tỉnh bhum ceik gah Brak, gah kreh negar  saongTây Nguyên. Sa-ai Phạm Thị Thu Hằng, bác sĩ halar hatian mai ngak bruk di labik kan kandah huyện Minh Hóa, tỉnh Quảng Bình brei thau: Mboh đề án ini biak hu kein ka dom huyện bhum atah bayah. Đề án hu palaghaih ka dom bác sĩ ranaih yau adei bahrau tabiak sang bac, oh ka hu ilamu mai ngak bruk saong oh ka hu  kinh nghiệm gah chuyên môn ye hu brei nao bac saong piah duh ka  bruk ngak hu siam jang.

          Dự án “Bác sĩ ranaih halar hatian mai bruk ngak bruk di bhum ceik, bhum atah bayah, bhum pulao kaoh, bhum hu bruk ngak mbang kinh tế - xã hội biak kan kandah” di Mentri Y tế hu peih ngak di akaok thun 2013. Tapa nan, pachreih dom bác sĩ ranaih halar hatian mai ngak di dom labik kan kandah, huyện kathaot. Tiến sĩ Phạm Văn Tác, Akaok Vụ Cán bộ, Mentri  Y tế brei thau: Jalan ngak di dự án meda pato pathram, tuyển dụng tui jalan biak karei piah ba bác sĩ hu ilamu glaong mai ngak bruk di bhum atah bayah, bhum tapen negar, bhum pulao kaoh saong bhum hu kinh tế biak kan kandah. Praong di abih nan lac pato pathram kapul urang bác sĩ hu ilamu chuyên môn dalam, gam haong dom đồng nghiệp di drei meda mong iek ruak ka bhap bani siam di abih.)

          Dự án nan lac sa jalan ngak bahrau di gah y tế pamaong tal khik ginup urang ngak hu ilamu, kỹ thuật glaong pabak hu hatai caong khin mong iek pren yava di bhap bani daok di bhum kan kandah, daong ka bhap bani bhum atah bayah, bhum kan kandah taom gaok hu dom dịch vụ y tế chất lượng siam, patrun bruk  ba tagok tuyến angaok iek ruak, daong giảm tải ka dom sang iek ruak di tuyến angaok, plaih palai pajua jien ndo ka bhap bani saong xã hội. Peih ngak siam  dự án ini meda palaghaih ka dom gru jru ranaih hu rik daong pren yava saong glo akaok di drei, patagok bruk ba akaok nao dahlau, halar hatian dak padang saong cak rok patagok taneh aia./.

Urang lang: Jasi - 28/10