Sang ong Tạ Văn Loan, daok di palei 4, xã Đak R’tih, huyện Tuy Đức, tỉnh Đăk Nông biak kan kandah. Hu thau, yaok harei ong Tạ Văn Loan nao ngak mbang apah duah jien raong diuk nek, dalam tuk nan diuk ong ruak metai metuh rup, oh ngak hagit hu, dom urang anek oh hu bruk ngak tani tanat, raidiuk gaok biak rilo kan kandah.

Thau ka bruk kan kandah di sang ong Loan, mBan chỉ huy quân sự huyện Tuy Đức hu kaoh tabiak meng kadung jien patagok bruk pala drak di đơn vị saong “Khang brah daong urang kan kathoat” blei sa drei limo binai alin ka sang ong Loan raong. Đơn vị jeng hu brei urang jakar trun tal sang piah tacei pato bruk ngak var ro saong iek glang limo…Tal urak ini, limo pajaih praong siam, daok metian anek. Đơn vị jeng daok daong piah sang ong samar tabiak truh kan kathaot. Ong Tạ Văn Loan khan lac: Dahlak likau ndua dhar phol tal taong abih urang jakar, đảng saong karja hu daong ka sang dahlak hulin drei limo piah raong. Dahlak mai ini lavik ye min sang daok biak rilo kan kandah, diuk dahlak ruak metai meteh rup yau nan ye biak rambah rambeip, hamu apuh hu takik, anek bik oh hu bruk ngak tani tanat. Hu dom pakat karja saong huyen đội daong  dahlak biak thau dhar phol.”

       Jeng lac sang kan kandah yau sang ong Tạ Văn Loan, sa-ai Điểu Dũng daok di Bu Dâng, xã Đắk R’tíh, hadei tuk tabiak tabiak truh bol lin oh patuah njauk bala, ba tal jaoh jo, oh ngak trak hu nan ye raidiuk gaok baik rilo kan kandah. mBan Chỉ huy quân sự  huyện Tuy Đức hu ba tangin tame daong, jak ba urang daong ka sa-ai Dũng 50 triệu đồng piah padang ngak baoh sang khang kajap.  Meng harei hu sang, oh daok duh hatai ka labik daok, sa-ai Dũng hu lagaih jang piah kuhria bruk ngak mbang. Langiu bruk daong ilamu ky thuat, pajaih phun pala di mBan chỉ huy quân sự huyện Tuy Đức, gam saong tari tarieng, oh huac glaih glan, urak ini sang sa-ai Dũng pala hu 3 hecta caphe hijao mekre daok tal bilan paik baoh saong hu jien tame tani tanat. Sang dahlak biak kan kandah, hu adei sa-ai dalam bol lin daong brei ka dahlak sa baoh sang daok, hacih sa-at, dahlak biak thau dhar phol. Meng tuk dahlak padang hu baoh sang  nan mikva jeng maong tame dahlak, bruk ngak mbang hu salih birau, yau urak ini mikva jeng hu menuac bac tui dahlak.”

Dalam 5 thun tapa, meng thun 2013 -2018, Mban chỉ huy quân sự huyện Tuy Đức hu padang ngak 8 baoh sang anit ranam, sang đồng đội saong alin brei 8 drei limo ka dom sang sarak karja, sang kan kandah. Saong daok hu daong bhap bini pasiam veik jalan mbak, padang sang daok, daong mikva yuak kuak  labaih 1000 harei ngak bruk piah mikva tani tanat raidiuk, rik daong padang ngak palei pala birau.

# Đại úy Nguyễn Văn Thanh, Chính trị viên - phó Ban Chỉ huy quân sự huyện Tuy Đức brei thau, tui jalan ngak “Patruh eik sa baoh sang, patrun kathaot sa baoh sang”, Ban chỉ huy quân sự huyện Tuy Đức hu jhul khang bruk pathau khan, paglaong jan sahaneng di urang jakar, urang lin. Saong daok pambuak bruk haong dom palei  di huyen Tuy Đức, daong mikva patruh kan kathaot, tani tanat radiuk, khik salamat puk paga. Đại úy Nguyễn Văn Thanh, Chính trị viên - phó Ban Chỉ huy quân sự huyện Tuy Đức, lac: Ngak tui jalan tacei  di quân khu, saong bộ chỉ huy quân sự tỉnh, ka bruk “Patruh eik sa baoh sang, patrun kathaot sa baoh sang”, Đảng ủy, Ban Chỉ huy jeng thau, ini lac sa dalam dom bruk praong di Đảng ủy, dahlau di abih piah ngak siam bruk ini, Đảng ủy, Ban Chỉ huy pambuak bruk saong dom jabat chức năng di huyện saong xã pasang iek dom baoh sang daok gaok kan kandah, baoh sang urang lin dự bị hadei di tuk veik mai puk palei piah taom gaok, pachreih ba saong daong brei. Langiu di nan, pambuak bruk khang kajap saong puk palei, dom kapol chinh tri xa hoi, pathau khan jak ba bhap bini ngak tui jaln ba di đảng, sarak hukum di karja.

Meng bruk ngak cambaic laic, lagaih saong raidiuk, urang jakar, urang lin di Ban chỉ huy quân sự huyện Tuy Đức, Bộ chỉ huy quân sự tỉnh Đăk Nông brei mboh makna praong glaong, thau sahaneng kuhria daong ka urang jeng yau thaot binguk di bol lin ngak bruk, pambauk kajap saong pakat ủy, karja palei  saong bhap bini dalam bruk mesruh pacang eik lipa, kathaot rambah, padang ngak palei pala birau./.