Daok di labik nao mai mbuan laghaih saong jaik 5 khu chung cư min bruk pablei salih di darak Thị Nghè, quận Bình Thạnh jeng takik pablei hu. Tui rilo urang daok pablei salih pak ini, urang blei pandar urak ini tok samu sa meteh dut haong dahlau diah; makna di nyu kayua urang blei pandar daok salih kadha bhian randap saong nao tame blei pandap di dom Siêu thị, pasak pablei salih atau di dom cửa hàng tiện lợi... Amuk Nguyễn Thị Tâm, daok di Quận 1 ndom lac: "Di darak urang blei pandar bhian bayar yaom, urang pablei mboh lagaih ye pablei meyah oh pablei hu ye juai  ndom puac kan pang, meyah yau nan urang blei oh takre saong tok blei sa mbang saong mbang hadei oh mai tal tra)

   Anak meta mboh lac, darak meng kan pak TP HCM rilo meng hu padang ngak atah di ini jaik 40-50 thun nan ye cơ sở hạ tầng trun cấp, quầy sạp sit sot, jalan nao mai sit, ganik hanong, pa-uh pandiak… bruk pataom mek hareik hareim oh ka siam. Abih di nyu lac,  darak Bến Thành di pasak Quận 1, yaom lac labik mai di dom tuai damuai tuk vaih tame bal raya HCM, min urak ini daok trun cấp triak. Ong Lê Quang Thiện, Akaok Ban khik iek Darak Bến Thành, Quận 1 brei thau:“Darak Bến Thành urak ini dalam bán kính 200m, oh hu mblang khik radaih ka urang mai blei. Bilan pandiak darak pa-uh pandiak, bilan hajan ye aia narah. Meyah hajan prong ye aia langiu jalan nduac tame darak, ngak kanjah jak tal bruk pablei salih saong lahik an toàn ka điện”).

TPHCM daok hu jalan ngak nan lac xã hội hóa bruk khik iek, jalan ngak ini hu peih ngak di dom darak đầu mối Thủ Đức, Hóc Môn, Bình Điền. Ong Phạm Thành Kiên, Akaok Sở Công thương TP.HCM brei thau, bal raya oh padang ngak jang bo pataom tame pasiam veik, ngak ka nyu siam jang saong jak ba đầu tư panduan salih tapa mô hình công ty khik iek piah hu nguồn lực đầu tư dom darak pablei salih hu siam jang: "Sở Công thương caong khin UBND TP hu sarak piah pambuak haong mesre gilang pariak, jak ba phun jien meng dom doanh nghiệp, urang pablei salih piah pabak hatai caong khin dak padang, pasiam veik darak pasar. Sở meda jhul khang bruk pato megru ka mban khik iek darak saong urang pablei salih ka jalan ngak mbang pablei salih bahrau. Sở daok ngak iek bruk darak hacih sa-at pandap panda saong thau hu asal di pandap, pasang iek meng gha, chất lượng pandap panda”.

Urak ini, kadha daok ngak ka rilo urang blei pandar daok huac tuk mai tal darak pasar meng kan, nan lac asal di pandap. Dalam tuk nan, di dom kênh pablei salih bahrau ye pandap panda biak rilo, hu brei thau cambaih pandap nan mai meng halei saong abih di nyu lac urang pablei ndom puac bingi pang, nan ye dak harei dak pachreih hu rilo tuai damuai jang. Amuk Huỳnh Thị Kim Cúc, Phaok akaok MBan khik iek hacih sa-at pandap panda bal raya HCM brei thau, caong khin jak ba urang pablei salih pasang iek pandap panda định kỳ, brei thau cambaih laih... nan jeng lac jalan piah ka urang blei pandar sahnang hatai tuk mai blei salih pak darak pasar meng kan: "Khaol dahlak caong khin Mban khik iek darak jak ba urang pablei salih định kỳ pasang iek samar drah atau ba nao pasang iek định lượng dom janih pandap panda. Tapa nan drei brei mboh, thông tin cambaih laih haong urang blei pandar”. 

Urak ini, dom kênh pablei salih lẻ hiện đại cakrok patagok biak samar, min darak pasar meng kan jeng daok hu labik dang biak prong, kayua nyu oh lac tok duh ka bruk blei pandar, bo darak pasar meng kan daok lac  ilamo dalam rai diuk  di bhap bani, nan lac labik mai di tuai damuai tuk yam takai tal bal raya HCM. Yau nan, bruk jak ba taong abih pren khang piah đầu tư pasiam veik cơ sở hạ tầng, jeng yau bruk paglaong ilamu pamere tuai damuai di dom urang pablei salih pak darak pasar meng kan nan lac bruk njuak ngak dahlau di abih./.