Gam bac gam pacang cakak jit ruak 

Sang bac Trung học Cơ sở Lạc Long Quân (quận Bình Tân) daok samar ngak brei salah dom bruk puac abih piah taduan raok anek saih di akaok bilan 9. Ini lac sa dalam dom baoh sang bac hu ba tame pandar dalam thun bac 2020-2021 di quận Bình Tân. Meng 36 duk bac, thun bac ini, sang bac hu jao palih ruah 22 tal 6. Tal urak ini, sang bac palih ruah hu 18 tal bac, yaok tal bac hu 45 anek saih. 

    Lingiu di bruk  caga ginup dom kadha ka harei tame thun bac bahrau, dalam tuk hu jit ruak yau urak ini, bruk khik siam mekre ka anek saih tuk mai veik sang bac jeng hu dom sang bac caik hatai sangka. Gam haong bruk puh ramik, pruh jru pametai anek ruak piah pacang caga jit, gru Hà Ngọc Tuấn Huy, Akaok sang bac khan lac, piah taduan raok anek saih mai veik sang bac, sang bac hu kuhria caga ginup abih pandap panda piah dut iek thân nhiệt tuk anek saih tame sang bac; tacei anek saih rao tangin meng aia pametai anek ruak dahlau di tuk tame duk bac; bhian puh ramik kapal daok bac, tangin pal di baoh pambang… Sang bac hu kuhria tal jalan ngak meyah bal raya hu peih ngak bruk brei daok atah gauk dalam bol bhap rah ra, ye meda parabha yaok tal jaik 20 adei piah khik hu bruk pa-atah di gauk njauk tui adat hukum. 

    Ini lac sa dalam rilo sang bac bahrau hu bal raya Hồ Chí Minh ba tame pandar dalam thun bac bahrau, pabak labik bac dalam tuk anek saih hu biak rilo. Thun bac bahrau, bal raya meda ba tame pandar labaih 1.300 duk bac bahrau (tagok jang 868 duk). Min yaom lac yaok thun, bal raya jeng hu ba tame pandar labaih 1.000 duk bac bahrau min jeng oh pabak hu bruk di anak meta, abih di nyu lac dom quận huyện hu bhap bani nhập cư rilo yau Quận 12, Tân Phú, Bình Tân, Gò Vấp, huyện Bình Chánh…

   Tui Sở Pato megru bal raya, thun bac 2020-2021, bal raya hu rilo jang jaik 55.000 anek saih. Tui nan, pakat Mầm non tagok labaih 3.600 anek saih; Tiểu học tagok jaik 9.000 anek saih; Trung học Cơ sở tagok jaik 28.000 anek saih; Trung học Phổ thông tagok labaih 14.000 anek saih. Anek saih patagok rilo di dom  quận yau: Quận 9, 12, Gò Vấp, Thủ Đức, Bình Tân saong dom huyện langiu bal kayua bruk menuac sia tagok rilo.

   Sở Pato megru bal raya mboh lac, menuac sia tagok rilo, anek saih tagok rilo ngak jeng kan kandah prong dalam bruk khik hu labik bac saong chất lượng patao bac di bal raya. Yau thun bac 2019-2020, ta-eng anek saih oh hu hộ khẩu di bal raya lac labaih 377.000 anek saih. Langyah labik bac ka anek saih ye gah pato megru njauk brei patagok anek saih dalam tal bac,  rilo jang dut haong chuẩn (pakat tiểu học), trun bruk anek saih bac 2 van sa harei. Urak ini, rilo sang bac hu meng 40-50 anek saih sa tal, daok ngak brei kan kandah ka bruk khik iek saong chất lượng pato pakai.

   Tui Sở pato megru bal Hồ Chí Minh, anek saih tiểu học bac 2 van sa harei dalam ban hu jaik 70%, yau nan min hu dom quận, huyện brukini biak biar oh ka tal 50%, yau di quận 12, quận Bình Tân... Dalam ban raya bahrau hu 11 dalam 24 quận, huyện khik hu 100% anek saih bac 2 van dalam harei. Lang talaih kan kandah ini piah peih ngak danak dak pato pakai phổ thông bahrau, dom quận huyện daok kan kandah ye meda peih pato bac dalam harei Car.

    Daok suai lavik, piah khik pabak hu labik bac ka anek saih tui njauk adat hukum, bal raya daok padang ngak sang bac tal bac. Tui nan, piah ngak hu bruk ba tabiak thun 2020, bal raya hu 300 duk bac dalam 10.000 menuac umo nao bac, gah pato megru bal raya hu pasang iek 24 quận, huyện ka bruk đầu tư công vak tu 2016-2020 ngan haong 832 dự án, hu 15.940 duk bac. Yau nan min, tal urak ini bahrau hu 219 duk bac dalam 10.000 rahra saong oh samu gauk di dom quận, huyện./.

Urang lang: Jasi - 26/8