Urak ini, dom urang F0 daok taong ruak di sang bhian oh mboh ruak, atau mboh dom ruak biak njol yau pandiak, pandik akok, sraiy ia dhung, pandik tarakong…Kayua yau nan ye, rilo urang oh khan brei y tế di palei labik drei daok thau bo eng drei nao blei jru mai menyum. Dom urang nan brei thau lac, ralo kayua huac ba nao daok karei. Langiu di nan, jeng hu dom urang sahaneng lac, meyah iew phone khan ka y te jeng kan taduan hu bruk daong…

Tiến sĩ, bác sĩ Nguyễn Văn Vĩnh Châu, Phaok Yam ndoc Sở Y tế Ban Hồ Chí Minh kakei lac: “ Tuk bac si brei toa jru ye jru nan lagaih saong tukvak di urang ruak saong lagaih haong prein yawa rup pabhap urang menyum jru. Oh hu toa jru pandar ka taong abih urang dreih yau gauk. Hu dom toa jru urang ini menyum dhit ruak min pandar ka urang karei ye mboh ruak trak biak mbuan ba tal bala,  nan ye mikva njauk brei caik hatai tuk pandar jru.”

Piah ka dom urang F0 taong rauk di sang hu thau jang  ka bruk pandar yaok janih jru ka nyu lagaih, bac sĩ  Nguyễn Văn Vĩnh Châu khan lac: Dalam  3-5 harei camereip hadei di tuk njom COVID-19 lac tukvak rup pabhap brei hu prein khang piah pacang caga bruk menek tabiak rilo di virut dalam rup. Tuk ini njauk pandar 2 nyaom jru nan lac: nhóm jru taong ruak  saong nyaom jru pacang virus. Urang ruak pandiak glong, pandik tarakong, talang, lagah lagoi ye brei menyum jru taong dom ruak nan. Nyaom ka dua lac jru pacang virus piah pacang caga virus pambak tabiak. Langiu di nan, urang ruak  jeng njauk brei pabak dom janih vitamin, jru pabak prein yawa ka rup pabhap.  

Tuk vak ini oh brei menyum dom janih jru kháng viêm hu corticoid, kayua jru ini pacang barah, ngak trun preih khang pacang ruak, ngak ka virus tamuh pambak khang jang. Urang F0 pandar jru khan darah, pacang viêm njauk brei hu bruk khik iek tani tanat di urang gah y tế, kayua  ini lac dom janih jru brei hu toa, tui iek dom ruak karei langiu caong khin, ngak jhak tal prein yawa manuac ruak.

Jeng tui bác sĩ Châu, sa janih jru bo rilo urang bhian blei mai pandar oh njauk nan lac dom janih kháng sinh. Janih jru ini oh taong hu ruak Covid-19 dalam tukvak camereip, tuk urang daok taong ruak di sang. Kayua kháng sinh piah taong ruak vi trùng, daok njom Covid-19 lac ruak kayua virus. Dalam tukvak camereip njauk ruak, urang ruak bhian oh njom vi trùng.  

Meng bruk hu mboh di  anak meta, sahaneng lac, bruk pathau khan njauk jhul khang jang piah bhap bini hu thau tantu bruk jhak kayua pandar jru tui hatai di drei. Langiu di nan, njauk  paglong chất lượng  ka y tế cơ sở  piah bhap bini hu iek glang, tui iek, taong ruak hu siam abih. Min, bruk praong di abih, meyah oh patuah njom COVID-19 khol drei njauk khan brei thau cambaih, ginup ka y te palei piah hu tacei pato cambaic laic dalam bruk taong ruak di sang, abih di nyu lac urang ruak hu daong iek ruak sumu tuk ruak mboh trak tagok, ba tame sang iek ruak samar. Ini gam lac  bruk  njauk ngak gam lac  kein laba di yaok urang./.

Urang lang: Ai Nghiem -6/1/2022