Bahrau 7tuk page, di Balai Y tế xã Suối Dây, huyện Tân Châu, tỉnh Tây Ninh hu ralo menuac mai dang cang iek ruak. Sa-ai Marina daok di ấp Cam, xã Suối Dây ba anek kamei umo 2 thun mai Balai piah kluak vắc-xin pacang caga ruak sởi -rubella - quai bị . Sa-ai brei thau: dom urang jakar ngak bruk pak ini thei jeng bui sambai, tacei pato abih hatai, pak ini daok hu urang jakar lac urang Cam nan ye khaol dahlak meda ndom meyai nao mai hu meng sap bangsa. Lingiu di nan, balai daok jaik sang, nan ye biak mbuan laghaih, oh abih ralo tukvak, jien ndo nao iek ruak dut haong bruk nao tagok tỉnh, togok huyện.

 Balai Y tế xã Suối Dây urak ini hu 1 bác sỹ, 1 y sỹ, 2 điều dưỡng saong 3 urang jakar y tế puk palei. Dom y, bác sĩ labik ini thei jeng abih hatai, ngak siam bruk  iek ruak nan ye hu bhap bani jia tui mai tal ini piah iek ruak dak harei dak ralo jang, daong patrun bruk ba urang ruak nao tagok sang iek praong gah angaok.

        Meng akaok thun tal ini, balai hu iek ruak ka labaih 6.000 mbang urang, dalam nan hu jaik 1.587 mbang iek ruak  BHYT. Taphia di bruk iek ruak meng tây y daok hu 1.100 mbang urang ruak hu iek ruak tui đông y. Langiu di bruk iek ruak, Balai y tế daok pambuak bruk haong dom phòng ban di xã padang mạng lưới y tế puk palei, urang pambuak bruk dân số nan lac dom taha akaok palei, akaok puk  pasang iek jit ruak dalam bhap bani. Balai y tế tuk halei jeng caik hatai tal bruk pathau khan, jak ba bhap bani paglaong akaok saneng iek glang pren yava, abih di nyu lac dalam bilan hajan bhian hu jit ruak. Dom urang pambuak bruk nan lac urang bangsa takik hu nao tal yaok baoh sang piah jak ba adei sa-ai kamei nao pasang iek phụ khoa định kỳ, kluak  vắc-xin pacang caga ruak ka uranaih. Dalam 7 bilan akaok thun hu kluak vắc-xin saong miễn dịch ka labaih 1.200 mbang uranaih meng 1 thun tal 5 thun.

Piah paglaong bruk iek glang pren yava akaok mereip ka bhap bani, bilan 6 thun 2018 meng blaoh, balai y tế hu blei jamriak đo điện tim, jamriak đo loãng talang. Tapahia di nan, Khoa nội Đông hu ba tabiak  ngak dom kỹ thuật bahrau hu siam lagaih yau: xoa bóp bấm huyệt, pasiam veik chức năng ka urang njauk tai biến. Ong Nguyễn Văn Bình, Akaok balai Y tế xã Suối Dây brei thau: ta-eng bhum urang Cam Chăm, yaok 3 bilan, urang jakar y tế di Balai mai tal Sang megik hadei di tukvak Sam-pah-yang di mikva, piah pathau khan, tacei pato jalan paglaong pren yava bhap bani. Pak ini, ong Hakim, Na-ip hu ndom veik brei mikva thau meng sap Cam. Bruk ini bhian hu peih ngak saong mikva Cam thei jeng pachreih tui. Sa-ai Nguyễn Văn Bình lac: Ndom ka bruk iek glang pren yava akaok mereip, ye mikva Cam mai ini iek ruak ginup abih, taduan mek jru cavao BHYT. Abih di nyu nan lac, bruk mong iek pren yava ka uranaih umo meng 1 tal 5 thun dalam danak  y tế negar, uranaih tiêm chủng hu biak ralo dut haong quy định. Daok gah pren yava dinh dưỡng, tukvak jaik di ini hu paglaong, takik hu uraniah lavang lavaih. Yam tame bilan hajan nan ye jit pandiak tabiak darah bhian hu mboh, bruk ini  hu pathau khan angaok dom Đài di xã, ấp, tapa mbang pathau khan jak ba bhap bani, abih di nyu lac mikva urang Cam biak pachreih ngak tui. Tal tuk ini bahrau hu dom urang ruak, min dalam ấp Chăm oh ka hu urang halei.

  Piah khik kajap bruk ngak hu saong peih ngak siam jang bruk iek glang pren yava ka bhap bani, dom urang jakar Balai y tế Suối Dây daok kham merat dalam dom bruk hu ba tabiak, daok jhuk khang dom bruk ngak yau: patagok bruk patahu khan, jak ba bahp bani puh ramik hacih sa-at pacang caga jit ruak; patrun patakik urang njauk ruak njaom mbak, pasiam rai diuk ka bhap bani, abih di nyu nan lac klak nao dom adat cambat klak oh siam oh lagaih yau iek ruak tui dom jalan mê tín dị đoan di bhap bani urang bangsa takik, paglaong akaok saneng ka an toàn vệ sinh pandap mbang menyum. Meng dom bruk ngak siam ini, balai Y tế xã Suối Dây tuk halei jeng lac labik piah ka bhap bani, dalam nan hu mikva urang Cam caik hatai jia saong mai iek ruak./.