Đà Nẵng peih bruk tame thun bac birau tui jalan online

Kayua jit ruak Covid-19 jeng daok rah tabiak sarau kadhau nan ye dah page ni (5/9), dom tinh, ban peih bruk tame thun bac bahrau sa mbang bloh, hu labik peih thun bac bahrau tui jalan online. Di ban Đà Nẵng, dom sang bac brei tapa website di dom kapul yaih khan blah thư di akaok negar uan harei peih thun bac baharau, khau tin ka dom urang dalam tal bac; pato tacei peih bruk chuyên môn… Sở pato magru pambuak saong riyak papar binguk. Đà Nẵng peih danak dak ginum biai “Đà Nẵng – uan roh thun bac bahrau”, brei thau hatai sahneng, hatai caong khin di urang jaka, cei gru, nai gru, urang ngak gah pato magru, di amaik ame saong anek saih dalam ban dalam thun bac bahrau.

Tỉnh Vĩnh Long hu tame thun bac baharau  di harei  5/9. Yaom lac urak ni, dom sang bac brei anek asaih hu mbaok tame thun bac bahrau pataom mbaok ka nyu lagaih. Abih di nyu nan lac dom sang bac oh peih diễu hành taduan anek saih akaok pakat, oh palao blaoh blong par, hu panuac ieu amaik ame anek saih oh taom rilo urang dang anak pambah mbang sang bac. Dok di Đồng Tháp, dom sang bac peih thun bac bahrau  dalam harei  5/9, tuk vak oh tapa  45 minite  dom sang bac  mầm non song tiểu học hu  điểm phụ peih thun bac bahrau di điểm phụ, oh pataom mbaok anek saih  song jru pato meng điểm chính.

Rajaei birau njauk hatai haong panuac caong lac harak adat peih radieh hu brei 12 điểm yaok thun, mayah urang peih radieh oh njauk trừ abih điểm meda hu brei viek 12 điểm piah pandar ka thun hadei atau oh ngak suan hukum jalan mbak meda hu cộng điểm; mayah dalam sa thun bo njauk trừ abih điểm ye njauk pacacah viek piah mek harak adat peih radieh. Rajaei jeng tacei tabiak cambaih thẩm quyền, căn cứ, trình tự, adat peih ngak, khik hu mbuan, lagaih, plaik ngak kan kandah tal bhap bini. Langiu di nan, rajaei brei thau ka bruk cộng, trừ điểm dalam harak adat peih radieh njauk bruk khik ramik, oh njauk lac bruk taong phat hành chính.

  Sở LĐTB-XH ban raya HCM birau hu panuac ieu  Ủy ban Mtnegar ban raya pandar kadung jien  jak ba  piah dong ka urang ngak oh hu bruk ngak (urang ngak tự do) njauk lahik bruk ngak, gaok  kan kandah kayua jit  Covid-19. Tapa pasang iek di  24 quận, huyện, dok dalam ban hu jiak  27.500 urang (dalam nan hu 6.700 urang langiu tỉnh) dok dalam sarak nan. Yaom dong glong di abih lac  1 triệu đồng/sa urang, tui kuhria hu kaoh tabiak meng kadung jien  pacang caga jit  Covid-19 ban raya HCM.

Hadei di 8 bilan tame ngak, gah jalan gilai cao tốc Cần Thơ - Côn Đảo oh mek hu hatai di bhap bini daok di tapen kraong Hậu, ka yua bruk gilai nduac hu ba tal bruk glut jalieh kan kandah jang. Tapa pasang iek, UB bhap bni huyện Kế Sách, tỉnh Sóc Trăng brei thau hu 37 gah takai kraong njauk glut jaleih, atah labaih 1.500m; 34 mang karam ghe, ngak khut gilai; 11 mbang sang taong ikan di kraong njauk ia kathek lahik lưới, pandap panda taong ikan saong dom labik kayua kanja buh jien tame ngak meng kè rọ patao njauk khut, mbuan glut jaleih … Bhap bini daok di tapen kraong Hậu di dom huyện yau ye Long Phú, Cù Lao Dung, Trần Đề (tỉnh Sóc Trăng) jeng brei thau dom kajah jhak meng bruk nduac di gah jalan cao tốc ni. Anak bruk nan, gam saong dom tuai njauk patrun kayua Covid-19, Công ty cổ phần Tàu cao tốc Phú Quốc njauk padieh nduac, pajeng tuai gah Cần Thơ - Trần Đề tal abih thun 2020.

Bộ Tư lệnh tấn công dunya di  bol bala  Mỹ bahrau padang pasak chỉ huy di động mbang camereip ka dom  chiến dịch negar langiu di  janih kapan haoh tàng hình B-2. Bruk ba tame pandar pasak di động brei adat  Phi đội Ném bom Viễn chinh ka -393 tagok jalan song pasang iek tapak pak di labik ngan song mblang kapan haoh halei di dunya hu jalan nao mai lagaih taduan B-2, meng nan tagok bruk cơ động di dom chiến dịch quân sự di negar ni. Tui panuac khan di gah  chuyên gia, janih oanh tạc cơ tàng hình B-2 hu pren mesruh ginup pren pacang Biển Đông mai meng căn cứ Diego Garcia.

Tui jabat năng lượng nguyên tử dunya (IAEA), oh mboh bruk halei brei mboh Triều Tiên  ngak viek nhiên liệu njauk tapa pandar di lò phản ứng hạt nhân jeng plutonium dalam thun tapa, min negar ni jeng daok ngak kaya mada uranium, janih hu prein khang karei piah ngak tabiak bom hạt nhân. Dalam pathau khan yaok thun, IAEA brei thau,  oh hu pambuak haong Triều Tiên meng tuk negar ni pateok tabiak dom thanh sát viên di IAEA di thun 2009. Meng nan, jabat ni njauk patui iek dom bruk ngak di Triều Tiên meng atah, gam meng thaot binguk vệ tinh.

Karja Trung ương Trung Quốc hu ba  89 chuyên gia song urang y tế mai dong  Đặc khu hành chính Hồng Kông peih bruk dut iek Covid-19, patagok dom urang  chuyên gia song urang y tế Trung Quốc dok pak ni tagok labaih 300 urang. Hồng Kông hu dut iek  Covid-19 halan hatain, brei saoh ka bhap bini  meng harei  1/9. Pak ni hu labaih  4.800 urang njom song  93 urang metai  meng di tuk jit ruak rah tabiak. Kayua jit ruak, karja  Đặc khu hành chính Hồng Kông khan lac yah klaak danak dak  cuk phao bingu  di mblang lamnge Victoria salam uan harei negar  Trung Quốc dalam harei  1/10 anak tal./.

Urang lang: Thu Thảo & H.Pha  5/9/2020 13:34:51