Yaok harei angaok rilo jalan, hu mboh ralo amaik ame pajeng uranaih oh tuak nduan bảo hiểm, abih di nyu nan lac labik anak pabah mbang dom sang bac tiểu học. Pabah mbang sang bac Tiểu học Phan Văn Hân, Quận 3 tuk biar harei, hu biak ralo amaik ame mai pajeng anek. Dom urang mai pajeng anek di labik ini oh ba tui nduan bảo hiểm ka uranaih dalam tuk rup drei hu tuak nduan bảo hiểm.

Min jeng hu rilo amaik ame biak sangka tal bruk tuak nduan bảo hiểm brei anek, iek lac sa bruk njauk ngak tuk tabiak jalan. Sa-ai Nguyễn Hữu Long, sa urang ame ndom lac:

  "Nao tabiak jalan ndik radaih brei ngak njauk tui hukum. Tabiak jalan tuak nduan bảo hiểm dahlau di abih piah khik caga siam mekre ka drei. Anek di drei oh hu nduan bảo hiểm ye nyu oh nao."

Sa-ai Ly, daok tuak nduan bảo hiểm ka anek daok brei thau lac: "Tuak nduan bao hiểm mboh nyu siam jang, tuk labuh ye akaok oh njauk hagait. Drei mboh siam yau nan meng blei ka anek tuak."

Ngak yau nan meng tuk daok sit nyu daong ka uraniah jeng bhian randap tuak nduan bảo hiểm tuk tabiak jalan. Tuk amaik ame var, dom adei sit lac urang pahadar. AdeiLê Minh Huy, anek saih sang bac Tiểu học Thanh Đa lac:

 "Tuk halei anek jeng tuak nduan bảo hiểm. Tuk amaik ame var ye adei pahadar amaik ame ba tui nduan bảo hiểm."

Di rilo sang bac karei di ban raya Chí Minh, bruk oh tuak nduan bảo hiểm ka uraniah mboh biak ralo, min di dom sang bac dalam pasak ban raya ye bruk tuak nduan bảo hiểm mboh hu ralo jang. Hu yau nan, meng hu bruk pathau khan di sang bac. Yaom lac oh ba tame bruk xử phạt tuk vi phạm kayua nyu daok gah lingiu sang bac, min ralo sang bac hu dom jalan ngak gheih yau pablak pathau khan hukum nao mai angaok jalan tuk chào cờ akaok adit, gru chủ nhiệm gam kakei anek saih dahlau di tuk peih bac nao sang. Anai Nguyễn Thị Thanh Ly, Phó Hiệu trưởng sang bac tiểu học Thanh Đa, Phường 27, Quận Bình Thạnh lac:

 "Yaok bilan, yaok adit tuk họp hội đồng, Ban giám hiệu kakei dom gru. Daok tuk chào cờ akaok adit ye kakei dom adei. Drei jeng kakei dom adei khik iek rup drei, kakei dom amaik ame pato dom anek thau khik caga rup drei."

Tukvak tapa, mBan An toàn giao thông ban raya Hồ Chí Minh hu tacei pato mBan An toàn giao thông dom quận, huyện pambuak brukhaong phòng giao dục, gah cảnh sát giao thông…piah pathau khan saong kakei amaik ame anek saih ngak njauk tui hukum. Lingiu di ann, tacei gah công an quận, huyện pambuak bruk haong dom kapul khik ramik trật tự đô thị nao pateok dom labik pablei nduan bảo hiểm oh siam di lingiu jalan…

Gah cảnh sát giao thông jeng nao pasang iek, taong phạt dom urang ngak suan. Lingiu di bruk ghi hình dom urang vi phạm di dom pabah mbang sang bac, bloh pambuak bruk haong mban giám hiệu sang bac da-a amaik ame mai pathau khan, vak harak sanya, cảnh sát giao thông jeng hu taong phạt catang dom urang vi phạm. Meng nan, bruk tuak nduan bảo hiểm ka uraniah hu siam jang, meng 25% tagok hu 55%.

Yaom lac urang tuak nduan bảo hiểm ka anek tuk ndik radaih angaok jalan mboh hu rilo jang, min oh ka jeng bruk bhian randap. Hadei di dom mbang tabung glaong taong phạt, bruk oh tuak nduan bảo hiểm ka anek saih mboh hu rilo yau dahlau veik. Kayua yau nan ye, anak tal, mBan An toàn giao thông ban raya Hồ Chí Minh brei patagok jang bruk pathau khan, abih di nyu nan lac di dom khu chế xuất, khu công nghiệp, dom sang bac, dombến xe…Ong Nguyễn Ngọc Tường, Phó Trưởng ban chuyên trách Ban An toàn giao thông ban raya Hồ Chí Minh lac:

 "Bruk praong nan lac amaik ame brei thau tuak nduan bảo hiểm ka anek di drei, gam saong nan, sang bac saong xã hội njauk pathau khan rilo jang ka dom adei, ngak yau habar jak ba dom adei meyah ndik angaok radaih patuh ye tuak nduan bảo hiểm. Daok meyah oh tuak ye dom gah chức năng taong phạt."

Uranaih lac caduk meda harei hadei di taneh ia. Yaok amaik ame njauk sangka tuak nduan bảo hiểm ka anek piah khik caga anek hu siam jang, jhui kayua drah samar bo var tuak nduan bảo hiểm ka anek di drei./.