Dom urang halan hatian ramik KTX ngak labik daok ka urang jiak ruak Covid -19

UBND ban raya HCM  bahrau brei padang pasak brei dok karei  di sa labik praong pacang caga jit COVID-19 di sang bac Quân sự Quân khu 7, ký túc xá sang bac ĐH Sư phạm ban raya .HCM song dom hotel hu mek jien. Tui nan, pasak brei dok karei di sa labik praong pacang caga jit COVID-19 sang bac Quân sự Quân khu 7 dok di  phường Trung Mỹ Tây, quận 12 song pasak brei dok karei  ký túc xá sang bac ĐH Sư phạm ban raya .HCM dok di  phường 5, quận 11. Dom pasak ni hu brei bruk taduan, khám sàng lọc, tui iek, tacei pato dom urang hu brei dok karei tui hukum. Taphia di nan, UBND ban raya jeng brei padang labik brei dok karei di hotel kayua urang hu brei dok karei halan hatain bayar jien  di UBND quận, huyện song ban Thủ Đức.

TP.HCM daok pasang iek hu jit dalam bhap bini. Nan lac panuac khan di Bí thư Thành ủy TP.HCM Nguyễn Văn Nên dalam mbang nao ravang, pachreih ba dom y bác sĩ Sang iek ruak Chợ Rẫy di biar harei 8-6. Pak ini, Bí thư Thành ủy hu tangi sua ka prein yava di urang ruak lac trung tá công an daok di quận Tân Phú, njaom COVID-19 daok hu iek ruak di labik ini saong ruak daok trak tagok, njauk suak yava meng jamriak saong ECMO. TS.BS Nguyễn Tri Thức – Yam ndok sang iek ruak Chợ Rẫy – sanya lac brei pambuak bruk glaong abih haong Sở Y tế TP.HCM piah iek glang prein yava ka rahra dalam ban saong daok pataom prein tame taong ruak ka urang ruak ini.

Harei ni (9/6), Pasak Y tế ban  Thuận An, tỉnh Bình Dương hu peih bruk pacang veik Cty TNHH Prestima Việt Nam di  jalan ka 16, labik ngak kong Việt Nam-Singapore, phường Bình Hòa piah duah urang  F1, F2 hu gam tal urang ruak  8791. Dahlau di nan, harei  6/6, urang ruak  ka  8791 (ndik tapui thun  1980, dok di  Quận 1, ban raya .HCM), urang peih radaih di Công ty Prestima tapa dut iek mbang ka 2 mboh dương tính ( mbang ka 1 âm tính) hong  SARS-CoV-2 song hu brei dok karei iek ruak di huyện Cần Giờ. Mesup ni, Pasak  Y tế ban  Thuận An hu ba  20 urang  F1 nao brei dok karei di sa labik praong, 2 urang  F1 lac urang negar langui brei dok karei di  jabat  công ty hu bruk pasang iek di gah chức năng.

Tui Tổng cục Hải quan, 4 bilan akaok thun 2021, Việt Nam blei meng negar lingiu tame 236.000 tấn ralow saong dom pandap ngak meng ralow, yaom labaih 464 triệu USD, rilo jang 8% duk haong dom bilan ini thun 2020. Bruk njauk biai nan lac, yaom ralow pabui blei meng negar lingiu mai Việt Nam trun jaik 10% duk saong tukvak ini thun blaoh. Yaok kg ralow pabui mai Việt Nam ka oh kuhria je yaom labaih 51.000 đồng 1kg.

Tukvak jiak di ni, jit halak akaok juk, bọ cánh cứng palai kaik ngak ka rilo bein li-u di tỉnh Bến Tre song Tiền Giang thu lagu, dom boh sang urang nong brei kaoh klaak kayua phun nyu metai. Gah ngak nong dom puk palei pataom tame dom jalan ngak piah plaih jit njom mbak, khik ramik bhum taneh li u, yau pruh jru sinh học, mek pajaih nao roh duah, palao dhar ko ký sinh piah patrun patakik halak akaok juk palai kaik... Di xã Phú Long (huyện Bình Đại), labik tamuh jit halak akaok jhuk camereip pak di tỉnh Bến Tre daok pacang cakak hu.

Quyền Thủ tướng Armenia Nikol Pashinyan harei kaboi tabiak panuac lac, ong halan hatian ba anek likei di drei piah salih mek taong abih dom urang di negar ini daok njauk gah Azerbaijan kreik dalam guk. Ong brei thau, ini jeng lac panuac di ong hu ndom haong Tổng thống Azerbaijan Ilkham Aliyev. Ong jeng hu panuac ieu dom menuac ngak chính trị cagar veik haong ong dalam bruk pilih ruah urang ka Quốc hội anak tal jeng ngak dreih yau nan. Angaok blah facebook di drei, anek likei di quyền Thủ tướng Ashot jeng ndom lac halan hatian tame bruk salih ka dom urang guk yau nan.

Harei kabroi, karja Burkina Faso brei thau, jaik 7.000 menuac nduac klaak sang danaok hadei di mbang tong tame di adit dahlau di negar ni ngak ka labaih  100 urang metai  song rilo urang karei njaum rambuas.  Hội đồng Bảo an Liên Hợp Quốc hu panuac lên án bruk  taong tame nan  saong ndom lac, brei duah tabiak kol ngak bruk nan, dom kapul nyaom dang gah likuh tacei ba, daong jien padai ka dom bruk khủng bố; saong hu panuac ieu dom negar ba tangin tame jhul khang  bruk mesruh pacang khủng bố.Dahlau di nan, di melam 4/6, saboh mesup harei 5/6, dom urang pal phao oh thau angan je tong tame bhap bini  palei  Solhan di  tỉnh Yagha, ngak ka160 urang metai.

Tui pasak pasang iek saong pacang caga jit ruak Mỹ (CDC), labaih 10 triệu mbang vaccin Johnson & Johnson jaik abih tukvak pandar dalam taneh ia ini. Bruk ini daok ngak pandik akaok dom urang khik ramik di Mỹ kayua oh pacap hu rahra dalam taneh ia nao klauk jru, saong jeng oh ba tabiak negar lingiu hu. Tui blah báo Wall Street Journal, yaok triệu mbang vaccin Johnson & Johnson daok dalam kho lac kayua hu sa tukvak katut panak janih vaccin ini brei padeih pandar kayua huac khal darah. Rilo menuac tut angan klauk vaccin Johnson & Johnson brei klaak bruk sanya klauk yaom lac bruk klauk jru nan hu peih ngak veik. Meyah yaok triệu mbang vaccin ini njauk palai klaak, karja Tổng thống Joe Biden meda gaok rilo panuac puac pareo meng dom taneh ia daok kan duah hu labik pabak vaccin./.

Urang lang: M.P – H.Pha  9/6/2021