Urang ngak dok hu bruk ngak tani tanat 

Châu Âu lac drak pasa bhian randap, blei yaok ribau tấn kruac iak that yaok thun  di Công ty Cổ phần Thương mại  song  Đầu tư Chanh Việt. Min, yaom kinh tế ba mai oh ka glong kayua pandap dok di janih tamo, phun jien pajeng ba prong. Caga dahlau bruk pablei tabiak negar langiu song piah patagok yaom glaong di pandap tuk  EVFTA hu ba tabiak pandar, công ty hu blei jamriak meng Hàn Quốc song Nhật Bản, ngak tabiak tapung kruac iak tui tanut  HACCP. Ong Nguyễn Văn Hiển, Akaok Hội đồng Quản trị Công ty Chanh Việt brei thau, anak tal, công ty meda pablei tapa drak pasa Châu Âu lô pandap camereip  lac 5 tấn kanduh  kroic iak thu 

"Công ty Chanh Việt hu caga biak lavik ka pandap ngak pablei tapa Châu Âu. Tuk pandap pablei tabiak negar lingiu kak je samu 0% ye nyu biak hu kein ka  công ty haong mik va urang nong . Drak pasa  châu Âu biak takre tapung kroic iak song kanduh di drei, pandap ngak tabiak ni yaom kaom meda siam jang biak rilo".

Pandap meng kayau pablei tabiak negar langiu jeng lac prein khang di  ban raya HCM di drak pasa  châu Âu. Urak ni, yaom kak je di janih pandap ni tame  châu Âu meng  2-10%, min tuk EVFTA hu ba tabiak pandar ye  83%janih je hu yah klaak. Ni lac jalan peih tabiak bo rilo  doanh nghiệp ngak kayau di ban raya daok cang mong.

Rilo doanh nghiệp hu caga kayau, blei jamriak, ngak sang  xưởng, pato pakai urang ngak piah paglaong siam mekre ka pandap panda pabak ka drak pasa ni. Hiệp hội Mỹ nghệ song ngak kayau ban raya.HCM (HaWa) hu peih rilo tal pasram ka tanut chuẩn, chất lượng, pandap panda mai meng halei… yaok janih pandap tame drak pasa  EU. Dalam bilan 8 ni, Hiệp hội hu peih sàn giao dịch điện tử ka pandap kayau song labaih 50 showroom, di labik prong labaih  25 rabau mét vuông. Ong Nguyễn Chánh Phương- Phó Chủ tịch gam lac Tổng Thư ký HAWA brei thau:

"Khol hulin kham merat tal puac thun ni, khol hulin hu ba 100 showroom parang tabiak angaok mạng. Meng jalan peih tabiak ini, song bruk pambuak gauk  di  HaWa  song Eurocham hong dom Hiệp hội doanh nghiệp karei  ye bruk pambuak gauk di doanh nghiệp HaWa song  EU hu jiak gauk jang”

Ong Nguyễn Thành Phong- Chủ tịch Ubbhap bini ban raya  HCM brei thau: ban raya meda hu jalan piah tame dalam drak pasa châu Âu, abih di nyu nan lac pandap hu prein khang. Anak meta, Ubbhap bini ban raya.HCM hu jao ka dom gah chức năng brei hu danak dak cambaih laih dong ka doanh nghiệp. Sở Công thương pok tagok Ubbhap bini ban raya  danak dak dong doanh nghiệp pablei tapa drak pasa  Châu Âu dahlau di harei 15/8:

"Dom jabat chức năng brei peih tal pato pasram dalam ka yaok doanh nghiệp ka bruk pablei tabiak pandap panda. Yaok 3 bilan,  pataom abih dom kan kandah di  dom  doanh nghiệp pablei tapa drak pasa  Châu Âu payua ka  Sở Kế hoạch song  Đầu tư pataom iek veik piah ginum biai dalam kapul ngak bruk di dom gah piah langyah”

EVFTA lac jalan peih tabiak min jeng lac caung kandah  ka doanh nghiệp di ban raya HCM, kayua dom  doanh nghiệp di pak ni rilo meng lac doanh nghiệp mbiah song sit . Meng bruk kham merat dong di dom urang pal akaok song bruk kham merat di  doanh nghiệp, cong lac labaih  20 ribau doanh nghiệp pablei tabiak negar langiu  hu rilo jalan taom gaok samar drah song siam lagaih di drak pasa ni./.

Urang lang: Hanipha- 6/8