Labaih  20 thun jhul khang bruk xã hội hóa sân khấu cải lương song kịch nói, TPHCM ngak tabiak hu sa mblang main  nghệ thuật khang kadang, chreih chrai piah hu rilo janih pabak ka bruk pilih ruah di  urang maong iek. Min, luac sa tukvak atah kayua tavak tavaiy gah sarak, labik parang me-in, kịch bản, kapul nyaom nghệ sĩ…rilo đoàn  cải lương, rilo sân khấu kịch njauk padeih bruk yaom lac biak anit  bruk. Nghệ sĩ Thanh Bạch, urang hu rilo thun kak kajap haong gah kịch nói ndom lac

     “Urak ni meng bruk vak sa  kịch bản urang  biên kịch duik oh truh. Bruk hagait dalam hatai di drei ye nyu oh lihik nao atau salih karei, min kayua rai duik nan ye rilo biên kịch njauk salih tapa bruk ngak karei. Urak ni, khol drei njauk paglaong raiduik ka urang meng bruk tagok jien thù lao atau ba tabiak dom giải thưởng ka dom  danak dak biên kịch”.

   Dalam tuk dom soạn giả, biên kịch naih joi ngak bruk lavik thun dak harei dak takik nao, ye dom tác giả ranaih dok nduac tui jien, tui drak pasa  ngak ka rilo  kịch bản oh siam, oh lagaih. Bruk chuyên nghiệp dalam paneh kadha, padang ngak dom vở diễn dak harei dak takik gheih, salih tame nan, lac dom bruk ngak tui jalan ba bui sambai ka urang mai maong iek piah khik takai dom urang mong iek. Rilo nghệ sĩ mboh lac, meyah daok nduac tui jalan ngak ni nghệ thuật sân khấu meda ralai, lahik 
  Oh lac dom kan kandah ka jien padai bo bruk kurang biak rilo dom sân khấu parang me-in jeng daok jhul cải lương, kịch nói tame jalan oh tabiak hu. TPHCM urak ni hu labik  parang me-in cải lương công lập duy nhất lac  Nhà hát Trần Hữu Trang ye oh mbuan tame, yau nan ye rilo  kapul xã hội hóa njauk buh jien kadung nao pah  sân khấu tư nhân. Yaok pluh  sân khấu kịch meng prong tal sit jeng daok dalam bruk nao pah  nan ye biak kan si buh jien tame ngak. Hadei di labaih 40 thun kak kajap haong sân khấu kịch nói, urak ni dok la sahaneng veik, nghệ sĩ ưu tú Kim Xuân mboh drut droi:

    
  




 “Khol dahlak njauk nao pah labik parang me-in. Nan ye khol hulin dok tavak tavaiy rilo janih. Khin ngak siam oh ngak hu, kayua nan lac sang di urang. Saman ni jhui ndom tal dahlau daih lac khol drei hu dom rạp di dom  quận tra, bo khol drei meda nao tal dom nhà hát praong, siam piah ka dom đơn vị hu parang me-in”.

   Tui  nghệ sĩ ưu tú, đạo diễn Ca Lê Hồng, khin brei cải lương, kịch nói atau janih  nghệ thuật meng kan halei hu khik ramik song tagok, jeng brei hu bruk đầu tư di tong abih  gah. 

 “Ngan song  văn học nghệ thuật, khol drei njauk kuhria tal bruk  jien ndua song bruk bayar jien yau habar. Tuk khol drei jao ka nghệ sĩ jien ye njauk brei ka urang sahneng duah ngak tui hatai bo oh suan hukum lac hu paje. Dok urak ni 1 tác phẩm ba mai nyu papaok tame rilo janih ngak ka urang oh paneh tabiak hu. Bloh ngak salah, piah mek hu jien oh lac mbuan.”..
    
    Jeng hu hatai sahneng yau nan, nghệ sĩ ưu tú Kim Tử Long ndom lac meyah bayar  6-7 triệu đồng sa tác phẩm yau  rilo  đơn vị dok bayar ka dom đạo diễn hu angan je yau urak ni ye oh biak kan piah dui urang kak kajap song bruk ngak Min  “ông bầu” Kim Tử Long ndom lac, bruk njauk duh hatai di abih urak ni oh lac jien ndua bo lac rai  nghệ sĩ kế thừa. Nghệ sĩ ưu tú Kim Tử Long suh sah lac:

        Rilo urang urak ni dok pato  ka dom  nghệ sĩ harei hadei jeng oh ka ginup ilamu, tok hu bằng cấp min, nan ye rilo adei  tagok  sân khấu pasram atau diễn oh thau ngak hagait . Tui hulin ni lac bruk pametai cải lương meng dalam boh.”.
  
Rilo nghệ sĩ kịch nói, cải lương di TPHCM ndom lac, urang oh caong hu dom  sân khấu bial prong, dom danak dak buh jien tame ngak biak prong bo tok cong khin  sân khấu njauk song lagaih  piah hadah gom yaok melam . Song urang caong hu bruk sangka di karja, hatai ranam di khán giả dalam dom bruk salih bahrau, piah khik ramik song patagok dom janih  nghệ thuật meng kan./.