Ngan haong dom bruk urak ni brei mboh lac, anek saih jeng daok bac di Internet, oh hu nao tal sang bac

Akok negar Nguyễn Xuân Phúc hu payua harak thư ka gah pato megru di tuk tame thun bac birau 2021-2022.  Dalam harak thư, Akaok negar hu vak lac: Mbang jit ruak tamuh mbang ka 4, rilo anek saih, sinh viên njauk yam tapa dom harei bilan  biak kan kandah kayua pacang caga, pa-atah di gauk. Bruk bac online daok rilo cuang kandah, tavak tavaiy, oh lagaih saong oh sumu gauk, abih di nyu lac bhum palei pala, bhum ceik, bhum atah bayah. Akok negar caong gah pato megru , gam saong dom gah, dom pakat brei caik hatai, hu dom bruk ngak njauk lagaih haong bruk jit ruak saong hu jalan pacang caga brei takik abih dom kan kandah, kanjah jhak, njauk ndem tal bruk mbuan ba tal dom anek saih, sinh viên kadun likuh dut saong dom ayut sahabat.

Ban raya HCM jeng khik tamo harei peih pato danak dak thun bac bahrau: anek saih THCS, THPT bac meng harei 6/9, anek saih tiểu học bac meng harei 20/9. Tui Sở Pato magru ban raya HCM, di dalam ban urak ni hu labaih 1.000 sang bac daok hu ngak labik brei daok karei, sang iek ruak dã chiến, labik daok ka kapul urang pacang caga jit COVID-19. Meyah brei kadun tukvak peih thun bac bahrau 2021-2022 viek 1-2 bilan tra, ye ngan haong dom bruk urak ni brei mboh lac, anek saih jeng daok bac di Internet, oh hu nao tal sang bac. 

Jabat Mentri Ngak nong saong patagok palei pala brei thau, anak bruk caong khin biak ralo di bhap bini Ban raya HCM ka njam patam baoh karaoh, Kapol ngak bruk 970 di Mentri payua harak ka UB bhap bini Ban raya brei peih ngak dahlau danak dak ba “combo kaya nong yaom mbiah”, mai meng Bhum taneran kraong Cuu Long tal yaok phuong, khu pho, chung cu…Meng harei 30/8 tal harei 2/9, yaok harei hu meng 40.000 – 55.000 kadung dom janih kaya nong hu pajeng tame TP.HCM. Tui kuhria dahlau bruk blei pandap daok tagok rilo, meda tagok tal 150.000 combo dalam sa harei.

Labaih 3.000 urang njom COVID-19 hu duah mboh tapa dut iek ka rilo manuac di Đồng Nai. Tui kuhria mboh di CDC tỉnh ni, tapung jit di tỉnh lac krieh bilan 8/2021 (tukvak hu 900 urang njom sa harei. Yaom lac Đồng Nai pasang iek hu bruk njom mbak dalam rahra, min jeng daok dom labik ka oh hu ngak catang bruk dut iek, abih di nyu nan lac ka oh dut iek ka abih bhap bini daok di labik mbuan njom glaong, kayua yau nan meda klaak tapa dom urang njom.

Gah CSĐT Công an TP Vũng Tàu bahrau tabiak bruk khởi tố vụ án hình sự "ngak njom mbak jit ruak kan kandah ka urang karei” rah tabiak dalam ban. Tui duah thau, kayua thau labik sang trọ drei daok di quận Bình Thạnh, TP.HCM hu menuac mboh yau njom COVID-19, Vũ Tiền Giang (47 thun) cang tuk melam sup, ndik radaih mô tô, tuan 2 ổ bánh mì angaok radaih piah tapa mbaok urang khik iek, nao suan adat tal sang menuac krein daok di TP. Vũng Tàu. Tuk rahra pak nan mboh, Giang meng tabiak phường brei thau gah y tế. Tapa dut iek hadei di nan mboh lac nyu dương tính haong SARS-CoV-2.

Dom urang ilamu daok biak caik hatai sangka, duah thau ka prein jhak saong bruk njaom mbak di biến thể Mu, iek nyu khang jang biến thể Delta daok ngak srau kadau dunya ini halei oh. Biến thể Mu hu mboh camereip abih di Colombia di bilan 1, blaoh hadei di nan lac di Ecuador. Meng nan, dom menuac njom saong dom sruh biến thể Mu hu mboh rilo saong njom mbak di labaih 40 taneh ia di châu Mỹ, châu Âu, châu Á. Urak ini dunya hu labaih 4.600 urang njom biến thể Mu. Min biak di nyu meda hu rilo jang kayua dom taneh ia gaok jit trak kayua biến thể Delta, meda lac ka oh caik hatai njauk tal biến thể Mu.

Piah jhul patagok bruk ngak di kinh tế, Rajaei Japon daok sahneng kuhria brei trun meneing dom bruk pacang jit COVID-19, dalam nan hu bruk oh brei pablei alak di dom nhà hàng saong dui atah tukvak peih pabah mbang di dom labik hu bruk samar drah. Bruk nan meda hu peih tabiak ngak dalam bilan 10 haong bilan 11 tal, iek tui bruk klauk vaccine. Japon daok dang anak mbang jit COVID-19 ka 5. Ban ine Tokyo haong rilo labik daok dalam bruk samar drah, tui kuhria tal harei 12/9 tal.

Yaok rabau urang Afghanistan meriak gauk di labik tapen neagr haong Pakistan, ba tal juak kateik angaok gauk, ngak brei 1 urang metai. Yaom lac Pakistan hu tabiak panuac lac oh taduan 1 urang tị nạn Afghanistan halei tra, min yaok rabau menuac Afghanistan jeng daok kham nduac tapa jalan tapen negar dalam dom harei jaik ini. Takik abih 5.000 urang Afghanistan oh brei tame Pakistan. Taliban brei thau, urang daok kham mertat patrun menuac tabiak truh Afghanistan saong dalam dom harei tal, bruk padang rajaei meda hu brei thau, daong pasiam dom bruk, dalam nan hu gam bruk tapen negar./.

Urang lang: Thu Thao – Ai Nghiem – 04/09 06:20:08