Lac sa urang daok di ban raya HCM lavik thun, saai Trâm Anh, gru pato sa sang bac mầm non di Quận 1 iek pandap mbang di jalan yau sa ilamu karei. Hu dom bui sambai biak đơn giản sa-ai pataom hu meng dom gánh hàng rong nan, gaok tuk lac dom pandap mbang kak kajap haong umo anek naih tal tuk praong, trưởng thành. Dalam dom harei lahe, saai bhian nao haong ayut piah mbang, piah thau dom hàng quán tapen jalan. Saai lac:

“Pandap mbang lingiu jalan lac sa ilamu karei, dahlak saneng oh lac urang ranaih bo biak ralo bhap bini ban raya jeng bhian randap saong bruk mbang huak lingiu jalan. Tuk drei yam tabiak truh sang di drei lac drei meda duah hu dom hàng quán biak randap saong mbiah saong kadung jien”.

Oh lac ndom labaih kurang tuk lac pandap mbang lingiu jalan hu biak ralo janih mboh biak pachreih khin mbang. Oh ka hu thei kuhria mboh ginup abih dom janih pandap mbang me-in di ban raya ini, kayua nyu hu ginuppandap mbang menyum di 3 bhum brak – kreih negar – meraong, lac dom pandap mbang di urang pablei dạo di yaok canah jalan. Ngan saong dom urang meng dom bhum palei mai ini padang mbang ngui, dom pandap mbang me-in di tapen jalan, dom hàng rong lac hương vị palei pala. Daok tuai damuai mai tal ban raya ini, meda nao tal  pandap mbang menyum lingiu jalan di dom dom labik kren randap yau cà phê bệt mblang bein 30-4, phố Ốc Vĩnh Khánh (Quận 4), labik mbang melam angaok jalan Nguyễn Thượng Hiền (Quận 3), bánh tráng trộn Hồ Con Rùa, Gánh bò bía anai Lý di jalan Đinh Tiên Hoàng (Quận 1).

Tui kuhria mboh di Sở Y tế ban raya Hồ Chí Minh, urak ini, ban raya hu 19.056 labik pablei salih pandap mbanglingiu jalan ngan saong 20.850 urang pablei. Bruk nan brei mboh, pablei salih pandap mbang lingiu jalan lac sa bruk ngak mbang duah jien di labik ini. Bruk ini hu daong ngak jeng janih biak karei dalam ilamu mbang huak. Saai Nguyễn Xuân Lý, sa hướng dẫn viên du lịch hu 20 thun bhian ba tuai negar langiu ndom lac:

 “Tuai damuai bhian caong hu mbang menyum di tapen jalan. Meyah rami ramik hu dom jalan piah pablei salih di tapen jalan ye biak gheih, yau drak pasar melam bo daok di tapen jalan”.

Gam saong bruk caong khin nan, saai Thu Trinh, po tiệm pablei bánh tráng trộn angaok jalan Nguyễn Bỉnh Khiêm (Quận 1) brei thau: meng 3 thun ini mai baoh sang di saai pagam pambak tame sruh radaih pablei bán tráng trộn lưu động ini. Yaok bilan, saai njauk bayar 3 triệu đồng pah labik sit di tapen jalan, duah jien biak glaih glar. Saai Trinh lac: 

“Meng harei quận 1 ramik veik trật tự vỉa hè ye pablei takik veik, daok meteh dahlau min. meyah hu rami ramik labik pablei tani tanat, ye biak siam”.

Bruk rami ramik veik trật tự lề đường, vỉa hè, padang jalan diuk rai văn minh đô thị di ban raya HCM dalam tukvak tapa hu ba mai ka ban raya mbaok meta barau. Min, yaok quán mbang tapen jalan, yaok gánh hàng rong kak kajap saong sa rai diuk, pambuak saong kinh tế di sa baoh sang, kayua yau nan ye karja ban raya daok kuhria ba hành quán vỉa hè saong gánh hàng rong tame dom jalan pablei salih pataom gauk. Anak meta, ban raya palih ruah jalan Nguyễn Văn Chiêm saong labik mblang bein Bách Tùng Diệp di Quận 1 piah ngak iek. Ong Trần Vĩnh Tuyến, Phaoak akaok Ủy ban bhap bini ban raya Hồ Chí Minh  brei thau:

 “Ban raya palih ruah  dom labik, dom jalan brei ka mikva pablei salih tui jalan văn minh, lịch sự. Jalan Nguyễn Văn Chiêm lac sa jalan nhánh, hu ralo văn phòng, ralo mblang bein, hu ralo labik giải khát di dom toàn nhà praong biak lagaih piah urang mai blei. Labik mblang bein Bách Tùng Diệp lagaih ka bhap bini, tuai du lịch”.

Jeng daok hu ralo suh sah lac bruk pataom gauk di dom jalan yau nan nyu daok khik hu đặc trưng quán sá vỉa hè, daok khik hu suan yava dalam dom gánh hàng rong. Bruk nan tukvak anak tal meng thau hu. Min anak meta, dom sarak, dom jalan ngak di ban raya HCM brei mboh hatai anit ranam, oh ngak lahik nao bruk ngak mbang duah jien di ralo menuac daok kan kandah saong takik ralo daok khik hu pandap mbang lingiu jalan meng kan mai ngak chreih chrai hatai menuac./.