Rilo labik pablei pandap ka urang hu panuac ieu blei nao sang 

Sở Jalan mbak Pajeng ba bal raya HCM hu ieu pandar dom jabat patui veik peih ngak asal kadha pacang caga jit COVID-19 tui tacei pato di dom pakat. Dalam nan, pajeng ba tuai damaui jalan radaih brei pabak tui bộ tiêu chí taong yaom bruk salamat ngan haong bruk jalan mbak pajeng ba.   

Tui nan, ieu urang peh radaih, urang duh bruk angaok radaih saong tuai nao  radaih brei ngak siam tui 5 paka di Mentri Y tế "Siuk pabang mbaok – rao tangin meng aia jru pametai anek ruak – dang atah di gauk – Oh pataom gauk – khan brei thau gah y tế". Abih di nyu lac, caik hatai tal bruk cuk siuk pabang mbaok ka nyu njauk, khai báo y tế saong rao tangin meng ia jru pametai anek ruak.

Radaih oh padeih, oh taduan mek saong trun tuai di labik hu jit tui harak khan brei thau di Mentri Y tế atau di jabat hu thẩm quyền. Di sang ga, bến radaih, tuai daok atah di gauk sa baoh kik. Ngan haong bruk pajeng ba meng radaih buýt, radaih hợp đồng (dalam nan hu gam radaih hợp đồng ala 9 labik hu pandar công nghệ pambuak haong tuai damuai), radaih pajeng tuai rivang ma-in, radaih taxi, radaih pajeng ba anek saih, sinh viên saong urang ngak bruk... oh brei pajeng tapa 50% pren pajeng, rami ramik brei ka tuai daok atah di gauk sa baoh kik atau brei daok atah di gauk 1m (oh pandar ka radaih hu meneng ndih saong pasiam veik kik daok brei ka nyu atah di gauk). Gam haong nan, pajeng oh rilo jang 30 urang angaok radaih, kuhria gam urang peih radaih, urang duh bruk angaok radaih.

Urang peih radaih, urang pamere ka tuai angaok radaih saong urang nao angaok radaih brei khai báo y tế. Pruh jru pametai anek ruak yaok harei ngan haong radaih, labik sang ga, bến radaih. Daok radaih buýt, radaih taxi... njauk pruh jru pametai anek ruak hadei di yaok mbang nao. Radaih hợp đồng ala 9 kik daok, njauk khik veik dữ liệu di urang nao angaok raih, labik tagok, trun... piah pabak brei tuk jabat hu thẩm quyền caong thau. Sở jalan mbak Pajeng ba bal raya jeng ieu pandar dom jabat pabak dịch vụ công nghệ angaok phone tangin pambuak bruk pablei salih pandap panda tapa mạng saong pajeng ba jao brei meng radaih patuh, urang peih radaih tuk halei jeng cuk siuk pabang mbaok, bhian rao tangin, dang atah di gauk 2m dalam tuk jao, mek. Peih bruk khai báo y tế, vak tame siphau bruk nao mai di drei yaok harei. Tuai damuai jeng ngak yau nan.

Ngan haong radaih kuan yau dahlau daih, UB bhap bani bal Thủ Đức, dom quận, huyện pathau khan kapul radaih kuan tự quản, nghiệp đoàn, ieu urang peih raih ngak njauk tui 5 paka di Mintri Y tế, oh pajeng dom urang ngak suan bruk pacang, caga jit. Dom jabat, manuac urang oh pajeng urang oh ngak njauk tui dom jalan pacang caga jit COVID-19, abih di nyu lac oh khai báo y tế, oh cuk siuk pabang mbaok ...

Oh pajeng menuac negar langiu tame negar drei suan adat hukum, khan brei jabat chức năng thau tuk mboh urang negar langiu tame taneh aia drei suan adat hukum di bal raya HCM. Tuk mboh urang ngak suan bruk pacang caga jit, samar drah khan brei ka tổng đài 1022 thau, dom jabat chức năng langyah.

Thanh tra Sở Pajeng ba bal raya pambuak bruk haong dom gah chức năng patagok bruk pasang iek, langyah catang dom urang ngak suan. Sở Jalan mbak Pajeng ba bal raya daok brei thau lac patagok jien taong phạt meng 5 triệu đồng tal 10 triệu đồng ngan haong bruk oh ngak njauk tui dom jalan pacang caga jit ruak njaom mbak tui tacei pato di dom jabat, kapul nyaom hu thẩm quyền./.

 Urang lang: Jasi -27/5