Piah padang thành phố thông minh, ban raya HCM ba tabiak 4 bruk ngak praong lac: Khik hu bruk patagok kinh tế, pamaong tal kinh tế tri thức, kinh tế số; Khik ramik đô thị siam lagaih tui jalan kuhria mboh dahlau, paglaong bruk diukrai, ngak bruk saong patagok bruk hu mbaok tame khik ramik di bhap bini. Piah ngak dom bruk nan, ban raya njauk jhul khang bruk  dui pachreih dom phun jien lingiu kadung jien karja, công nghiệp vi mạch, dom dịch vụ brei pah công nghệ thông tin… bo jalan ngak, sarak patagok ka ban raya bahrau hu Quốc hội brei tapa, hu maong lac pren khang piah samar jeng đô thị thông minh. Urang dang akaok karja ban raya brei thau, tuk halei jeng caik hatai tui pang, duah thau saong samar pabak dom caong khin di bhap bini, pabak dom tiện ích, dom dữ liệu daong ka bhap bini tabiak quyết định. Ong Nguyễn Thành Phong, Chủ tịch UBND TPHCM lac: " Dahlak mboh lac, hu sa siam lagaih biak praong di đô thị thông minh nan lac jhul kinh tế tagok di taong abih gah. Bruk padang  TPHCM  jeng đô thị thông minhhu maong lac pren khang piah jhul ban raya tagok glaong jang jalan meng kan nan lac pagam pambak tame phun jien saong urang ngak."

   Peih ngak dom kadha ini, TPHCM hu padang labik taduan mek dom panuac khan brei thau ka sự cố hạ tầng kỹ thuật đô thị (tapa đầu số 1022), padang pasak  tui iek saong điều khiển giao thông, dom danak dak khik ramik, thau hu asal ralo pabui, ngak iek bruk khik ramik an ninh trật tự v.v… Bahrau di abih, Sở Quy hoạch – Kiến trúc TPHCM hu ba tame pandar dom bản đồ quy hoạch pandar taneh (tỷ lệ 1/2000), định vị mblang taneh tapa  hệ thống GPS, palagaih ka bhap bini duah thau angaok mạng Internet saong phone tangin. Jeng tapa nan, bhap bini meda brei panuac ka bruk quy hoạch đô thị. Lingiu di nan, ban raya jeng hu peih ngak iek bruk sa pabah mbang liên thông điện tử dalam bruk brei adat padang sang danaok, tui iek saong điều khiển giao thông, brei thau ka bruk dauk ia piah bhap bini tame pambuak bruk..

Daok gah  an toàn thực phẩm, ong Nguyễn Trọng Hòa, Phó Giám đốc Sở Công thương TPHCM brei thau, tal urak ini gah công thương hu ngak bloh bruk duah thau hu asal ralo pabui dalam tuk daok pablei. Meng thun 2018, gah công thương TPHCM ba tabiak bruk thau hu asal di pabui meng tuk pabui menek tabiak: "Urak ini, taong abih ralo pabui duah thau hu asal di nyu di 2 darak đầu mối saong 23 darak meng kan, ngan saong 800 labik pablei ralo pabui saong1.600 labik pablei ralo menuk, di  TPHCM saog di taong abih dom tỉnh, ban gah meraong labik bo TPHCM hu pablei pandap."

TPHCM ba tabiak bruk ka taong abih 4 gah lac: karja, doanh nghiệp, tổ chức xã hội saong abih bol bhap rahra jeng hu mbang tui kein laba meng bruk pandar công nghệ. Tui nan, tal thun 2025, TPHCM cakrok patagok kinh tế glaong, khang kajap tapa pandar ngak siam dom phun jien, saong bhap bini lac pasak di đô thị. Bhap bini hu raidiuk siam, hu pabak brei siam saong meda hu mbaok tame bruk tui iek, khik ramik saong dak padang ban raya. Daok bruk khik iek an ninh trật tự, nhận dạng menuac saong radaih nao mai angaok jalan meng dom camera thông minh, Trung tướng Lê Đông Phong, Giám đốc Công an TPHCM brei thau lac hu dom siam lagaih: "Duh ka bruk di gah công an, camera nyu tacei tabiak hu dom radaih nao oh njauk. Nyu khan brei thau dom bruk rah tabiak oh lagaih di dom labik."

  Ong Nguyễn Thiện Nhân, Uỷ viên Bộ Chính trị, Bí thư Thành uỷ TPHCM, akaok mban tacei jalan đề án dak padang ban raya thông minh brei thau, piah hu sa ban raya thông minh ye karja, doanh nghiệp, bhap bini jeng thông minh. Ban raya brei kuhria mboh dahlau dom bruk, dom kadha meda rah tabiak. Ong Nguyễn Thiện Nhân tacei lac, dahlau di abih, dalam thun 2018, ban raya brei hu 1 cơ sở dữ liệu pandar haong gauk, padang pasak mô phỏng dự báo, pasak an toàn mạng saong psak tacei ba jalan jeng ye khu cơ sở hạ tầng:  "Ban raya brei hu sa cơ sở dữ liệu pandar haong gauk. Kadha nan oh thei ngak ta-eng bo ban raya njauk ngak bruk nan saong kol drei cập nhật bruk ini. Dom dữ liệu nan brei hu sa khóa piah truy cập ye hu, daok mek abih pok dữ liệu ye oh hu. Kayua thông tin lac pren khang di sa taneh ia, oh caik ka urang karei mek nao hu."

Salih bharau công nghiệp 4.0 di rilo gah lac jalan ngak praong, jalan peih tabiak piah padang ban raya thông minh. Bruk daok veik lac ngak yau habar, jalan nao yau halei, jien padai daok di labik halei… Kadha mbuan lagaih praong abih lac  TPHCM bahrau hu Quốc hội tabiak Sarak ka cơ chế chính sách đặc thù, lac labik pataom rilo nhân lực chất lượng, hu hạ tầng siam, lagaih… Min dom kan kandah di sa đô thị praong, di mô hình ba akaok nao dahlau, bruk nguồn lực đầu tư saong hatai sahneng di labaih 10 triệu menuac jeng lac dom paga pacang caik ka karja, doanh nghiệp, bhap bini ban raya njauk kham merat rilo jang./.