Bhap bini Ban raya HCM duah thau bruk ngak harak gar  trực tuyến

Ong  Phạm Thế Hiển daok di quận Bình Tân khin ngak harak ho so pablei salih, min salih ka bruk tame labik ngak bruk di karja ye ong tame blah website dịch vụ công trực tuyến di quận. Ong Hiển mboh lac, langiu di bruk mbuan lagaih ngak harak gar tapa mạng, ye dich vụ công trực tuyến daok hu daong ka bhap bini takik nao mai, takik nao tal labik rilo manuac dalam bilan jit ruak. Tok Hu sa baoh komputer hu tame mạng atau pandar ứng dụng angaok phone tangin lac meda langyah hu bruk: “Urak ini lac samar 4.0 ye, oh kayua hagiat bo drei daok la cih meng tangin, nao tangin sua urang ini urang diah. Nyu lagaih ralo, daok pak sang min ngak bruk hu oh cang tame tal labik ngak bruk di karja. Tapa nan nyu daong ka khol drei mboh sahanang hatai jang anak jit ruak.”

Di quận Bình Tân, labaih sa bilan ini mai, labik taduan saong bayar kết quả di quận mboh jua takik manuac jang dahlau. Urang mai ngak harak gal tapak trun meng 15% tal 20%. Bhap bini salih meng bruk nao ngak harak gar tapak tapa trực tuyến. Meng nan nyu trun takik harak hồ sơ meng ba-ar, takik mbang taom mbaok tapak di urang jakar saong bhap bini. Bruk nan ba mai rilo siam lagaih praong dalam pacang caga jit Covid-19.

Ong Lê Văn Thinh, Akok UB bhap bini quận Bình Tân brei thau, dom urang jakar di quận Bình Tân hu patagok bruk pathau khan, jak ba bhap bini pandar dom dịch vụ công trực tuyến. Urak ini, quận hu peih ngak 61 dịch vụ trực tuyến công pakat 3 saong 13 dịch vụ trực tuyến công pakat 4: “Dalam 2 bilan akok thun harak hồ sơ payua tapa trực tuyến tagok labaih 7% dut saong tukvak ini thun blaoh. Abih di nyu lac jalan sahaneng di bhap bini dalam pambuak bruk trực tuyến nyu tagok yau nan hu daong ka khol dahlak biak siam dalam bruk pacang jit ruak.”

Oh lac bhap bini, rilo urang chuyen gia saong urang jakar di Ban raya HCM jeng taong yaom glaong bruk pacang caga jit ruak meng jalan ngak bruk trực tuyến. Ong Bùi Thành Đức, urang jakar Sở Kế hoạch saong Đầu tư Ban raya HCM brei thau, dom mbang ginum biai di sở saong palei jeng hu patagok pandar tui jalan trực tuyền. Lingiu di nan, bruk peih ngak dịch vụ công trực tuyến, sa pabah mbang điện tử jeng hu ngak di jaik abih dom jabat karja di Ban raya HCM. Bruk ini oh lac paglaong siam klagaih di bruk pacang caga jit Covid-19 bo daok ba mbuan lagiah biak ralo ka bhap bini saong doanh nghiệp tuk ngak harak gal hành chính: “Piah lagaih jang ka doanh nghiep, oh nao mai ralo mbang saong takik taom gaok tapak ye Ban raya HCM hu peih ngak dom jalan daong tut angan ngak harak pablei salih di sang. Khol dahlak pataom tame  bruk taduan saong bayar harak hồ sơ tapa bưu điện.”

Luật sư Đỗ Trúc Lâm, Akok hãng luật Lâm Trí Việt - Kapol Luật sư Ban raya HCM ndom lac, njauk paragok bruk pathau khan ka bhap bini piah thau saong ngak tui bruk ngak harak gar tapa mạng, gam plaih hu bruk nhũng nhiễu meda mblo tabiak, gam rik daong trun takik kandah kandaiy, oh nao mai rilo mbang. Ini lac bruk njauk ngak dahlau dalam tuk negar jeng yau Ban raya HCM daok pataom tame khang piah pacang caga jit yau urak ini: “Bruk pataom rilo bhap bini tame ngak harak gal hồ sơ tapak di sa duk bilik  ngak bruk nan taom gaok jaik gauk, biak mbuan mbak ruak. Kayua Yau nan ye,  jhul khang bruk ngak harak gal hành chính trực tuyến ngak brei bruk pacang caga jit ruak hu siam.”

Bruk jhul khang pandar dịch vụ công trực tuyến oh lac pabak caong khin dalam tuk pacang caga jit Covid-19 bo daok ba mai rilo kein laba yau brei thau tantu, cambaih laih dalam langyah thủ tục hành chính, takik abih harak ba-ar piah ngak harak gar ho sơ, patak pataom hu jien khik piah. Langiu di bruk pathau khan pambak praong piah ka bhap bini thau hu jalan ngak, dom jabat karja di Ban raya HCM brei ngak njauk  ngak catang bruk ini meng urang dang akok, saong brei caik hatai sangka, buh jien tame ginup piah ba cong nghe birau tame pandar duh ka bhap bini hu siam di abih./.

Urang lang: A.Nghiêm 11/04/2020