Bhian di nyu, dalam song hadei di Tết Nguyên Đán, dom jit ruak jeng trun meneing . Min, jit ruak sởi daok tagok di TPHCM meng bilan 8/2018 tal urak ni jeng daok rah tabiak, oh ka mboh trun. Sa binah makna ngak ka ruak sởi tagok lac kayua bruk nduac tui “anti vắc-xin” di dom urang amaik ba tal bruk oh klauk jru pacang sởi ka anek, lac jalan njom bak ruak dalam bhap bini. Kadha vak di Kim Dung - urang vak di rayo sap ndom VN daok di ban roya HCM hu ndom tal bruk ni:
Hu mbaok di bilai Y tế phường Tân Thới Nhất, Quận 12 TPHCM di tuk mesup njauk di harei klauk jru, khol hulin mboh biak rilo amaik ame ba anek mai klauk jru pacang caga. Tuk hu sua tangi ka siam lagaih di bruk klauk jru , dom amaik ame jeng brei thau lac huac anek njauk rilo ruak yau nan ye ba nao klauk jru tui panuac ieu di dom y bác sĩ bilai y tế:
Anek hulin harei ni hu 10 bilan nan ye ba nao klauk caga sởi. Mehit lac jit sởi urak ni njom mbak biak rilo di dom tỉnh ban saong di Sài Gòn ni. Bruk klauk jru ka uranaih biak siam ka pren yava song bruk patagok di uranaih
Min, oh lac amaik ame halei jeng thau hu bruk klauk jru ginup ka anek di drei. Dut song dom harei karei ye urang ba nek nao klauk jru mbang ni di bilai y tế phường Tân Thới Nhất bahrau hu 1/4. Bác sĩ Trương Minh Thống Nhất, Akaok bilai y tế phường brei thau: Di phường jeng bahrau hu dom urang ruak sởi song 2 urang ruak lac 2 uranaih oh ka tal umo klauk jru pacang sởi (9 bilan).
Meng di akaok thun 2019, bilai y tế phường Tân Thới Nhất hu peih ngak jip bruk klauk vét sởi piah tỉ lệ klauk sởi dok pak ni hu 90 - 95%. Dom y bác sĩ gam gam kakei amaik ame ba anek tabiak bilai, cih vah cambaih laih dom mbang klauk hadei di nan, oh caik ka nyu kurang mbang klauk sởi hlai , abih di nyu nan lac dalam tuk sởi dok tagok yau urak ni. Dom bác sĩ jeng hu caik sa harei di dom sang bac piah peih bruk klauk vét chip pak nan, piah plaih bruk daa amaik ame min urang tavak bruk oh ba nek nao klauk. Daok dom uranaih oh hu nao bac, bác sĩ Nhất brei thau:
Bhap bini ye drei peih bruk klauk pak bhap bini, song hu harak daa urang mai klauk. Hu dom uranaih 9 bilan oh ka payua di sang bac, 12 bilan jeng yau nan, ye drei pambuak song ban điều hành khu phố, drei payua thông báo trun dom tổ trưởng , dom tổ trưởng khan ka dom tổ dân phố dom uranaih halei ginup 9 bilan oh ka klauk sởi hu payua harak tal sang piah klauk
Bruk klauk jru di bhap bini oh ka glong lac sa dalam dom makna ngak ka dom sang iek ruak uranaih tuk halei jeng quá tải dom mbang ruak sởi. Taeng di khoa Nhiễm – Thần kinh, sang iek ruak Nhi Đồng 1 TPHCM urak ni hu jiak 20 uranaih njauk sởi dok iek ruak, dalam nan hu rilo uranaih ruak trak, pambak tapa viêm phổi, aik chraoh. Kamuan Nguyễn Phát Đạt, 28 bilan njauk pandiak glong 3 harei bloh tagok boh ia, amaik di adei ba tame sang iek ruakNhi Đồng 1. Saai Trần Tú Linh, amaik di adei lac: meng di tuk adei hu 4 bilan tal ni, pang tui bruk “anti vắc xin” angaok mạng, saai oh brei ka adei klauk, huac adei mai sang lavang rilo jang. Kayua yau nan ye saai iek glang di sang, jang yau takik brei adei taom gaok urang karei piah plaih njom mbak ruak, min adei Đạt jeng oh klah njauk ruak sởi:
Meng tuk 4 bilan mbiah tal ni oh hu klauk. Kayua nyu ruak miat gam pandiak nan ye oh nao, bloh mai klauk ye abih jru, tal urak ni oh ka klauk, 2 mũi sởi oh ka klauk . Dok di sang iek glang anek , yaok harei mbang menyum ginup, oh ka nao bac amaik dok di sang khik. Harei deih mboh pandiak bloh ba nao sang iek ruak )
Bác sĩ Trương Hữu Khanh, Trưởng khoa Nhiễm – Thần kinh sang iek ruak Nhi đồng 1 TPHCM kakei lac: Vắc xin sởi lac janih vắc xin siam song kein lagaih biak glong, hu ngak tui công nghệ meng Nhật Bản. Meyah klauk takik di abih 2 mũi song klauk njauk tuk vak ye uranaih oh ruak sởi. Abih di nyu nan lac , dom uranaih klauk mũi sởi dịch vụ brei sangka klauk mũi 9 bilan, klauk veik mũi ka 2 njauk tuk vak, oh caik tal tuk 12 bilan meng klauk mũi 1, bloh cang tuk dom thun jeng klauk mũi hadei, lac tuk caik ka virus sởi njom tame. Daok Bruk klauk vét lac piah tagok bruk pabak vắc xin sởi, bác sĩ Khanh lac: Hu 2 labik meda pathau khan hu ka dom urang langiu di y tế dự phòng, sa lac sang bac, 2 lac sang iek ruak . Min bruk klauk vét ni brei pambuak bruk di gah y tế dự phòng song gah điều trị.
Urak ni ruak sởi di TPHCM dok rah tabiak rilo, meng akaok thun 2019 tal ni hu 978 mbang ruak sởi. Urak ni ruak sởi hu mbaok di taong abih 24 quận - huyện. Dalam tong abih dom mbang ruak sởi hu tal 95% lac oh ka klauk jru pacang vắc xin sởi. Tui kuhria mboh di dom chuyên gia y tế dự phòng, bruk ruak sởi dok tagok khang , di dom labik karei karei dalam song langiu negar jeng dok tagok urang ruak sởi. Piah pacang caga ruak sởi, urang njauk klauk jru vắc xin pacang ruak ; takik taom gaok urang mboh yau ruak jalan suak yava . Dom urang mboh yau ruak jalan suak yava gam tui meta meriak, atau tagok ban, abih di nyu lac urang kamei metain song urang oh ka klauk jru pacang ruak sởi njauk dok di sang takik taom gaok urang karei./.
Viết bình luận