Ban raya HCM : sa đô thi hadah hadai, barau, thong minh daok patagok

-Hadei di harei 30/4/1975, bhapbini Bei Gon-ban raya Hồ Chí Minh hu bruk salih barau, lac : Hòa bình-Tự do saong độc lập yasa. 42 thun tapa, nao tapa dom tukvak kan kandah, glaih glan, min meng hatai kham merat di sa ban raya Anh hùng, bhapbini ban raya Hồ Chí Minh tuk halei jeng thau jum pataom,sahneng duah, ngak bahrau, ba ban raya jeng labik dang akaok dalam taneh ia di rilo gah, dak harei dak padang sa đô thị bahrau, hadah hadai.  Kadha vak di Cao Thoa urang vak di rayo sap ndom VN daok di ban raya HCM hu ndom tal bruk ini :

         -Thiếu tướng Phan Khắc Hy, dahlau thiah ngak Phó tư lệnh Đoàn 559 – Bộ đội Trường Sơn jeng daok hadar cảm xúc di harei bilan 4 sajarah atah di ini 42 thun : jala harei 30/4/1975, ông saong rilo cánh quân daok mai tame Bei Gon ye mehit Tổng thống karja Bei Gon Dương Văn Minh đầu hàng bol lin giải phóng tapa radio. Taong abih gauk preo tagok, gam hia gam klao dalam bui sambai jayah. Hadei nan, ông saong đồng đội tame ngak bruk taduan mek Bei Gon: “Bhapbini tuk akaok mereip huac menaiy darah rilo. Kayua karja klak pachot lac cộng sản meda menaiy darah, min tal tuk mboh cộng sản biak salut but, bhapbini biak uan tabuan, jia tame, yau nan ye bruk tani tanat ban raya Bei Gon biak samal. Taong abih dom urang gah quân sự di dunya jeng iek praong”

         - Bei Gon hu khik tamo, oh tayah tayac hadei di mesruh metak. Sa raidiuk barau hu peih tabiak. Dalam mesruh metak, bhum taneh Bei Gon -Gia Định anh dũng yau habal ye dalam raidiuk barau jeng kham merat yam tapa kan kandah meng tinh thần nan. Đảng bộ, karja, bhapbini Bei Gon -ban raya Hồ Chí Minh hu dom jalan đột phá nao dahlau dalam taneh ia piah peih ngak cơ chế darak pasal, klak cơ chế tâp trung, quan liêu, bao cấp, ba kinh tế patagok. Labaih 30 thun salih barau, kinh tế ban raya urak ini patagok hu 8,05%. Sang kathaot tok daok jaik 110 rabau sang (meblah 5,72% dalam abih tih sang bhapbini di ban raya), tui bruk ba tabiak, dom sang kathaot meda trun daok 4,5% di puac thun 2017. Ban raya Hồ Chí Minh jeng lac sa dalam 5 ban njauk daok abih di Việt Nam. Amuk Nguyễn Thị Bé Tư daok di Quận 1 ndom lac :“Dom patagok di ban raya HCM biak khang. Cambaih laih ye dom ribaong yau ribaong Nhiêu Lộc, tapa rilo rai, dalam ban raya jeng daok hu dom baoh riabong neraik yau nan, min urak ini hu karja ban raya bo dom baok ribaong nerak hu salih jeng ribaong du lịch, ngak brei hadah hadai,  siam mekre đô thị”

-Karja ban raua Hồ Chí Minh daok padang ban raya jeng sa đô thị thông minh, sa karja kiến tạo. Yau nan ye, sa dalam dom jalan đột phá hu ba tabiak dang akaok ngak dahlau lac salih barau thủ tục hành chính, pandar công nghệ thông tin tame dak padang karja điện tử. Oh lac duh bhapbini, duh doanh nghiệp, đô thị thông minh jeng peih tabiak jalan padang mbang ngui ka rilo doanh nghiệp di ban raya, yau panuac ndom di ông Trần Vĩnh Tuyến, Phó akaok Ủy ban bhapbini banraya Hồ Chí Minh, lac: “Đô thị thông minh oh lac pamaong tal bruk duh bhapbini saong doanh nghiep bo nyu daok lac darak pasal biak praong piah doanh nghiệp padang mbang ngui. Dom doanh nghiệp gah công nghệ thông tin meda hu sa darak pasal piah trải nghiệm piah peih ngak saong ngak tabiak sa angan oh lac patagok dalam taneh ia bo meda ba angan di drei, dom công nghệ saong jalan ngak tabiak lingiu dunya”

Thun 2017, ban raya Hồ Chí Minh ba tabiak rilo bruk patagok kinh te, xa hoi, dalam nan tốc độ patagok tổng sản phẩm nội địa (GRDP) dalam ban raya hu  8,4%-8,7%. Gam saong nan lac khik caga an sinh xã hội ngan saong tỷ lệ thất nghiệp trun ala 4%; taneh sang daok kuhria yaok akaok menuac lac  18,37m2/sa urang; dak apdang 50 rabau doanh nghiệp di thun ini saong pamaong tal bruk ngak lac 500 rabau doanh nghiệp dalam thun 2020. Abih di nyu nan lac ban raya kham merat daok dalam angan 5 ban raya dang akaok di taneh ia ka bruk siam lagaih gah khik ramik saong hành chính công pakat tỉnh, chỉ số năng lực meriak gauk pakat tỉnh saong chỉ số salih bahrau hành chính. Piah ngak hu dom bruk nan, urang dang akaok ban raya sanya  kham merat duah jalan talaih dom tavak taviay ka thể chế, sarak piah ba mbuan lagaih ka ban raya patagok.

-Ban raya HCM daok mbeik drei piah yam tagok khang dalam bruk salih barau saong mbeik drei tame dunya. Dom bruk ngak ini, daok ngak jeng vóc dáng di sa ban raya thông minh, hiện đại, hadah hadai di taneh ia saong khu vực./.

Thúy Linh