Hu mai palei hong amaik ame, gauk gar-nan lac cong khin di dom urang ngak  atah palei dok ngak bruk di dom doanh nghiệp dalam ban raya HCM tuk  tết mai

       Thau hu dom cong khin ni,  Liên đoàn Lao động ban raya HCM jak ba hu  70% jien rik dong meng dom doanh nghiệp, song dom pakat  công đoàn dong  30%  piah alin brei  35.000 harak radaih anit ranam  brei ka urang ngak hu rai duik kan kandah, 3 thun gam oh ka hu nao palei mbang  tết.

Dom urang hu iek glang dalam tuk Tết 2019 lac urang đoàn, công nhân viên chức, urang ngak gaok bala tuk ngak bruk, boh sang duah hu jien takik, urang ngak di dom khu lưu trú, khu sang trọ hu palei gaok bala trak kayua langik tasik, ribuk ia sua atau hu duik, pasang, anek njauk ruak trak, dom urang ngak lihik bruk ngak kayua doanh nghiệp kan kandah. Lingiu di nan, urang đoàn dom  nghiệp đoàn radeih  kua, xích lô, pataom mek nerak, bốc xếp, urang ngak di dom đơn vị dịch vụ công ích... jeng hu iek glang.

Ong Kiều Ngọc Vũ, Phó Chủ tịch Liên đoàn Lao động ban raya HCM brei thau:

Bruk bahrau di thun ni, lac urang hu daong hu peih prong nan lac adei saai urang ngak di dom pakat  công đoàn, dom  đơn vị sự nghiệp langiu công lập, dom doanh nghiệp hu đóng phí công đoàn min oh ka hu tổ chức công đoàn. Dom pakat công đoàn kham merat pambuak bruk  song dom gah chức năng piah iek glang siam mekre ka dom urang ngak mbang Tết.

Piah daong ka urang ngak bui sambai mbang Tết Kỷ Hợi, Công đoàn mBan khik ramik  Khu chế xuất - Khu công nghiệp ban raya HCM (Hepza) pambuak bruk song dom doanh nghiệp nao rivang song alin brei  3.000 pok pandap ka urang ngak hu rai duik kan kandah oh mai palei mbang Tết hu, yaok pok pandap yaom 600 ribau đồng. Hepza song Liên đoàn Lao động dom quận, huyện peih dom danak dak  bui sambai Tết yau  papaok pei numg, bánh  chưng, ngak dhar mai dhar đào, pakacah doh tako  song brei  1.200 pok pandap ka urang ngak dok trọ oh nao palei mbang Tết, jak ba  doanh nghiệp dong 6.000 harak radeih  ka urang ngak nao palei.  Ong Huỳnh Văn Tuấn, Akaok  Công đoàn Hepza brei thau:

"Công đoàn khu hu jak ba labaih  600 adei  saai  công nhân, hu mbaok tame danak dak urang pal akaok mbang tết song urang ngak  di  Suối Tiên piah adei saai bui main, iek văn nghệ song main di  Suối Tiên, hu urang pal akaok brei pandap dalam liên hoan puac thun. Dom bruk ngak ni biak hu makna".

Oh lac hu mbaok song dom  công đoàn pakat angaok, bo công đoàn di dom  doanh nghiệp jeng hu jak ba đơn vị iek glang siam mekre Tết ka urang ngak. Ong Lưu Kim Hồng, Akaok công đoàn Công ty TNHH Nidec Việt Nam di  Khu công nghệ glong  Quận 9 brei thau: Công ty hu caga jien piah brei  3.450 pok pandap Tết yaom  250 đồng/sa pok ka  urang ngak, peih tiệc tất niên saong yaom jien jaik  600 triệu đồng. Jang yau rilo thun dahlau , công đoàn Công ty Nidec daok brei radeih ba  công nhân viên mai palei mbang Tết song pajeng mai ngak bruk veik, ngan song  dom menuac tui kuhria  lac 700 urang, abih tih yaom jien piah ngak lac labaih 1 tỷ đồng: 

Công ty peih bruk pajeng nao bloh taduan mai. Urang ngak hu sahanang hatai lac oh njauk  nhồi nhét, oh njauk ba tame dom  quán mbang huak yaom chit atau gaok bruk urang peih radeih jnuk pakao, atau taduan tuai rah tui jalan. Meng nan, bo urang ngak mai ngak bruk veik hadei di  Tết biak tani tanat.

Langiu di dom pakat công đoàn, Pasak dong dam dara urang ngak di  Thành Đoàn ban raya HCM jeng hu jak ba dom urang ngak pahla piah alin brei ka  1.500 dam dara urang ngak naih joi, hu rilo sahneng duah rik daong ka  đơn vị, tagok jang 1,5 mbang  dut song thun dahlau. Abih di nyu nan lac dong ka urang ngak di 7 tỉnh gah kreik negarbhian gaok bala kayua bala ia ndih ia sua

Dom harei puac thun, bruk di dom sang mac, xí nghiệp nyu jar var jang. Harei tết di urang ngak dok mai tal jiak jang, chreih chrai jang meng hu bruk iek glang dong di karja , kapul nyaom song dom urang ngak pahla./.