Dom urang lin kham merat pato ka dom adei thau panuac harak 

Ấp đảo Thiềng Liềng di xã Thạnh An, huyện Cần Giờ atah di pasak  ban raya HCM labaih  70km jalan radaih song nao mai meng gaiy  tasik labaih  7km jalan tasik dalam labaih 1 tuk. Angaok palao, dom boh sang duah jien meng bruk ngak sara song tong chap ikan sit sot. Rai duik kan kandah, nao mai atah bayah nan ye anek sit angaok palao oh hu yau dom ayut sahabat samu umo thun dok di boh taneh. 3 thun ini mai, meng tuk dom urang jakar, urang lin  Đồn Biên phòng Thạnh An, Bộ đội biên phòng ban raya HCM peih sa tal tin học công nghệ angaok palao ye rai duik mbang ngui di dom adei hu rilo salih bahrau. Balik sit jaik 10m2 tuk halei jeng bak sap klao. Dom adei sit di dom sang kan kathaot pak ni song dom tỉnh dok jiak tapen yau Tiền Giang, Bến Tre mai padang mbang ngui  ye tal bac jlac labik main sambai saong daong pambuak hatai khin pabak ilamu. Adei  Trần Thị Thúy Hằng, anek saih tiểu học angaok palao  hu mbaok tame tal bac ni  2 thun tapa brei thau, ngan saong adei, ini lac labik pabak ilamu saong dok lac boh sang ka  2 di drei hadei di tuk bac di sang bac: Labik ni bac sambai hu rilo ayut sahbat. Tuk daok saoh ye mai bac, gam bac haong gru, bac hong ayut song hu iek  phim, sambai main meng komputer)

Kayua angaok palao  Thiềng Liềng oh hu labik halei main sambai ka anek saih nan ye meng lavik mai, tal bac  komputer anit ranam tuk halei jeng hu dom adei duah tal main sambai hadei di dom tuk bac di tal bac. Abih di nyu nan lac, dalam tuk padeih bac kayua jit ruak  Covid-19, tal bac tuk halei jeng peih pambah mbang piah taduan dom adei hu bac tapak , dong ka dom adei pabak ilamu gam gam dalam tuk vak padeih bac oh tapa palao Thạnh An atau tame boh taneh. Adei  Đào Duy Đông Ngọt, anek saih sang bac  Trung học cơ sở Thạnh An khan  lac:  Tuk sit kol adei oh thau  Internet, meng di tuk hu tal bac  phổ cập tin học di  ấp Thiềng Liềng ni, dom adei sit yau adei ni hu thau internet, song meda thau hu rilo bruk langiu  xã hội. Adei bhian mai ni  piah iek video clip angaok  youtuber  kayua dom gru pato, bloh quay veik piah adei  pabak ilamu.

          Hadei di 3 thun peih tabiak, tal urak ni hu labaih  60 urang hu mbaok tame tal bac. Oh lac dui pachreih dom adei sit  bo dok hu mik va urang ngak sara , urang tong ikan prong thun  jeng hu mbaok tame piah bac, pandar  internet duah thau ilamu  song bruk ngak mbang ngak huak. Urak ni rilo urang bac, dalam nan hu urang tong ikan , urang ngak sara  angaok palao thau  pandar komputer; dom urang bac rilo meng hu bac salah  phổ cập tin học kayua Sang bac ĐH Tài Chính – Maketing TPHCM peih bruk pakacah  song brei chứng chỉ. Ong Trần Văn Bảy, sa urang daok di palao  Thiềng Liềng, huyện Cần Giờ brei thau: Ngan song urang prong tal bac ni lac biak kein . Urak ni công nghệ thông tin lac bruk oh kurang hu di yaok menuac urang. Tal bac ni hu peih patao  gam gam, palagaih ka mik va mai bac lac biak siam)

Meng bruk rik dong di dom urang ngak pahla, bruk sangka di urang pan akaok Bộ đội  Biên phòng TPHCM song karja pak ni, tal urak ni tal bac hu  labaih 15 baoh komputer song  laptop pabak ka bruk pato pakai song bac daa . Langiu di nan , dom  urang bac di tal bac dok hu labik bac, pandap bac siam mekre jang, hu jamriak bac sap Anh...

Meng hatung hatai di drei , dom urang pato lac dom urang lin bộ đội biên phòng kham merat yam tapa rilo kan kandah, khik tal bac, dong ka dom  uranaih song bhap bini palao Thiềng Liềng peih prong ilamu. Trung úy Đặng Thanh Bình, Akaok bilai pasang iek biên phòng Thiềng Liềng, huyện Cần Giờ, ban raya HCM lac:

Kol dahlak bhian peih tal bac di harei car song harei adit, anek saih rilo jang. Minb, bahrau hu 15 baoh kompute ye urak ni njauk peih jeng rilo var bac  piah dom adei pabak hu ilamu. Biak cong khin hu bruk dong di dom urang ngak pahla alin brei komputer piah peih prong tal bac komputer anit ranam  di  Thiềng Liềng.

Hatai anit ranam di dom urang ngak pahla, bruk halan hatain di dom gru bộ đội Biên phòng ban raya HCM hu rik dong patrun kan kandah dalam rai duik mbang ngui, pabak pren khang ka anek saih song bhap bini angaok palao. Meng tal bac anit ranam nan, urang hu pabak ilamu, patagok hatai khin  “par glong par tah ” angaok jalan bac megru , jeng dom rahra hu kein ka  xã hội./.

Urang lang: Hanipha- 3/3