Thun 2018 meda lac sa thun chreih chrai di dom doanh nghiệp TPHCM tuk bo bruk dalam taneh ia saong lingiu dunya hu rilokadha pambak tapak tal bruk sản xuất kinh doanh. Bahrau di abih lac Sarak 54 di Quốc hội ka ngak iek sarak brei ka TPHCM patagok hu jeng biak ngan saong rilo kadha njauk uan tabuan ka karja jeng ye doanh nghiệp. Việt Nam hu mbaok tame 17 Hiệp định thương mại tự do (FTA), dalam nan hu tal 10 hiệp định hu mbaoh tangin bloh saong hu hiệu lực, ba tal rilo mbuan lagaih jeng ye cuang kandah ka doanh nghiệp Việt, dalam nan hu dom doanh nghiệp di TPHCM. Gam saong dom sarak di rajaei, ban raya hu ba mbuan lagaih di abih ka gah pablei salih meng bruk salih bharau hành chính saong peih tabiak jalan piah hu mbaok tame chuỗi cung ứng toàn cầu, peih praong darak pasar ka pandap xuất khẩu. Urak ini, tapa dom hiệp hội, dom jabat chuyên ngành, TP daok hu daong ka dom doanh nghiệp darah samar thau hu dom cơ hội tuk Hiệp định pambuak bruk taong abih gah saong Tiến bộ xuyên Thái Bình Dương (CPTPP) hu ba tabiak pandar. Amuk Lý Kim Chi, Chủ tịch Hiệp hội Lương thực Thực phẩm TPHCM lac: 

Dahlak meda ndom lac, oh ka tuk halei kham merat salih bahrau hành chính yau urak ini. Meng di tuk caga hiệp định oh hu CP, tal urak ini hu pabak akhar haroh CP tame, ye ban raya hu maong mboh, hu jao ka Pasak daong mbeik drei tame, ka Viện roh duah kinh tế patagok saong thường trực jeng hu sangka ba thông tin tal doanh nghiệp. Kadha ini biak praong piah doanh nghiệp pagl;aong pren meriak gauk ka drei, ka yaok janih pandap karei di gauk.).

Dreih yau nan, dalam jaik 367.000 doanh nghiệp TPHCM, Hiệp hội doanh nghiệp TP thau lac, njauk kham merat pabak tal tanut glaong di abih dom bruk njauk thau, daong ka doanh nghiệp pambuak gauk, duah darak pasar, ngak tabiak pandap tui chuỗi piah patagok pren meriak gauk. Bruk praong, khang di doanh nghiệp lac biểu đồ di kinh tế ban raya. Thun 2018, TP ba tabiak bruk lac padang bahrau 46.000 doanh nghiệp saong padang hu bloh 44.126 doanh nghiệp. Ini lac sa dalam dua chỉ tiêu KT-XH ba TP oh ngak hu, min njauk caik hatai lac dalam nan hu 3.400 hộ kinh doanh cá thể salih angan. Maong tui jalan tích cực, ini lac sa kadha brei mboh bruk ngak mbang bài bản, quy củ, pabak hu bruk di tuk bahrau saong jeng brei mboh bruk praong, khang, paglaong pren ngak di doanh nghiệp. Ong Phạm Ngọc Hưng, Phó Chủ tịch Hiệp hội doanh nghiệp TPHCM lac: 

UBND TP hu ba tabiak sarak, danak dak daong doanh nghiệp mbeik drei yam tame. Kol,dahlak pambuak bruk haong gauk piah tham vấn sarak, ndom tabiak dom tavak tavaiy di doanh nghiệp saong pato pasram ka cho doanh nghiệp, cambaih laih di yaok gah yau habar, hu dom caong khin yau nan, ye dom  hiệp hội saong tổ chức karja njauk langyah darah samar.).

Thun 2018, TP mek jien tame kadung jien karja hu 369.621 tỷ đồng, bahrau hu 98,1% dự toán, dalam nan, thu nội địa 234.677 tỷ đồng, samu 91,6% dự toán. Yau nan, kuhria rah tapa, yaok harei, TPHCM mek tame kadung jien karja hu labaih 1.000 tỷ đồng, yaom jien ini nyu tagok tui yaok thun. Sa dalam dom makna ba tal bruk kan ngak hu chỉ tiêu thu ngân sách lac kayua thun ini TP hu jao dự toán biak glaong saong kayua rilo yếu tố khách quan pambak tal nguồn thu. Yau nan min, TP jeng thau lac, tuk halei jeng “gam haong taneh ia, kayua taneh ia”, taduan bruk ba akaok kinh tế di drei piah hu bruk quyết liệt saong jalan ngak lagaih jang. Thun 2019, TP hu brei bruk thu ngân sách jaik 400.000 tỷ đồng, tagok jang labaih 22.000 tỷ đồng dut saong thun 2018 saong TP jeng kham merat patagok kinh tế meng 8,3%- 8,5%. Yaok ngành, yaok lĩnh vực jeng hu dom bruk kuhria ngak, dom jalan ngak cambaih laih piah patagok jien mek tame, rik daong ka bruk cakrok, patagok. Piah dui pachreih 8,5 triệu tuai dunya dalam thun 2019, ong Bùi Tá Hoàng Vũ, Giám đốc Sở Du lịch TPHCM brei thau: 

TPHCM hu tal 80% tuai mai tui jalan kapal haoh. Lingiu di dom tuai mai tapak, ye ban raya daok lac sa labik trung chuyển. Gah du lịch ngak yau habar piah dui tuai trung chuyển ini daok veik takik di abih lac 1 melam, tui nan, tuai meda pandar dom dịch vụ.).

Thun 2019, dalam tuk hu rilo mbuan lagaih jeng ye kan kandah tavak tavaiy meblah tame gauk, TP pataom tame 10 bruk ngak praong, dalam nan hu bruk langyah dom bức xúc di bhap bini, patagok bruk sahneng duah, paglaong ilamu ngak bruk di urang jakar....Ủy viên Bộ Chính trị, Bí thư Thành ủy Nguyễn Thiện Nhân tacei lac: 

Sa kadha bo kol drei gaok tavak tavaiy meng livik mai lac jalan ngak bruk  brei mboh đặc thù quy mô praong, ilamu, pren ngak, trách nhiệm glaong ye hu NQ 54 langyah. Kadha ini, thun 2019 meng ba tame ngak biak, rik daong ka TP hu jalan cakrok patagok jang. Thun 2019 lac thun mek veik hatai jia di bhap bini, di dom labik halei, bruk halei kol drei oh ka ngak siam.).

Meda ndom lac, thun 2019 lac thun hu tính chất “nước rút”, hu makna biak praong, biak glaong. Bruk ngak hu di thun 2019 meda rik daong praong tame bruk cakrok, patagok kinh tế - xã hội di TP tukvak 2016– 2020. TPHCM tapa bloh thun 2018 ngan saong rilo bui sambai meng dom hagait ngak hu bloh saong maong iek nan lac takai gheng piah tui nan cakrok patagok, gam saong taneh ia saong brei ka taneh ia./.