# Ban raya HCM – Ban gah meraong dang akaok gah kinh tế saong sami samar abih di taneh ia, hadei di jaik 44 thun peih paha daok cak rok patagok.

Maong gilac veik thun nasak Asau 2018 meng blaoh, jalan patagok di Bna raya HCM oh mbuan lagaih, hu rilo kan kandah, tavak tavaiy. Kinh tế-xã hội; an ninh - trật tự jeng hu kan kandah, mbuan lagaih meblah gauk. Dom kadha ka bruk khik ramik taneh riya di Thủ Thiêm saong dom bruk ngak suan di rilo urang jakar ngak praong tapa dom thời kỳ ngak ka bhap bini haduh hatai. Dalam tuk bruk langyah radaih gar jalan oh ka truh; rilo dựa án hạ tầng xã hội jien buh tame ngak suai damuai ye bruk pacang ia dauk, padang ngak jalan hầm, jalan pasei angaok glaong saong rilo dự án jalan mbak praong karei daok gaok kan kandah…

 Yau nan min, meng bruk kham merat di taong abih gah chính trị, bruk sami samar, khang hatai dalam pan akaok, tacei pato, ba jalan, gam saong bruk ba gauk  lang yah drah samar dom tavak taviay mblo tabiak; thun 2018, Ban raya HCM ngak hu saong ngak labaih 17 tanut patagok kinh tế - xã hội praong. Ban raya angan Wa jeng daok khik kajap bruk cak rok patagok dang akaok gah kinh tế di taneh ia. Taong abih pandap ngak tabiak di ban raya hu labaih 1,33 trieu tỷ đồng, tagok 8,3%  duk saong thun 2017; Dalam nan, jien mek tame kadung jien karja hu jaik 400 ribau tỷ đồng, meblah jaik 28% jien mek tame kadung jien karja dalam taneh ia; jien buh tame ngak bruk xa hoi  hu 35%; dui pachreih phun jien urang negar langiu buh jien tame ngak mbang hu labaih 7,39 tỷ USD. Thun 2018 jeng lac thun Ban raya HCM hu tuai damuai negar langiu rilo di abih kuhria meng dahlau mai, ngan saong jaik 8 triệu mbang urang mai…

 Hadei di sa thun Quoc hoi tabiak Sarak 54 ka Cơ chế đặc thù brei Ban raya HCM, rilo jalan ngak, bruk ngak hu ba tabiak ngak meng pakat ban raya tal cơ sở. Bruk nan daok pabak prein khang saong hatai jia ka ban raya angan Wa cak rok patagok tabung glaong birau.

Thun 2019, Ban raya HCM daok peih ngak rilo jalan ngak, danak dak, dự án anak meta saong suai lavik; saong daok tui ngak dom quyết sách, dom bruk ngak tukvak katut panak, suai atah. Dalam nan, hu rilo danak dak, dự án birau, brei hu bruk daong prein yawa, sa hatung hatian oh lac di urang jakar, urang đảng saong saong karja bo daok lac taong abih bhap bini saong doanh nghiep.

Ngan saong kadha di thun 2019 lac “Thun salih birau gah hành chính”; Ban raya HCM oh lac daok jhul pakhang bruk dui katut panak veik tukvak langyah dom thủ tục hành chính saong iek nan lac jalan piah taong yaom bruk najuk hatai di bhap bini; bo daok peih ngak dom danak daka, dự án tui cơ chế đặc thù meng dom harei camereip, bilan akaok piah pamedeih tagok hatai caong khin ngak meda saong peih mbaok ka tukvak cak ro patagok. 

Thun 2019, Bna raya HCM ba tabiak 7 Danak dak đột phá, dalam nan njauk caik hatai tal bruk padang ngak bna raya jeng đô thị thông minh pambuak saong Khu đô thị sáng tạo; bo peih akaok ka bruk nan lac bruk duah dom urang naih joi tapa Giải thưởng Sáng tạo mbang akok meti. Ini lac giải thưởng hu peih ngak dua thun sa  mbang piah meyaom dom kapol nyaom, menuac urang hu dom jalan ngak, danak dak birau daong dom gah di raidiuk xa hoi, rik daong ba tabiak ka Ban raya HCM dom bruk meda peih ngak hu, ngak tabiak dom jak jeng birau ka bruk cak rok patagok khang kajap, samar ba ban raya jeng labik diuk rai siam, văn minh – salih birau- bak hatai anit ranam gauk.

Sang Landmark 81 glong abih di Việt Nam daok tapen kraong Ban Gòn hu padang ngak bloh saong ba tame pandar dalam thun 2018, maong meng atah yau sa boah tên lửa dahlau di tuk cuh tagok. Vil val nan saong rilo labik karei di Ban raya HCM; yaok rituh sang rilo tal glaong pakacah gauk tamuh tagok drah samar. Bruk ngak salah dahlau jang 2 thun bruk oh daok boah sang halei kan kathaot tukvak 2016 -2020, ngan saong jien mek tame glaong jaik 2 mbang tanur chuan kathaot di negar hu daong ka ban raya angan Wa hu pabak tame sa tanut siam.

Yau nan  min, oh njauk lac bruk hagiat pak  ini jeng mbuan, lagiah. Rilo urang jakar ngak prong njauk ba tabiak kaoh tui hukum kayua ngak suan dalam bruk khik iek taneh riya meng blaoh nan lac kadha siam dalam bruk pacang caga tham nhũng.  Min dom khut khat di nyu oh lac pasiam veik hu chip dalam dua klau harei. Jalan tàu điện METRO ka 1 angaok glaong meng Bến Thành di pasak quận 1 tal Suối Tiên, hadei di 13 thun peih ngak, sahaneng lac ginup jien nan lac salah. Min mbiah tal harei ini yau sa drei klan praong ndih pambu di pandiak riak di hajan. Danak dak praong pacang ia dauk ngan saong phun jien jaik 10.000 tỷ đồng hadei di padeih 9 bilan padeih ngak jeng oh ka hu ngak veik. Dalam tuk nan, dom urang, kaphon nyaom phản động saong kol kanjiak jhak tuik halei jeng duah jalan palai pajoa; pacuh pajarak bhap bini piah ngak srau kadau…

Mbuan lagaih praong, min cuang kandah jeng rilo. Kayua yau nan ye, yam tapa thun nasak pabui 2019, dom pakat đảng, karja, kapol nyaom saong taong abih bhap bini di Ban raya HCM njauk patui jalan ba gauk ndua naong saong pambuak gauk piah yam tagok gah anak. Hu yau nan, meng ngak hu dom chi tieu kinh te –xa hoi hu ba tabiak. Saong daok khik hu thaok binguk ban raya anagn Wa tuk halei jeng sami samar, ba akaok nao dahlau, siam mekre saong anit ranam ngan saong bhap bini dalam taneh ia jeng ye tuai dmuai di dunya./.