Dalam 2 melam 8 song 9/1, di pasak ban raya, Kapul 363 pakat 1 – Công an ban raya HCM hu mboh, pacang cakak rilo mbang tong gauk, khik piah phao ndao, pandar radeih patuh oh hu harak gar . Thượng tá Bùi Công Tú, Trung đoàn Phó Trung đoàn Cảnh sát Cơ động, Công an ban raya HCM brei thau:
Tuk nao ngak bruk ye gah Cảnh sát cơ động hu pabak ginup pandap chiến đấu. Tui bruk bo khol hulin hu jalan ngak karei di gauk. Anak meta lac jak ba, meyah urang ngak suan oh pang tui, ngak srau kadau ye khol hulin chap mek, khik caga siam mekre ka menuac saong ngak njauk adat hukum.)
Ngan saong công an TP, bruk pambuak gauk nao pasang iek lac bruk bhian randap song oh hu hagait bahrau, min piah pacang cakak kol tội phạm dalam tuk tabung glong Tết Nguyên Đán 2019 ye njauk tagok bruk pasang iek. Bruk pasang iek urak ni hu peih ngak luac harei melam, dalam nan biak sangka tal tuk vak meng 17tuk bier harei tal 4 tuk mesup . Tui nan, pasang pakat 1 hu 7 kapul , yaok kapul 12 cảnh sát, HU cảnh sát hình sự, cảnh sát giao thông, cảnh sát cơ động. Di pakat ni , yaok harei dom kapul hu labaih 250 urang jakar, chiến sỹ salih gauk ngak. Pakat 2 lac quận, huyện ba kapul pasang iek mai tuyến cơ sở. Kapul dom pakat oh lac chap mek, răn đe tội phạm bo dok pasang iek an toàn giao thông, langyah samar dom bruk rah tabiak. Trung tá Huỳnh Trung Phong, Trưởng phòng Cảnh sát giao thông jalan mbak song jalan pasei, lac:
(Dom bilan puac thun kayua bruk nao mai tagok glong, nao mai pablei salih pajeng ba pandap tết radeih peih nduac tagok glaong. Khol hulin hu jalan ngak siam jang piah pasiam veik dom labik pandiak, dom labik kan kandah, dom sự cố brei hu langyah drah samar piah palagaih ka bhap bini nao mai hu salamat dalam dom harei anak tal.)
Kapul 363 hu mbaok abih 3 gah tui tỷ lệ 3 cảnh sát cơ động, 6 cảnh sát hình sự song 3 cảnh sát giao thông gam sa tuk, patagok bruk pasang iek rilo jang dalam 9 harei tapa, chap mek hu rilo janih tội phạm, abih di nyu nan lac kol blah angaok jalan. Saai Nguyễn Văn Nam, sa bhap bini mboh lac:
(Hulin mboh bruk pambuak gauk pasang iek hu Công an ban raya ngak rilo ye.Min mbang ni biak siam, hulin sahaneng lac công an ban raya njauk khik suai lavik jang bruk ngak ini, dong ka bhap bini sahnang hatai jang tuk tabiak jalan, jhui ngak tui yaok mbang bloh bruk nyu yau krung.)
Meng harei padang tagok ngak mbiah tal ni, dom kapul 363 di Công an ban raya HCM hu duah mboh, pasang iek, jao xử lý 23 bruk, 47 urang nghi vấn, ngak suan hukum. Dalam nan, chap hu 2 ja blah, 2 ja co drap ar, 17 urang khik piah vũ khí thô sơ ... Taphia di nan, duah mboh 4 bruk, chap mek 7 urang brei mesraiy trak laba song 19 urang ngak srau kadau trật tự công cộng, palai pajoa drap ar, khik suan hukum janih ma túy. Langiu di nan, dom kapul 363 dok duah mboh langyah labaih 600 urang ngak suan trật tự an toàn giao thông. Bruk tabiak mbaok song pasang iek gam gam hu ba mai siam mekre tuk camereip lac pabak hu hatai khin di bhap bini lac dui trun hu dom janih tội phạm di tuk tabung glong tết thun ni. Min, rilo urang ndom lac kapul bahrau hu padang tagok nan ye gah menuac ngak bruk song bruk peih ngak, njauk gam gam ramik pasiam. Ndom ka bruk ni, Đại tá Nguyễn Sỹ Quang, Trưởng phòng Tham mưu– Urang brei panuac di Công an TPHCM brei thau
(Meda lac kapul 363 lac pasiam veik bruk pambuak gauk pasang iek. Bruk dui atah kapul khol hulin khik tal Tết Nguyên Đán. Hadei di nan khol hulin mong iek veik saong tong yaom piah thau siam lagaih yau habar piah ramik ngak veik. Meng ini tal tuk nan, khol hulin bac megru ilamu gam gam piah tapa yaok harei ngak bruk hu siam jang. Dok dom bruk karei, hulin meda ndom lac meyah mboh ngak suan ye njauk pasang iek dalam mbang ni.
Yaom lac bahrau padang tagok ngak oh ka suai lavik, min bhap bini ban raya sahnang hatai jang tuk mboh kapul 363 di angaok jalan , khik caga an ninh trật tự, ba mai siam mekre salamad. Bruk trấn áp, răn đe tội phạm di kapul 363 dom harei tapa, bhap bini cong khin, ni jmeda lac gah dang akaok dalam bruk trấn áp tội phạm angaok jalan tuk vak anak tal song brei hu sangka jang piah khik hu bruk ngak ini./.
Viết bình luận