Rilo urang ngak hu dong pandap panda dalam tuk jit ruak 

Dalam danak dak “Rahra tangi sua – Ban raya javap jalei” di melam 13/9, Phaok akaok UBND TP.HCM Lê Hòa Bình brei thau: TP brei padang 8 bộ tiêu chí salamat piah peih pabah mbang veik nền kinh tế. Bộ tiêu chí ini hu ngak salah  dahlau di harei 16/9, hadei di nan hu peih ngak iek di Quận 7, huyện Củ Chi haong huyện Cần Giờ; sahneng kuhria peih praong tabiak di labik chế xuất Tân Thuận (Quận 7) haong labik công nghệ cao (TP.Thủ Đức). Langiu di nan,  TP.HCM hu  11 danak dak daong ka doanh nghiệp, pambuak tal sarak patrun jien laba, dui atah tukvak bayar sraiy, bruk ngak harak gar…

UBND tỉnh Đồng Nai bahrau hu danak dak peih pabah mbang, pasiam veik bruk kinh tế - xã hội dalam tuk “siam mekre bahrau”. Mbang 1 meng harei 15/9 tal harei 15/10, Đồng Nai taong yaom bruk klauk vaccine saong bruk mbuan njaom mbak tui dom bhum piah peih pabah mbang "bhum hijao". Dom doanh nghiệp, sang ngak pandap, pablei salih pandap pandar yaok harei di “bhum hijao" hu adat brei ngak bruk min urang ngak brei klauk takik di abih lac sa mbang vaccine hu labaih 14 harei. Dom labik pablei pandap mbang brei pablei ba nao sang, bruk pablei salih saong tabiak jalan rah tabiak meng  mon 6 mesup tal mon 6 biar harei yaok harei. Mbang  2 lac meng harei 15/10, tui bruk di mbang 1 meda brei peih veik dom bruk ngak di dalam tỉnh, khik hu bruk pacang jit.

UBND tỉnh Ninh Thuận bahrau pok panuac tagok Thủ tướng Rajaei ka bruk salih 4.600 MW điện hạt nhân di tỉnh dalam Quy hoạch điện VII meng điện khí LNG dalam Quy hoạch điện VIII, vaktu 2021-2030. Meng nan ngak jalan piah ka tỉnh peih ngak dom danak dak điện khí LNG di pasak điện lực LNG Cà Ná. Ini meda lac prein pachreih ba khang saong ba tal bruk salih jalan ngak patagok kinh tế - xã hội di Ninh Thuận hadei di tuk hu sarak brei padeih padang ngak sang mac điện hạt nhân. UBND tỉnh jeng hu patabiak jalan peih ngak danak dak Pasak Điện lực LNG Cà Ná mbang 1, prein khang 1.500 MW.

UBND tỉnh Bình Thuận brei ba 450 rahra meng TP.HCM mai palei dalam mbang ka 5. Tui nna, dom menuac nao iek ruak saong urang tui iek menuac ruak di TP; anek saih, SV gaok kan kandah, oh hu gauk gar daok di  TP; urang gaok kan kandah, daok sa drei, urang kumei metian. Kapul tabiak meng mblang radaih Nam Phan Thiết mon 6 mesup harei 16/9 tal mblang radaih Miền Đông (klak) di TP.HCM. Hadei di tuk hu test samar COVID-19, rahra hu ba nao brei daok karei di palei drei daok.

Harei 15/9 tal, taong abih anek saih di tỉnh Bình Dương meda peih thun bac bahrau 2021-2022 saong bac online dalam bilan 9 haong bilan 10. Min tui yaok pataom, dalam tỉnh hu jaik 70.000 anek saih sang kan kandah oh hu komputer piah bac online. Gah pato megru tỉnh hu peih bruk ieu domurang jakar, công chức, viên chức dalam gah pato megru daong brei 1 harei jien bilan piah blei komputer brei ka anek saih sang kan kandah. Gam haong nan, hu tabiak panuac ieu dom jabat, kapul nyaom, urang ngak pahala rik daong. Urak ini mboh hu bruk daong camereip di dom labik. Gah pato megru tỉnh hu ngak bruk haong dom gah pabak jalan ba Internet  di dom labik hu rilo sang trọ, rilo urang ngak, daong palagaih ka anek bhik di urang ngak hu bac da-a.

Labaih 243 ribau uranaih di Mỹ hu dut iek mboh lac dương tính hong SARS-CoV-2, samu 30% dom urang njom COVID-19 di Mỹ dalam adit dahlau. Dom hiệp hội y khoa Mỹ brei thau bruk njom ruak trak kayua COVID-19 oh ka hu rilo di uranaih, min brei pataom mek  dữ liệu ka bruk kanjah jhak suai lavik di jit  ngan song umo thun ni. Tui pasang iek di mintri Y tế Israel, hu tal yaok ribau uranaih taneh ia ni hu tong thit abih ruak  COVID-19 min njauk dom ruak pagam tal glaow akaok yau kan ndih , kan sahneng kuhria... Dom ruak ni  meda tagok tui umo thun di uranaih.

Jabat y te Anh brei peih bruk klauk jru vaccine pacang COVID-19 samar chip ka uranaih umo meng 12 tal 15 thun, anak bruk haduh hatai ka dom menuac njom birau di Anh daok tagok rilo veik. Janih vaccine hu pandar lac di Pfizer. Tui kuhria, harei ini 14/9, Thủ tướng Anh Boris Johnson pathau khan di Hạ viện ka jalan pacang caga COVID-19 di bilan la-ar anak tal, dalam nan hu sa dalam dom kadha hu caik hatai rilo lac bruk brei pandar  “passport vaccine” yau rilo taneh ia di châu Âu ha-oh.

Hadei di tuk tuh tame grauk dom labik  di Philippines  adit dahlau song Đài Loan (Trung Quốc) di puac adit bloh , ribuk Chanthu meda daok veik di bhum tasik Thượng Hải, Trung Quốc mbiah tal harei 15/9. Labaih  330 rabau meuac di ban  Thượng Hải njauk panduan nao labik karei, karja brei klaak  150 mbang peih radaih buýt jalan atah, brei padeih dom bruk pajeng ba meng jalan tasik song jalan pasei. Tỉnh Giang Tô tabiak tanut cảnh báo sambo katam – tanut báo động glong ka 3 ka mbang ribuk Chanthu. Tui panuac khan di dom urang roh duah, hajan khang song ia sua jeng lac bruk kan kandah ka dom tỉnh Giang Tô song  Chiết Giang meng harei  13 – 15/9./.

Urang lang: Hanipha- Ái Nghiêm -14/9