Labik ngak bruk di Ban Thủ Đức

Thủ tướng Nguyễn Xuân Phúc birau brei padang Jabat Khoa học - Công nghệ di UB bhap bini Ban Thủ Đức. Bruk ini hu brei ngak tui panuac caong di Mentri Nội vụ saong TPHCM, tui pathau khan di Jabat Rajaei. Yau nan, Ban Thủ Đức lac labik ngak bruk pakat huyện dalam taneh ia hu Jabat Khoa học - Công nghệ, piah lagaih saong labik, bruk ngak lac pasak sahneng duah salih birau, pandar ilamu, cong nghe glaong anak tal.

Harei ni (10/3), Pasak pasang iek ruak kik tỉnh Bình Phước brei thau, 9 urang Trung Quốc tame Bình Phước suan hukum tapa dut iek mboh âm tính song SARS-CoV-2 song brei dok karei  tui hukum poacang jit Covid-19. Dahlau di nan, Đồn Biên phòng pambah mbang negar  Hoa Lư-Bộ đội biên phòng tỉnh Bình Phước jeng duah mboh, chap khik 5 urang  Trung Quốc tame Việt Nam suan hukum. Bruk nan dok hu Jabat  chức năng tỉnh Bình Phước daok duah thau.

  Công an tỉnh Đồng Nai birau peih bruk pasang iek 10 labik pabei salih saong vhap mek samar dom urang ngak bruk ka Công TNHH Pablei salih saong Dịch vụ Vân Trúc ka bruk pablei salih, xăng ja. Nan lac Lê Thanh Tú saong diuk lac Trần Thị Thanh Vân, daok di phường Linh Trung, ban Thủ Đức, TPHCM. Dom urang nan khan lac hu blei xăng ja baoh ba mai ngak veik, ba nao pablei di TPHCM, Đồng Nai, Bình Dương, Bình Phước...Kuhria rah tapa yaok harei labaih 500.000 lit xăng ja hu pabeli di darak pasar.

Công an tỉnh An Giang brei thau, Trần Trí Mãnh, Yam ndoc Công ty TNHH Gia Thịnh di ban Châu Đốc) njauk chap khik ka bruk ngak tabiak, pablei salih pandap ja prong. Tuk vak pasang iek, Mãnh taduan lac hu sa nyaom urang  pachot mek rilo  tỷ đồng piah "nduac" bruk ba Đại tá Đinh Văn Nơi, Yam ndoc  Công an tỉnh nao labik karei, piah palagaih ka bruk paleik saleik pablei salih. Hu thau, Nyaom urang nan tabiak yaom 20 tỷ đồng, ieu yar dahlau  10 tỷ đồng. Cang miet oh mboh hagait, Mãnh ndok veik jien ye hu bayar veik 7,4 tỷ đồng.

Hadei tuk padeih Tết Nguyên đán, urang nao tasik Mũi Né daok tame bilan taong chap ikan nguei. Yaom lac oh ka tal bilan ikan rilo, min dom mbang taong chap akaok thun mek hu biak rilo ikan. Sa urang nao tasik brei thau, dalam 5 harei taong chap jeng hu ikan, labaih 5 tấn  sa harei, kaoh blaoh jien buh tame ngak, laba hu jaik 300 trieu đồng. Langiu di bruk ba jien tame ka urang nao tasik, ikan nguei daok ba jien ka urang pablei iakn that saong bruk ngak ia mesir saong ngak rik thu.

Nga song Trung Quốc bahrau khan ka bruk padang trạm không gian angaok quỹ đạo ia bilan dalam tuk Moscow duah jalan mek veik  thaot binguk saman Liên Xô song Bắc Kinh jhul khang hatai khin langiu boh taneh. Tui nan, Jabat  vũ trụ Nga Roscomos hu mbaoh tangin sanya haong jabat khik ramik Không gian pakat negar Trung Quốc piah patagok sa "Kapul dom labik roh duah pasang iek hu ngak tabiak angaok mbaok atau angaok quỹ đạo di ia bilan". Dom urang ilamu  Trung Quốc ndom lac, ni med lac danak dak pambuak bruk  không gian dunya prong abih di  Trung Quốc meng dahlau mai.

Gah an ninh Myanmar tame sa labik sang daok di urang ngak gah jalan pasei di ban Yangon saong mboh yau khin cuh phao. Bruk oh pang tui hukum hadei mbang sraw kadau di bol lin di bilan dahlau, dalam nan hu dom mbang padeih ngak bruk di gilang pariak, sang mac, labik pablei salih. Tui LHQ, cảnh sát saong bol lin Myanmar ngak brei labaih 60 urang metai kuhria meng tuk hu bruk trun jalan cagar veik bol lin pajaleih karja hu rahra pilih ruah.

Cảnh sát Philippines cuh metai  Thị trưởng Catbalogan Aquino song 2  phụ tá di ong hadei di tuk 2 gah cuh meluh gauk". Bruk nan rah tabiak di biar harei 8/3, tuk gah an ninh di Thị trưởng Ronaldo Aquino cuh phao tame cảnh sát pasang iek labik tỉnh Samar. Thị trưởng Aquino tuk nan dok angaok radeih peih gah anak. Dom urang cảnh sát cuh phao veik, ngak ka Thị trưởng Aquino song 2 phụ tá metai. Dalam tuk nan, gah an ninh di Thị trưởng jeng cuh metai 2  cảnh sát./.

Urang lang: A.Nghiem - H.Pha  10/3/2021  15:35:03