ban xuan di jih dahlah urang Cam   

**** 

Pathau mikva saong grauk yut !Hadei di jaik sa thun peih ngak danakdak “pataom iek , roh duah, pasiam veik saong pato tacei bingu la mengkan di urang Cam” kayua kadung jien daong khik ramik ilimo mengkan di pasak klah rabha pato megru saong Việt Nam (CEEVN) daong, tal urak ini, palei menyim khan bai Cam Mỹ Nghiệp ( Cakleng), tỉnh Ninh Thuân hu duah pataom, pasiam veik saong patagok hu dom janih bingu klak Cam likhik meng lavik mai. Taphia di nan, padang hu dom nghệ nhân ranaih umo naih joi. Ban pataih ini, sambo màu di bingu la Cam daok hadah tagok meng plak tangin gheih ngak di dom nghệ nhân ranaih umo. Kadha vak di Thúy Linh – urang vak di rayo sap ndom VN daok di ban raya HCM :  

Bingu la jih dahlah di urang Cam mengkan biak gheih mekre, brei mboh rilo thaot binguk ka lingik tasik, bruk ngak mbang ngak huak, adat cambat tanarakun saong agama di urang Cam. Min urak ini, dom nghệ nhân daok taha nao saong dak harei dak lihik nao, min oh ka hu dom urang ranaih umo bac megru ngak tui. Dom nghe nhan thau ngak bingu la mengkan daok biak takik. Di palei Mỹ Nghiệp (Cakleng ) tok daok 5 urang lac nghe nhan thau rilo janih bingu la. Hadei di tuk amuk Phú Thị Mỡ metai blaoh, dom urang karei daok ruak kayua thun taha pren yava takik ye palei tok daok dua nghe nhan thau ngak dom bingu mengkan. Yau nan, dom bingu mengkan maong biak mekre, biak gheih meta daok lihik nao.  

Danakdak ndom angaok nan lac piah khik ramik saong patagok dom janih bingu klak di urang Cam. Tuk camereip peih ngak danakdak, dom urang dalam kapul duah pataom hu 95 bingu hu maong lac daok lihik nao di dom palei Cam. Dalam nan, hu 65 mẫu bingu kayua ông Quảng Văn Đại, daok di palei Cam Boh Na (Chất Thường), xã Phước Hậu, huyện Ninh Phước duah, pataom. Dalam nan, hu dom mẫu bingu takik urang Cam daok thau tal. Ông Đại brei thau : Dahlak brei ka palei Cakleng nyim dom mau bingu la mengkan lac kayua urak ini di Cakleng, mikva daok kham merat pasiam veik saong njauk hatai takre di kol dahlak. Yau nan ye dahlak brei ka di nan nyim dom mau bingu la mangken, dahlak mboh meyah mikva phuc che hu lac biak quy" 

Gam saong bruk duah pataom saong pasiam veik bingu mengkan Cam piah ba tame menyim, kapul ngak danakdak daok peih tal pato ngak bingu klak ka 12 urang. Dom urang bac hu dom nghe nhan pato dom alamu ngak bingu, makna di yaok janih bingu saong alamu menyim. Urak ini, dom urang bac cih hu dom bingu mengkan pambuak tal raidiuk yaok harei dahlau deih daok lihik nao. Nghệ nhân Vạn Thị Thảng – urang pato tapak alamu ngak bingu khan bai Cam Mỹ Nghiệp brei thau, amuk kham merat pato abih dom hagaiyt bo drei thau ka dom rairah ranaih umo, ngan saong hatai caong khin khik ramik saong patagok bruk ngak mengkan di palei. Amuk Thảng lac : " Dom nghe nhan mengkan biak naih joi, urak ini kol dahlak daok kham merat ramik psiam veik dom bingu la mengkan, duah rilo mau mengkan, alamu sac sao piah pato veik ka dom rahra hadei

Urak ini, langiu dom janih bingu la mengkan daok hu pandar rilo, nghệ nhân palei ngak gam saong  Hợp tác xã palei menyim khan bai Mỹ Nghiệp hu pabak tame 22 janih bingu mengkan Cam gheih meta barau ramik pasiam hu thiết kế ba tame dom janih pandap barau. Taphia di nan, dom janih pandap barau ini hu pablei, parang iek di sang parang iek pandap di Hợp tác xã palei ngak piah yaih khan tal tuai du lich dalam saong langiu taneh ia tuk mai ravang mein di palei ilamu Mỹ Nghiệp.  Saai  Phú Tuệ Năng – Phó chủ nhiệm danakdak “pataom iek, roh duah, pasiam veik saong pato tacei bingu mengkan di urang Cam” brei thau : " Oh ka duah mboh abih, min meng dom hagaiyt ngak hu lac harei hadei ini meda daong ka mikva di dom labik caong khin, atau oh ka ngak hu dom bingu la mengkan ini meda mai megru. Ka dua lac pasiam veik dom bingu la ini ba tame menyim....

Sa ban pataih barau mai veik, palei menyim khan bai Cam mengkan Mỹ Nghiệp daok chreih chrai jang dalam sap menyim; dom kumei dara Cam daok pakacah gauk menyim, brei mboh bruk gheih ghang di dua plak tangin menyim, ngak jeng dom blah khan bai hu rilo sambo màu, bingu la, ba mai sa ban xuân karei di palei menyim jih dahlah Mỹ Nghiệp.