Tu bánh mì ngak pahla di sang amuk Khưu Thị Cúc, urang bo mik va labik ni bhian ieu meng angan anit ranam lac anai Lan, hu meng dom harei akaok thun 2016 ni. Biak di nyu, bruk ngak pahla oh xa lạ hagait song urang Bai Gon. Meng dom quan lisei xã hội yaom 2.000 tal 5000 đống tal dom bình ia te di tapen jalan lac thaot binguk hu mboh rilo, min bánh mì brei saoh yaok rituh ổ yaok harei ye meda lac ini labik akaok meti. Amuk Phạm Thị Bé Hai ngak lao công, yaok harei nao takai tapa jalan ni piah tal labik ngak. Amuk brei thau tuk camereip mboh tatuak drei, oh thau urang brei saoh atau hu bruk hagait kandauk dalam halei oh, bloh mboh rilo urang vaih tame mek nan ye min khang hatai likau sa ổ. Muk lac:

Hulin mboh bruk ngak ni di muk po biak siam, oh hu kandauk dalam hagait. Yaom lac sa ổ bánh mì, min dong ka dom urang kan kathaot, urang langiu jalan…

Atah di ni 30 thun, muk Khưu Thị Cúc song pasang likei padang Công ty TNHH hóa mỹ phẩm Xuân Lan. Bruk ngak mbang hu tani tanat jeng lac tuk muk ngak pahla. Meng dom mbang nao alin brei pandap ka urang ruak di sang iek ruak Ung bướu tal bruk brei khan aow, pandap mbang ka urang kan di dom baha, amuk jeng kham merat hu mbaok. Nao rivang song brei pandap ka urang ruak ung bướu, amuk peih ngak yaok bilan 4 mbang. Daok bruk brei bánh mì, yaok harei muk blei 150 ổ, dom harei chay yau rằm, harei sa bingun sa ka ia bilan hu tuk tagok tal 300 ổ. Piah ka bánh mì nyu pandiak bingi, muk kakei labik ngak bánh mì yaok mbang jao dom pluh atau rilo di abih nan lac 100 ổ, abih ye pabak tame. Meda lac bruk ngak pahla lac bruk bui sambai di muk.

Hatai di anai lac khin ngak suia lavik, mbiah tal tuk halei anai oh ngak truh meng padeih. Anai jeng prong thun ye ngak bruk ni hu dom pluh thun ye, oh lac bahrau ni, min anai oh sahaneng tal bruk yaik khan angan je, caong klah rabha song mik va, mik va sambai lac anai bui hatai. Anai pandar cai kali kalih hasit piah klah rabha song mik va   

          Bruk ngak pahla di muk Cúc hu tong abih urang dalam sang nan lac pasang, anek song dom taco abih drei pachreih tui. Taco sit di amuk daok bac tal 6, adei Trương Công Định, jeng thau hu makna di bruk ngak siam mekre di muk, nan ye hadei di tuk bac, adei bhian hu mbaok rami ramik pandap ka yaok mbang nao ngak pahla, tabiak jalan dang kakei dom urang vah tame mek bánh mì habar ka nyu siam mekre, văn minh, trật tự:

Anek mboh bui sambai lô kayau amaik song muk di anek hu pataom sa pok jien prong piah dong ka dom urang kan kathaot. Anek khin patui bruk ngak pahla piah ka dom urang kan kandah hu trei sil.

Hoàng Ngân, sa  sinh viên meng miền Tây tagok Bei Gon bac ndom lac

          Meng tuk hu ổ bánh mì di anai dong hu ka rilo urang kan kandah oh hu jien mbang panal. Adei cong khin lac, bruk ni hu peih prong grauk Bei Gon, brei mboh hatai siam di urang Bei Gon dong ka dom urang kan kandah.

          Jeng yau amaik di drei, saai Xuân Lan tuk camereip oh khin ndom hagait tal bruk  ngak pahla di sang drei. Saai lac, oh prong naih hagait, lac dom ổ bánh mì min. Bo, lac dom ổ bánh mì min tantu dom urang taduan hu ổ bánh mì pahe bingi bak hatai anit ranam meng tu bánh mì pahla di sang muk Cúc mboh biak bui sambai kayua di ban roya đô hội, bak menuac sia jeng daok hu bak hatung hatian siam mekre di anek menuac./.