-Mbaok glaih glan, suak yava yếu, kan si ndom tabiak sap, angaok rup pabhap hu rilo vết loang lổ, amuk Trương Thị Lởi (52 thun daok di xã Đông Quang, Gia Lộc, Hải Dương) lac urang gaok ruak Hemophilia trak ngan saong jien iek ruak tagok tal 01 tỷ đồng hu Kadung jien BHYT bayan brei abih. Anek kumei di urang ruak Trương Thị Lởi khan lac: Tuk amaik dahlak ruak, dahlak saong adei sa-ai dalam sang drah samal ba amaik nao tame sang iek ruak. Lingik yau jaleih ala takai tuk sang dahlak mehit lac amaik dahlak njauk ruak Hemophilia. Yaom jien iek ruak ini tuk pang mehit bloh tangin takai lamin lamuac abih kayua lac sang ngak nong, li-ua luac thun meng hu dom tấn padai, jien triệu oh ka sahaneng tal ndom hagait tal ratuh triệu, jien tỷ. Patuah bác sỹ ndom lac ruak di amaik dahlak meyah hu thẻ BHYT meda hu bayan jien iek ruak. Amaik dahlak tame iek ruak meng puac thun 2013, meng nan tal urak ini nao iek ruak 4 - 5 mbang. Dom mbang iek ruak dahlau jien tagok tal 700 - 800 triệu đồng, mbang ini tagok tal 01 tỷ đồng, jeng hu  Kadung jien BHYT bayan abih. Meyah oh hu thẻ BHYT, sang dahlak oh thau yau habar, nan ye dahlak tuk halei jeng caik dalam hatian lac, sarak BHYT biak nhân văn, siam mekre saong ba mai “hi vọng sống” ka dom urang ruak kan kathoat.

-Ndih taphia urang ruak Trương Thị Lởi lac adei Hướng Hải Ảnh (12 thun, daok di palei Yên Dũng, Bắc Giang, urak ini daok di Sài Đồng, Long Biên, Hà Nội) njauk ruak Hemophilia ralai darah meng tuk menek tabiak. Thun adei 6 thun, adei gaok xuất huyết não saong biến chứng bại não oh nao mai hu. Daok dalam umo thun nao bac yau dom uraniah karei, yau nan min bruk hồn nhiên, ngây thơ njauk salih meng bruk pandik harao hadei di yaok mbang iek ruak; dom duh hatai di ame, ia meta di amaik saong bruk nhẫn nại di amuk nội Bùi Thị Bình (64 thun ) tui taco nao iek ruak meng tuk daok sit. Urang ayut nao gam piah adei sahanang hatai iek ruak lac blah thẻ BHYT, ngan saong jien bayan brei abih mbong. Amuk Bùi Thị Bình drut drui ndom lac, sarak BHYT biak siam saong lac pren khang daong ka urang ruak iek ruak, trun biak rilo jien, ba mai “hy vọng sống” ka rilo urang ruak libik ini.

-Daok dalam tukvak ngak bruk, ia hauk bak angaok thei, nao tal yaok baoh laneng tangi sua, ravang iek pren yava urang ruak, ThS.Nguyễn Thị Mai, akaok pasak iek ruak Hemophilia brei thau, ruak Hemophilia lac sa rối loạn di hệ thống đông máu, ngak brei nduac darah dui atah saong ruak ini nyu nao tui urang ruak luac rai. Iek ruak Hemophilia biak suai livik saong jien abih biak rilo, meng 400 - 500 triệu đồng/sa thun sa urang ruak, meyah urang ruak trak meda tagok tal jien tỷ saong urang ruak njauk iek ruak luac rai. Nan lac yaom jien oh sit ngan saong urang oh kathaot min meyah blei BHYT urang ruak meda hu daong bayan brei meng 80%-100%. Kayua yau nan ye, ThS.Nguyễn Thị Mai kakei, blei BHYT yaok thun lac jalan daong biak siam ka bhapbini, yaok urang jhui kayua chủ quan atau damen dom ratuh rabau đồng yaok thun blaoh tuk njauk ruak meng aih oh saong gaok tuk mai njauk klaak tapa bruk iek ruak ka rup drei atau ka gauk gar di drei kayua oh ginup jien bayan.

-Tui Thông tư ka 02/2017/TT-BYT di mintri Y tế, meng harei 01/06/2017, kuhria yaom viện phí barau ka labaih 1.900 dịch vụ y tế ka dom menuac urang oh hu BHYT. Ini lac yaom hu pandar ka menuac urang hu BHYT meng thun 2016. Bruk karei gauk di labik lac, urang hu BHYT ye hu Kadung jien BHYT bayan meng 80 - 100% viện phí tui menuac urang. Dalam tuk nan, urang oh hu thẻ BHYT njauk buh jien kadung tabiak bayan viện phí ngan saong rilo dịch vụ hu yaom jien meng dom pluh triệu tal yaok ratuh triệu đồng.

-Anak tal, piah paglaong siam mekre bruk patagok urang blei BHYT, BHXH Việt Nam daok pambuak bruk saong dom mintri, dom nganh saong dom puk palei patagok bruk pasang iek ngak tui adat hukum gah BHXH, BHYT, BHTN; saong brei jhul khang bruk peih ngak, pandar công nghệ thông tin tame langyah nghiệp vụ BHXH, BHYT, BHTN; patagok bruk pato pakai, pasram paglaong ilamu ngak bruk, duah pataom, pathau khan sarak, jak ba bhapbini blei BHYT tui jalan chuyên nghiệp; pasiam abih cơ sở dữ liệu sang blei BHYT, peih bruk brei mã định danh ka urang blei BHXH, BHYT…/.