“Hòa siêu nhân akaok prong” bak hatai khang yam tagok dalam rai diuk 

Tuk daok sit sa-ai Hòa daok dalam melau, huac kayua rup thaik karei jang menuac urang. Jalan brei mboh yaom glaong di rup drei tabiak meng bruk joa kandang mesruh haong baoh sang piah bac akhar haroh. Oh ka mbang halei hu nao tal sang bac, sa-ai njauk loa bac, kayua amaik ame di sa-ai tok saneng lac “bac blaoh jeng ndih sa kieng dalam sang ye bac piah ngak hagait!”. Melam mai tuk abih gauk dalam sang tame ndih abih ye sa drei sa-ai daok pathram vak.

Sa-ai Hòa mboh hatai caong khin ngak bruk pah hala di tuk tết thun 2015, tuk hu taom gaok sa uranaih umo 13 thun njauk liệt glaow akaok, diuk oh daok thau hagait. Mboh adei luan yaok hanoi aia bhu bo oh thau hagait, sa-ai ranam rilo bo oh thau ngak habar. Ba mbao lì xì nyim ayut di drei payua ka baoh sang di uranaih kamei nan, kakei lac juai brei thau angan, blaoh sa-ai nao sang. Rup binguk di adei kamei sit nan nyu daok dalam sa-ai dom harei gam: “dalam dunya ini daok hu rilo menuac oh patuah jang drei!”. Tapa nan sa-ai Hòa mboh oh daok melau, oh daok huac, blaoh khang hatai yam tabiak truh jalan sahneng di puk palei

Dalam dom harei padeih puac adit, sa-ai nyim ayut sahabat pajeng nao rah dalam xã, dalam huyện rivang sang ini, nao tal jabat diah. Rilo tuk mboh sa-ai mai, manuac urang daok medhil lac sa-ai nao likau jien, oh thei saneng tal anai kamei sit sot ini daok nao pasang iek, duah thau ka nyu cambaih laih, piah hu panuac ieu manuac sia ba gauk tame daong ka dom urang gaok kan kandah.

Sa-ai ndom lac: “drei oh hu rilo jien piah daong ka urang karei yau hatai caong khin, min drei meda dang tabiak jak ba urang ngak pahla dalam bol bhap rah ra. Hu menuac, drei daong jien padai oh samu daong ka urang pakhang hatai jia tame raidiuk. Hu dom urang, abih di nyu lac dom urang jaoh jo, biak caong khin min biak melau, biak huac tuk ba drei tame rai diuk. Drei caong khin ngak brei dom urang nan mboh chreih chrai dalam raidiuk”.

Manuac sia bhian mong mboh sa-ai Hòa tuk hu pok angaok tangin, tuk daok angaok sruh radaih galun, meng labik ini tapa labik diah, oh kuhria hagait tal pandiak hajan. Mahit thei lac urang jaoh jo caong khin daong atau urang taha daok sa drei, adei sit ruak hakik pandik harao metui medar, sa-ai kanar hadar blaoh nyim ayut sahabat pajeng ba nao tal labik piah duah thau. Thau cambaih yaok uruang, sa-ai Hòa quay clip, thaot binguk blaoh ba tagok blah Facebook di drei jak ba manuac sia daong. Takik thei nao likau dom janih pandap yau panyin, jaluk, bình sữa, brah, sa-ra, gaok glah, khan ao, phui methram… yau sa-ai. Kayua lac hu nao tal labik, mong mboh anak meta dom kamuan kurang ia tasau, 3 amuk taco rabha gauk sa pok mì tôm caik dalam baoh jaluk mbaih, meng thau cambaih sa-ai Hòa nao likau dom pandap klaak nan, yau rilo urang bhian saneng, piah ngak hagait.

Sa urang khang kadang nao ngak bruk pahla daok gaok kan kandah, ngan haong rup thaik sit sot, jaoh jo yau sa-ai Hòa, ye cuang kandah daok hu rilo jang. Min kan kandah prong abih di sa-ai oh njauk lac kan kandah dalam bruk nao mai bo mai meng bruk huac kanda di rilo urang. Sa-ai njauk sa-neng biak rilo, yam tapa mặc cảm anak dom meta mong iek lap, ndom pandik pandoa, gaok mai daok njauk dom panuac ndom oh siam. Meng hatai hatai siam di drei, sa-ai Hòa hu ngak ka ayut sahabat, urang randap  saong oh randap mboh megei hatai, jia tui, daong brei tuk sa-ai pok sap iew daong. Tapa blah Facebook di sa-ai, rilo urang kan kandah hu bol bhap rahra angaok mạng sangka, brei pandap panda, padai brah, jien ndo, hu gam sa baoh sang anit ranam daok hu padang ngak, caga pok brei ka sang amuk Hoàng Thị Sánh (83 thun, daok di palei 1, xã Kiến Quốc, Kiến Thụy, Hải Phòng). Amuk Sánh hu dua urang anek likei ruak gila, anek kamei jeng dreih yau nan.

Jit Covid dui atah ngak kan kandah oh sit tal labik ngak thaot, rup cih di sa-ai Hòa saong dom ayut. Hatai caong khin padang sa pasak ka urang jaoh jo hu bac ilamo, bac bruk ngak angaok bhum palei di drei jeng oh ka ngak hu. Bruk bo sa-ai Nguyễn Thị Hòa caong khin di abih tuk ini lac “ruak sit baoh hatai, hẹp phổi juai tamuh khang, piah ngak hu rilo jang dom bruk ngak pahla brei ka dom urang hu rai diuk oh patuah jang drei./.

Urang lang: Jasi – 19/10