Mai rivang palei Rằng Rụng, xã Kéo Yên, Hà Quảng, tỉnh Cao Bằng, dalam dom harei tabung glaong di tua riya pandiak bhang, khaol dahlak mboh hu bruk bui sambai angaok mbaok di urang taha, anek naih tuk hu pandar aia hu ba meng angaok ceik mai palei, mai tal yaok baoh sang.

       Xã Kéo Yên nan lac sa dalam 6 xã bhum Lục Khu kurang aia trak  (5 bilan  sa thun) dom thun dahlau, dalam dom bilan pandiak bhang, yaok harei urang taha, uranaih njauk nao takai labaih 10 km piah gui aia mai sang pandar. Taong abih baoh sang dalam xã, yaom lac kathaot jeng njauk padang ngak ka drei sa baoh chum xi - măng biak prong piah padang aia dalam dom bilan pandiak bhang.

“Urang daok oh hu aia piah menyum ndom hagait tal phun pala. Uranaih njauk klak bac piah nao mek aia, dhul njuh, rambah ralo! Min urak ini lac karei paje...”, ong Vương Văn Choóng, nao ngak apuh mai daok rao tangin, bui sambai lac yau nan.

        Ong Lý Quốc Nam, Akaok UB bhap bani xã Kéo Yên ba khaol dahlak nao vil val palei Rằng Rụng piah mong iek dom gang aia  ba mai ka yaok njaom baoh sang: “dalam palei hu labaih 30 baoh sang, hu ngak 6 gang aia atah ini labaih sa thun meng phun jien daong brei di negar langiu, mai meng nan bo bhap bani oh daok nao gui aia ba mai tuh tame chum piah padang yau dahlau tra. Peih khóa ye  aia haok tabiak ào ào”.

         Tui Sở Ngoại vụ tỉnh Cao Bằng, dom thun tapa, tỉnh Cao Bằng hu peih ngak dom bruk piah jhul pakhang bruk xúc tiến đầu tư meng phun jien daong brei di negar langiu, peih dom nyaom biai taom gaok jak ba phun jien lingiu rajaei di negar langiu (PCPNN). Piah ngak hu siam phun jien buh tame meng dom kapul nyaom lingiu rajaei di negar langiu, Cao Bằng hu padang tagok, pakhang pasiam mBan ngak bruk lingiu rajaei negar langiu di tỉnh; padang Pasak patagok bhap bini Cao Bằng (DECEN), kapul nyaom lingiu rajaei  akaok meti di Cao Bằng. Urak ini, tỉnh Cao Bằng hu pambuak bruk haong 15 kapul nyaom dunya, kapul nyaom lingiu rajaei negar langiu, ngan haong labaih 20 dự án daok peih ngak dalam dom gah patagok palei pala, patrun kathaot, pato bruk ngak, ba brei bruk ngak, pacang khik môi trường, panduan jao công nghệ, patagok pren khang khik iek, pacang caga jit ruak, langyah dom kadha xã hội, ngan haong yaom jien daong brei abih tih labaih 2 triệu USD sa thun.

        Akaok Mentri, Chủ nhiệm Ủy ban Bangsa Đỗ Văn Chiến, ndom lac: dalam dom thun tapa, hu bruk daong ba, pambuak bruk biak siam di dom kapul nyaom dunya, dom gah pambuak bruk patagok, dom kapul nyaom lingiu rajaei… Việt Nam hu jang pren khang piah daong ba, buh jien padai tame ngak ka bhum urang bangsa takik saong bhum ceik. Bruk daong ba nan hu ngak brei salih bahrau mbaok meta puk palei, jhul pakhang bruk patruh eik patrun kathaot, salih bharau bruk ngak mbang kinh tế, ilamo - xã hội bhum ceik saong bhum urang bangsa takik. Min, kayua bhum urangg bangsa takik saong bhum ceik Việt Nam patabiak meng labik biar, jalan mbak nao mai kan kandah nan ye hadom jien padai buh tame padang ngak ka labik ini jeng oh ka pabak hu ginup. Hatai caong khin patui veik bruk buh jien tame ngak saong patagok jeng daok biak prong piah dui brei katut khoảng cách di dom bhum palei, abih di nyu nan lac bhum urang bangsa takik saong bhum ceik  dut haong dom bhum karei di taneh aia. Kayua yau nan ye, jien padai dalam taneh aia saong dom kapul nyaom dunya, raja-ei dom negar, dom gah pambuak brukc patgaok ka bhum urang bangsa saong bhum ceik nan lac bruk biak caong hu./.