Lợi ích của thanh long đối với sức khỏe

Mikva urang pang rayo anit ranam. Thanh long lac janih baoh kayau lagaih haong taneh riya, lingik tasik Việt Nam. Dalam baoh ini, hu rilo vitamin C, B, chất xơ, protein... lac janih baoh kayau siam ka pren yava anek menuac. Tui Life Hack, dalam sa baoh thanh long hu jaik 60 đơn vị calo, 60mg natri, 8g saradang, 2g chất béo không bão hòa saong 2g protein. Lingiu di nan, thanh long daok hu vitamin C, B1, B2, B3, saong khoáng chất pabak ka rup pabhap.

Siam ka tim mạch

Thanh long medea daong pasiam pren yava tim mạch meng bruk trun takik cholesterol jhak saong pabak tame cholesterol siam. Baoh kayau ini hu biak rilo chất béo không bão hòa đơn daong ka baoh hatai hu padeih padei siam di abih.

Daong tiêu hóa

Mbang thanh long meda daong ngak brei hacih hệ tiêu hóa. Thanh long hu biak rilo chất xơ, daong pasiam tiêu hóa saong trun takik táo bón.

Pacang caga me-ik saradang

Chất xơ rilo dalam baoh thanh long meda pasang iek hu saradang dalam darah saong pacang caga ruak me-ik saradang. Nyu jeng siam ka urang njauk ruak me-ik saradang.

Takik viêm khớp

Viêm khớp lac ruak jhak tapak tal dom khớp talang, gaok mai nyu ngak brei liệt. Mbang thanh long yaok harei meda daong pacang viêm, takik viêm khớp.

Pacang caga ung thư

Tui Medical Daily, lingiu vitamin C, thanh long daok hu carotene, dưỡng chất daong pacang ung thư saong patrun hu dom khối u. Lingiu di nan, lycopene dalam ralo bhong di baoh thanh long  daong patrun bruk njauk ruak ung thư tiền liệt tuyến

.

Trun kílô

Urang lamek khin lavang, njauk mbang baoh thanh long yaok harei. Kayua dalam baoh thanh long hu takik calo saong hu rilo chất xơ, tapa nan nyu daong ngak brei mboh trei tian samar jang, mboh takik mahu mbang.

Siam kalik

Dom chất pacang oxy hóa di thanh long daong ngak brei kalik takik nhăn tui umo thun. Drei meda pandar mặt nạ thanh long  pambuak haong ia dhar ko piah pacang kalik nhăn, taha.

Abih mụn: Baoh kayau hu rilo vitamin C ini hu maong lac janih jru siam piah lihik abih mụn trứng cá. Drei meda chai klik thanh long bloh luk tagok mụn dalam10 minit, hadei di nan rao veik haong ia. Ngak yau nan 2 mbang dalam harei mboh hu siam.

Pasiam pandung: Tui Style Craze, drei laok klaak kanduh saong darui di phun thanh long, rao hacih haong ia sara, saok klik mek ia luk atau saok klik blaoh tauk tagok labik pandung mboh abih harao saong samar siam labik pandung./..