# Di bản Thẳm Hon, xã Tạ Bú, huyện Mường La, tỉnh Sơn La, hu sa baoh sang urang Mông lac ong Ly A Sênh tuk halei jeng ba akaok nao dahlau dalam bruk jak ba anek bhik bac da-a. Dom thun dahlau, tuk dalam bản oh hu sang bac, jalan nao atah bayah, sang kan kandah min ong jeng jak ba dom urang anek nao đò, nao gilai tapa kraong Đà tal sang bac. Và Lia, urang pambuak bruk haong rayo sap ndom VN daok di bhum Tây Bắc hu kadha vak ka baoh sang pachreih bac ini:

Bui sambai hong diuk anek tapen ging pui meriah bhong, ong Ly A Sênh brei thau: Dahlau deih, 2 duik pasang ong thau akhar haroh, oh thau sap Phổ thông, oh thau kurhia jien. Hu dom mbang ndua tangei nao pablei, kayua oh thau kuhria nan ye urang blei bayar du halei jien, thau pal du nan. Mboh glaih glar meng bruk oh thau akhar haroh, duik pasang ong Sênh sahaneng lac oh caik ka dom anek oh thau akhar harohc yau drei. Min piah brei ka anek hu nao mbang bac ye sang brei hnu jien ndo. Sahaneng mboh yau nan, duik pasang ong kham merat patagok kinh tế meng bruk pala drak pambuak song rong glang. Yaok thun sang ong pala hu  30 tấn tangei, 3 tấn padai ginup mbang saong jien duah hu meng rong kubau, limo menuk… dong ka ong muk  rong hu anek mbang bac. Dom thun nan, palei oh hu tal bac , yau nan ye yaok thun duik pasang ong  Sênh buh tabiak  6 tạ thóc, pah urang peih đò ba dom anek tapa krong nao bac di ban sit  Mường La. Ông Ly A Sênh brei thau:

 “Duik pasang hulin oh thau akhar haroh, rong hu kubau, limo pablei jeng oh thau yaok jien,  nan ye duik pasang lin khang hatai brei dom anek nao bac ka pahu. Meyah  oh brei ka dom anek nao bac, ye harei hadei dom anek oh thau kuhria hagait yau drei, rambah lo. Biak patuah lac dom anek jeng takre saong kham bac. Duik pasang lin kham merat duah jien brei ka anek mbang bac”.

Mboh song thau bruk gleih glar di amaik ame, 4 urang anek likei di ong Sênh  kham bac daa piah pabak hatai amaik ame, 4 urang anek di ong Sênh jeng bac tamat dom sang bac  Đại học chuyên nghiệp. Urak ni urang anek likei kacua di ong Sênh lac Phó hiệu trưởng sang bac  Tiểu học Chiềng Công-Mường La; anek likei ka 2 bac bloh  đại học Luật song dok lac Akaok palei Thẳm Hon; urang anek ka 3 bac tamat sang bac  Đại học thể chất, urak ni dok ngak bruk di  Phòng cảnh sát cơ động, Công an tỉnh Sơn La song urang anek likei taluac tamat sang bac   Đại học Nông nghiệp Thái Nguyên dok ngak bruk di tỉnh Vĩnh Phúc. Saai  Ly A Dếnh, urang anek likei kacua di  ông Sênh  khan lac, meng hu bac da-a, hu bruk tacei pato di amaik ame drei bo adei saai dalam sang meng hu yau harei ni:

 “Piah hu yau harei ni lac hu amaik ame tuk halei jeng pato pakai, pachreih ba adei saai khol hulin nao bac. Dahlau deih, dalam palei oh hu urang halei nao bac, min mboh amaik ame ngak bruk glaih glar bo daok kham merat brei anek nao bac, nan ye  yaom lac nao takai abih sa harei, langik pandiak atau hajan, adei saai khol hulin jeng kham merat nao bac, oh klaak bac harei halei ”.

Oh thau akhar haroh, min ong Sênh tuk halei jeng lac urang sahneng mboh atah. Lac urang hu angan je dalam palei, oh lac tacei ba ka anek drei nao bac song jeng menuac jeng uran, ong dok hu caik rilo tuk vak jak ba mik va jum pataom gauk,  ngak siam dom sarak di Đảng song karja, gam jak ba anek kamuan dalam palei bac akhar haroh. Tui  ong  Ly A Sênh, mik va drei jhui phân biệt đối xử, kamei atau likei, jeng njauk nao bac. Oh njauk lac bac bloh  hu ngak urang jakar karja, bo bruk praong jang nan lac thau akhar haroh ye thau kuhri kuhria bruk ngak mbang, tagok kinh tế boh sang:

Dịch: “Urak ni dom urang anek di hulin prong abih saong nao ngak bruk atah. Hulin jak ba anek kamuan dalam palei kham bac daa siam, bac thau haroh piah thau kuhri kuhria bruk ngak mbang, oh caik brei oh thau hagait yau khol hulin kayua  dahlau deih oh hu nao bac”.

Sang ong  Ly A Sênh hu pok brei angan lac sang ilamu rilo thun gam song lac sang pachreih bac  pakat  tỉnh, hu dom pakat , dom gah di huyện, tỉnh pok brei rilo harak meyaom. Bruk pachreih bac megru di sang ong Sênh biak njauk ka mik va dom bangsa di bhum ceik glong bac megru tui./.