Tui kuhria mboh, di taneh ia drei, dom bruk lui gauk yaok thun tagok tal 60.000 mbang saong 4 gu diuk pasang tok gauk ye hu sa gu lui gauk. Dalam nan, dom bruk lui gauk ralo meng lac di baoh sang ranaih umo. Anak bruk patagok saong salih barau oh padeih di rai diuk, ralo urang dalam baoh sang biak sangka tame bruk padang dom yaom glaong vật chất bo iek lap yaom glaong tinh thần, bat al bruk amaik ame oh sangka tal anek bhik, baoh sang oh njauk gauk. Taphia di nan,  daok hu jalan sahneng, jalan diukrai oh njauk di rilo urang  ranaih umo, bruk daok hong gauk oh likhah, tui jalan buông thả, oh lành mạnh…. daok ba mai dom kadha oh siam, ngak lahik nao yaom glaong meng kan siam mekre di baoh sang VN. Saai Chử Thị Thanh daok di Thừa Thiên Huế ndom lac:

 “Tapa bruk giao thoa saong hu ralo janih ilamu du nhập tame, meyah yaok urang taduan mek oh palih ruah ye ini lac bruk biak duh hatai saong nhân cách di yaok anek menuac meda salih barau. Lac sa urang ranaih umo, lac urang kamei dalam baoh sang, drei thau cambaih yaom  ilamu meng kan dalam baoh sang di bangsa drei ye drei khik ramik saong pato veik ka dom anek di drei piah dak padang baoh sang trei sil, likei kumei samu gauk, tiến bộ saong hanem phon tui ilamu meng kan di baangsa.

 Rai diuk sami samar saman salih barau, amaik ame jan var saong bruk ngk, anek bhik kuhria bruk baac daa daaok ngak lihik nao dom var huak pataom gauk meng kan dalaam yaok baoh sang, abih di nyu nan lac dom baoh sang ranaih umo daok di thành thị. Meng nan, talei rohim di dom urang dalaam baoh saang jeng long lẻo jang,  uraang iek praong rup drei saong taakik sangkaa iek glang gauk. Hu ralo baoh sang, hadei di var mbang huak, yaaok urang pan sa baoh phon pan tangin bo oh ndom meyai, klah rabha hong gauk dom bruk, dom kadha dalam rai diuk yaaok harei. Wa Đỗ Vụ dok di phường Vĩnh Phúc, Hà Nội ndom lac:

“Baoh sang ranaih urak ini bhian khin daok atah ong muk amaik ame saong khin dalam tuk oh ka hu anek ye  mbang samar, mbang huak di lingiu quán min dahlak saneng lac dom ayut bo hu anek bloh ye brei hu dom var mbang baoh sang kayua tangin drei ngak. Kayua var mbang huak nan nyu ngak brei khang kajap talei rohim di amaik ame saong anek bhik. Bruk sangka abih di labik ini lac tổ ấm baoh sag brei khik hu hanem phon, kak kajap haong gauk, oh hagait kak kajap hu meng bruk iek glang ka gauk bruk mbang huak, cuk ngui saong var lisei baoh sang”.

Tui wa Lê Hùng, daok di quận Bắc Từ Liêm, Hà Nội ye dak padang baoh sang ilamu barau dahlau di abih brei hu pambuak gauk di yếu tố meng kan saong hiện đại. Adat cambat, tanarakun di baoh sang, talei pambuak bruk di dom urang, bruk tôn ti trật tự dalam baoh sang, chữ hiếu brei hu khik ramik.

 “Brei diuk rai pambak pagam tame tình cảm. Meng mbang ngui daok dang tal taong abih dom janih dalam baoh sang ye dom ong, muk brei gương mẫu, hu bruk bao dung, dom anek dom kamuan jeng brei iek praong. Bah sang kol drei lac hu tính truyền thống min jeng brei hiện đại, hiện đại lac  taong abih dom anek brei hu độc lập nhất định. Bruk huac abih di kol dre lac anek khut, bleik sleik, njil njuk. Kayua yau nan ye ngan saong rai rah ranaih brei hu bruk tacei pato di amaik ame, ong muk. Rai ranaih umo jeng brei nghiêm túc,  iek praong saong taong abih brei kham merat saong hu jalan diuk rai siam mekre, cambaih laih meng oh nao suan jalan”.

Dak padang baoh sang ilamu nan lac khik ramik dom yaom glaong tinh thần di rai diuk, khik ramik ilamu mengkan di bangsa dalam bruk patagok piah dak padang XH văn minh. Baoh sang siam mekre, njauk gauk lac jalan praong piah dak padang anek menuac hu kein lab aka XH. Yau nan, bruk patagok ilamu siam mekre di baoh sang VN dalam samar CNH, HĐH lac bruk praong di dom đề án chiến lược patagok baoh sang VN tal thun 202, pamaong tal 2030 daok hu Vụ Gia đình (mintri ilamu, Thể thao saong Du lịch) padang ngak saong ba tabiak. Amuk Đặng Thị Bích Liên, Thứ trưởng mintri ilamu - Thể thao saong Du lịch brei thau:

. “Kol drei brei pathau khn sarak di Đảng ka dak padang baoh sang trei sil, hanem phon, tiến bộ, khang kajap piah meng nan yaok urang mboh hu yaom glaong di baoh sang. Kol drei peih dom bruk ngak, dom danak dak tabung glaong di dom gah yau pato pakai đạo đức atau kreih camin hadah dalam bruk pato anek jat gheih saong ong muk amaik ame gương mẫu, anek taco salut mbut. Baoh sang hu pakhang, pasiam saong hu padang ngak ngan saong kadha lac trei sil ahnem phon, tiến bộ, bình đẳng saong khang kajap hu rik daong ka bruk patruh iek patrun kathaot piah langyah dom bruk XH saong ngak brei chreih chrai dalam bhap bini, abih di nyu nan lac dom urang dalam baoh sang./.