Mai phường 17, quận Phú Nhuận ban raya HCM ndom tal sang saai Bá Trung Phụ saong saai Kiều Thị Ngọc Oanh, mikva thei jeng pok meyaom baoh sang hanem phon. Lac sa Tiến sĩ, akaok duk parang iek, pathau khan miuyim sajarah dak rai ban raya HCM, saai Bá Trung Phụ biak jar var saong bruk ruah duah ilamu. Min, saai jeng caik tukvak piah gam saong diuk pato pakai anek bhik jak gheih, hu mbaok tame dom bruk ilamu, XH, ngak pahala di puk palei. Dalam sang saai bhian pasram ka drei jalan diuk rai siam mekre piah njauk saong angan lac urang pasang anit diuk, ranam anek. Dom anek di saai jeng lac anek saih joi. Dalam labaih 10 thun tapa, saai hu jak ba padang tabiak saong khik kajap kadung jien pachreih bac but pajaih Bá piah daong dom anek saih, sinh viên kan kathaot yam tagok dalam bac daa. Tal urak ini, kadung jien hu tagok tal 100 triệu đồng. Saai Kiều Thị Ngọc Oanh, diuk di saai lac sa urang hội kham merat dalam bruk kapul urang kamei phường. Anit menuac saong hadah krah ba akaok nao dahlau nan ye dalam khu phố, phường thei thei jeng iek praong saong anit ranam diuk pasang saai Phụ. Saai Bá Trung Phụ khan lac:

Băng tiếng Chăm:

Yaok sang yaok rai diuk karei di gauk, min dom urang dalam sang thau klah rabha, ndua naong bruk ka gauk, pabak hanem phon meng hatai anit ranam gauk. Saai Salymah daok di quận Bình Thạnh, ban raya Hồ Chí Minh brei thau: saai lac urang dang akaok kapul urang kamei di tổ dân phố 60, jien bilan oh hu hadom, kayua yau nan ye saai Châu Abdolloh pasang saai  “hy sinh” pablei salih điện gia dụng di sang piah iek glang sang danaok, daong ka saai sanang hatai ngak bruk XH. Ralo bhap bini daok di Khu phố 4, phường 17, quận Bình Thạnh, ban raya Hồ Chí Minh ndom lac: sang saai Salamah, saai Châu Abdollo hu ngak siam dom bruk di sa baoh sang ilamu, anit ranam gauk, tiến bộ, khang kajap pren yava saong hanem phon. Meng dom bruk ngak hu yau nan, sang saai  Salymah rilo thun gam hu pok brei angan baoh sang ilamu hadah krah pakat quận saong ban raya. Saai Salymah lac:    

Băng tiếng Chăm:

Ndom ka dua baoh sang angaok nan, ong Mach Dares Samael, phaok mban đại diện cộng đồng islam ban raya HCM brei thau:

Băng tiếng Chăm:

Angaok nan bahrau lac dua kreih camin dalam biak ralo baoh sang hadah krah dalam bruk dak padang baoh sang hanem phon, diuk rai hu trách nhiệm ngan saong bhap bini urang Chăm di ban raya HCM. Dom urang nan, lac kreih camin hadah njauk bac megru./.