Hadei di tuk nao rilo labik piah bac megru ilamu, ong Trần Minh Thụy- Giám đốc Công ty TNHH một thành viên Cà phê Phước An di huyện Krông Păk, tỉnh Đăk Lăk palih ruah pala phun durieng pablak tame labaih 1.000 ha phun café. Tui nan, yaok 2 phun café,  ong pala sa phun durieng. Bruk ngak nan gaok oh takik panuac ndem tame ndem tabiak di rilo urang jakar, urang ngak di cong ty tuk daok maong café lac phun brei jien tame rilo. Lingiu di nan, daok hu panuac lac ông Thụy khin salih cong ty caphe jeng cong ty sầu riêng. Min, meng akok sahaneng di urang dang akok doanh nghiệp, ong Trần Minh Thụy jeng khang hatai tui ngak bruk pala yau nan. 

Tal bilan paik baoh, thei jeng tatuak drei tuk durieng brei jien glaong jang dom mbang dut saong café. Tui nan, yaok phun durieng pala hu 5 thun brei labaih 200 baoh. Yaom pablei meng 17.000 -30.000 đồng sa kilo tui bilan, hu tuk pablei yaom meng 40.000- 50.000 đồng sa kilo. Yau nan, yaok ha café pala pablak saong durieng brei jien tame meng 400 - 500 triệu đồng yaok thun.

Langiu di nan, café lac phun takre halui, dalam tuk durieng lac phun hu dhar praong, tuk pala pablak nyu biak lagaih. Phun durieng lingiu di bruk pacang halui daok hu labaih ia saong khak buh ka phun café. Meng jalan ngak yau nan, ong Thụy hu daong ka Cty yam tapa tukvak kan kandah hu jeng sa dalam dom doanh nghiep khang kajap di Dak Lak. Dom thun tapa, Cty hu taduan Huan chuong Lao động hạng Nhất, 2 Huân chương Lao động hạng Nhì saong 2 Huân chương Lao động hạng Ba kayua Karja alin meyaom./.